Навіны
Уступілі ў сілу адзіныя патрабаванні па ідэнтыфікацыі шакаладу, шакаладных вырабаў і какава-прадуктаў
Змяненні тэхнічнага рэгламенту Мытнага саюза «Аб бяспецы харчовай прадукцыі» па патрабаванням да шакаладу, шакаладных вырабаў і какава-прадуктаў, прынятыя Саветам Еўразійскай эканамічнай камісіі 25 лістапада 2022 года, уступілі ў сілу 25 ліпеня бягучага года.
Згодна з новымі абавязковымі патрабаваннямі шакалад, які выпускаецца ў абарачэнне ў Еўразійскім эканамічным саюзе, павінен змяшчаць у сабе 35% і больш агульнага сухога астатку какава, у тым ліку 18% і больш масла какавы.
Пры вытворчасці шакаладу не дазваляецца выкарыстоўваць жывёлы тлушчы, акрамя малочнага тлушчу. Але дапускаецца прымяняць эквіваленты масла какава і (або) паляпшальнікі масла какава SOS-тыпу, сумарная масавая доля якіх у шакаладзе не павінна перавышаць 5%.
Для вытворчасці шакаладу і какава-прадуктаў не дапускаецца выкарыстоўваць араматызатары, якія імітуюць густ і (або) водар шакаладу або какава-прадуктаў. Для вытворчасці малочнага, экстрамалочнага і белага шакаладу не дапускаецца выкарыстоўваць араматызатары, якія імітуюць густ і (або) водар малака або вяршкоў, малочнага тлушчу.
Шакалад з начынкай павінен змяшчаць у сабе 25% і больш знешняй часткі шакаладу, якую можна аддзяліць ад начынкі. Пры гэтым да шакаладу з начынкай не належаць хлебабулачныя (у тым ліку здобныя) вырабы, мучныя кандытарскія вырабы і марозіва, пакрытыя шакаладам.
Вызначаныя патрабаванні гарманізаваны з міжнароднымі стандартамі Кодэкса Аліментарыус.
Згодна з Рашэннем Калегіі Камісіі ад 14 сакавіка 2023 года № 30 аб парадку ўвядзення ў дзеянне названых змяненняў (пераходныя палажэнні) на працягу 24 месяцаў ад даты ўступлення іх у сілу можна вырабляць і выпускаць у абарачэнне ў Саюзе такую харчовую прадукцыю ў адпаведнасці з абавязковымі патрабаваннямі, раней вызначанымі тэхрэгламентам Мытнага саюза «Аб бяспецы харчовай прадукцыі».
