Навіны

Савет Еўразійскай эканамічнай камісіі ўхваліў праект Пагаднення аб узаемным прызнанні дакументаў аб вучоных ступенях у краінах Еўразійскага эканамічнага саюза для накіравання на правядзенне ўнутрыдзяржаўных працэдур, неабходных для яго падпісання.

«Пагадненне прадугледжвае ўзаемнае прамое прызнанне выдадзеных у дзяржавах-членах дакументаў аб вучоных ступенях працоўных для ажыццяўлення прафесійнай дзейнасці», – адзначыў міністр па эканоміцы і фінансавай палітыцы ЕЭК Руслан Бекетаеў.

У цяперашні час для прызнання вучоных ступеняў у дзяржаве працаўладкавання неабходна праходзіць працэдуру настрыфікацыі (прызнання), якая адрозніваецца ў краінах ЕАЭС па ступені складанасці і працягласці.

Гэта ўскладняе перамяшчэнне работнікаў вышэйшай навуковай кваліфікацыі ў рамках ЕАЭС.

Праект пагаднення накіраваны на стварэнне спрыяльных умоў для перамяшчэння высокакваліфікаваных работнікаў і рэалізацыі сумесных навукова-даследчых праектаў у дзяржавах ЕАЭС.