Նորություններ
ԵԱՏՄ-ում կատարելագործվել են դեղագործական ստուգումների անցկացման կանոնները
«Նոր խմբագրությունն ապահովում է ԵԱՏՄ երկրների տեսուչների կողմից դեղագործական ստուգումների արդյունքների լիարժեք համադրելիությունը և դրանց փոխադարձ ճանաչումը,- նշել է ԵՏՀ տեխնիկական կարգավորման նախարար Վիկտոր Նազարենկոն։ - Փաստաթուղթը թույլ է տալիս իրականացնել զուգահեռ ստուգումներ՝ գրանցման վկայականի տրամադրման համար գրանցման դոսյեի ներկայացմամբ, ազգային արտադրական հարթակների համար GMP ազգային հավաստագրերի ճանաչում և օտարերկրյա արտադրական հարթակների համար տեսչական փաստաթղթերի ճանաչում՝ առանց դրանց ստուգումները կրկնելու»:
Նոր խմբագրությունում հաշվի է առնվում ԵԱՏՄ երկրների դեղագործական տեսչությունների կուտակած իրավակիրառ պրակտիկայի փորձը, արդիականացվել են դեղագործական արտադրանքի ստուգման կանոնները, որոնք ապահովում են դեղագործական արտադրողների մուտքը շուկա, ինչպես նաև սահմանվել է տեսուչների լիազորությունների, ստուգման գործընթացի սուբյեկտների իրավունքների ու պարտականությունների, GMP վկայականի տրամադրումը մերժելու հիմքերի սպառիչ ցանկը:
