Նորություններ
ԵՏՀ-ն և Մյանման փոխգործակցության հուշագիր են ստորագրել
Եվրասիական տնտեսական հանձնաժողովի և Մյանմայի Հանրապետության կառավարության միջև փոխգործակցության հուշագիրը ստորագրել են ԵՏՀ ինտեգրման և մակրոտնտեսության նախարար Սերգեյ Գլազևը և Մյանմայի ներդրումների և արտաքին տնտեսական կապերի նախարար Կան Զոն։ Արարողությունը տեղի է ունեցել հունիսի 15-ին Պետերբուրգի միջազգային տնտեսական համաժողովի շրջանակներում։
Հուշագիրը նախատեսում է փոխգործակցություն այնպիսի ուղղություններով, ինչպիսիք են մաքսային կարգավորումը, տեխնիկական կարգավորումը, սանիտարական, անասնաբուժասանիտարական և կարանտինային բուսասանիտարական միջոցների կիրառումը, ֆինանսական շուկաները, տրանսպորտը, էներգետիկան, ագրոարդյունաբերական համալիրը և այլն։ Հուշագիրը նախատեսում է փոխգործակցության աշխատանքային խմբի ստեղծում և համատեղ միջոցառումների պլանի մշակում։
Փաստաթուղթը կնպաստի փոխշահավետ տնտեսական համագործակցությանը, ինչպես նաև Եվրասիական տնտեսական միության պետությունների և Մյանմայի միջև առևտրի ընդլայնմանը և տարբերակմանը։
Սերգեյ Գլազևը նշել է, որ Հուշագրի ստորագրումը ևս մեկ քայլ է Հարավարևելյան Ասիայի երկրների հետ Հանձնաժողովի շփումների ամրապնդման ուղղությամբ։
«Հուշագրի հիման վրա մենք կկարողանանք լուծել առևտրի արգելքների վերացման, տեղեկատվության փոխանակման, համագործակցության մեխանիզմների մշակման կոնկրետ խնդիրներ՝ ի շահ մեր ժողովուրդների նոր նախագծեր և ներդրումներ ստեղծելու համար»,- ասել է Սերգեյ Գլազևը։
Իր հերթին Կան Զոն շնորհակալություն է հայտնել Սերգեյ Գլազևին համատեղ աշխատանքի համար։
«Ստորագրումից հետո մենք պետք է գործնականում իրականացնենք մեր պարտավորությունները, և շատ ենք ուզում, որ նման համագործակցությունն արդյունավետ լինի»,- ասել է նա։
Ստորագրման հանդիսավոր արարողությանը մասնակցել են նաև Մյանմայի Միության Հանրապետության պլանավորման և ֆինանսների նախարար Վին Շեյնը, Մյանմայի Միության Հանրապետության Կենտրոնական բանկի կառավարիչ Տան Տան Սվեն, Ռուսաստանի Դաշնությունում Մյանմայի Միության Հանրապետության արտակարգ և լիազոր դեսպան Լվին Ուն, ԵԱՏՄ երկրների գործարար շրջանակների ներկայացուցիչներ:
Տեղեկանք
Մյանման հայտնել է, որ հետաքրքրված է ԵԱՏՄ անդամ պետությունների հետ համագործակցությամբ, 2021 թվականին: Երկրի հետ փոխգործակցության զարգացումը համապատասխանում է ԱՍԵԱՆ-ի կազմում ընդգրկված երկրների հետ համագործակցության ամրապնդման Հանձնաժողովի խնդիրներին։ Հանձնաժողովը համագործակցում է նաև ԱՍԵԱՆ-ի այնպիսի երկրների հետ, ինչպիսիք են Վիետնամը, որի հետ կնքվել է Ազատ առևտրի մասին համաձայնագիր, ինչպես նաև Ինդոնեզիան, Կամբոջան, Սինգապուրը, Թաիլանդը, որոնց կառավարությունների հետ Հանձնաժողովը հուշագրեր է կնքել։
