Навіны

19.08.2022 (Обновлено: 26.08.2022 10:27)

У ЕАЭС ўдасканалены правілы правядзення фармацэўтычных інспекцый

Савет Еўразійскай эканамічнай камісіі 19 жніўня прыняў новую рэдакцыю Правіл правядзення фармацэўтычных інспекцый.

«Новая рэдакцыя забяспечвае поўную супастаўнасць вынікаў фармацэўтычных інспекцый інспектарамі краін ЕАЭС і іх узаемнае прызнанне, – адзначыў міністр па тэхнічным рэгуляванні ЕЭК Віктар Назаранка. – Дакумент дазваляе ажыццяўляць паралельнае правядзенне інспекцый з падачай рэгістрацыйнага дасье на выдачу рэгістрацыйнага пасведчання, прызнанне нацыянальных сертыфікатаў GMP для нацыянальных вытворчых пляцовак і прызнанне дакументаў аб інспектаванні – для замежных вытворчых пляцовак без паўтарэння іх інспекцый».

У новай рэдакцыі ўлічаны вопыт назапашанай фармацэўтычнымі інспектаратамі краін ЕАЭС правапрымяняльнай практыкі, актуалізаваны правілы інспектавання фармацэўтычнай вытворчасці, якія забяспечваюць допуск на рынак фармацэўтычных вытворцаў, а таксама ўстаноўлены вычарпальны пералік паўнамоцтваў інспектараў, правоў і абавязкаў суб'ектаў інспекцыйнага працэсу, падстаў для адмовы ў выдачы сертыфіката GMP.