Նորություններ

Եվրասիական տնտեսական հանձնաժողովի Խորհուրդը հավանություն է տվել Եվրասիական տնտեսական միության երկրներում գիտական աստիճանների վերաբերյալ փաստաթղթերի փոխադարձ ճանաչման մասին համաձայնագրի նախագիծը՝ դրա ստորագրման համար անհրաժեշտ ներպետական ընթացակարգերի անցկացման ուղարկելու համար։

«Համաձայնագիրը նախատեսում է աշխատողների գիտական ​​աստիճանների վերաբերյալ՝ անդամ պետություններում տրված փաստաթղթերի փոխադարձ ուղղակի ճանաչումը՝ մասնագիտական ​​գործունեություն իրականացնելու համար», – նշել է ԵՏՀ տնտեսության և ֆինանսական քաղաքականության հարցերով նախարար Ռուսլան Բեկետաևը:

Ներկայումս աշխատանքի տեղավորման երկրում գիտական աստիճանների ճանաչման համար անհրաժեշտ է անցնել նոստրիֆիկացման (ճանաչման) ընթացակարգ, որը ԵԱՏՄ երկրներում տարբերվում է բարդության աստիճանով և տևողությամբ։

Դա դժվարացնում է ԵԱՏՄ շրջանակներում գիտական բարձր որակավորման աշխատողների տեղաշարժը։

Համաձայնագրի նախագիծն ուղղված է բարձր որակավորում ունեցող աշխատողների տեղաշարժի համար բարենպաստ պայմանների ստեղծմանը և ԵԱՏՄ պետություններում համատեղ գիտահետազոտական նախագծերի իրագործմանը։