Նորություններ

Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը շնորհավորական հեռագիր է հղել Մասուդ Պեզեշկիանին նախագահական ընտրություններում վերջինիս հաղթանակի կապակցությամբ։

«Վստահ եմ, որ Ձեր հարուստ կենսափորձը և հեռատես քաղաքականությունը հսկայական ավանդ կունենան Իրանի Իսլամական Հանրապետության հետագա զարգացման և բարգավաճման գործում: Եվրասիական տնտեսական միության երկրները բարձր են գնահատում Իրանի հետ ամուր գործընկերությունը՝ հիմնված բարեկամության և փոխադարձ հարգանքի վրա։ Ակնկալում ենք սերտ փոխգործակցություն Ձեզ հետ մեր համագործակցության ամրապնդման և նոր հնարավորությունների բացահայտման համար», — ասել է Բակիտժան Սագինտաևը։