арм

Նորություններ

ԵՏՀ ԶԼՄ-ներում Ֆոտոսրահ Տեսադարան
19 հունիսի 2025 Էլդար Ալիշերով. «Մեր երկխոսության նպատակն է աջակցությունը ԵԱՏՄ երկրների և Մյանմանրի ապրանքաշրջանառության հետագա աճին» Եվրասիական տնտեսական հանձնաժողովի և Մյանմարի Միություն Հանրապետության կառավարության միջև փոխգործակցության հարցերով համատեղ աշխատանքային խմբի նիստում քննարկվել են Եվրասիական տնտեսական միության և Մյանմարի առևտրատնտեսական համագործակցության գերակայությունները: Հանդիպումն անցել է Պետորբուրգի միջազգային տնտեսական համաժողովի շրջանակներում ԵՏՀ ինտեգրման և մակրոտնտեսության նախարար Էլդար Ալիշերովի և Մյանմարի ներդրումների և արտաքին տնտեսական կապերի նախարար Կան Զոյի համանախագահությամբ: Նիստի մասնակիցները քննարկել են առևտրի, գյուղատնտեսության, մրցակցային քաղաքականության ոլորտներում համագործակցության, բիզնես շրջանակների փոխգործակցության հարցեր: «ԵԱՏՄ շրջանակներում մշակվող ռեգուլյատորիկայի տարբեր ասպեկտներով մեր երկխոսության նպատակն է աջակցել եվրասիական «հնգյակի» երկրների և Մյանմարի առևտրատնտեսական կապերի զարգացմանը, ապրանքաշրջանառության հետագա աճին, որը 2019 թվականից ի վեր ավելի քան եռապատկվել է», — հայտարարել է Էլդար Ալիշերովը: Այս փուլում Հանձնաժողովի և Մյանմարի կառավարության միջև համագործակցության՝ ԵՏՀ նախարարի կողմից նախանշված առանցքային խնդիրների թվում են միմյանց առևտրատնտեսական հնարավորությունների մասին իրազեկվածության բարձրացումը, ինչպես նաև տնտեսական հարաբերություններում «թույլ» կողմերի նույնականացումը, որոնք պետք է քննարկվել աշխատանքային խմբի շրջանակներում: Նրա խոսքով՝ կողմերի համագործակցության բարձր ներուժը «կանխորոշվում է ընդհանուր առմամբ ԱՍԵԱՆ-ի տարածաշրջանի հետ Հանձնաժողովի ակտիվ երկխոսությամբ, ինչպես նաև այն փաստով, որ Մյանմարը, ըստ էության, ԵԱՏՄ-ն ԱՍԵԱՆ-ի հետ կապող «կամուրջն» է, Հարավ-Արևելյան Ասիայի խոշոր տնտեսությունների առևտրային «խաչմերուկը»: Կան Զոն իր հերթին կարևորել է ԵՏՀ-ի հետ երկխոսությունը Միության բոլոր երկրների հետ տնտեսական համագործակցության ակտիվացման համար: Այս կապակցությամբ նա առանձնացրել է մի շարք առավել հեռանկարային ուղղություններ՝ թվայնացումը, էլեկտրոնային առևտուրը, գյուղատնտեսության ոլորտում տեխնոլոգիաների փոխանակումը, փոխգործակցությունը Մյանմարի հատուկ տնտեսական գոտիների շրջանակներում: Նիստում ելույթով հանդես են եկել Մյանմարի առևտրի նախարար Օունը, Մյանմարի գյուղատնտեսության, անասնաբուծության և ոռոգման նախարար Մին Նաունը, ինչպես նաև այդ երկրի Առևտրաարդյունաբերական միության նախագահ Այ Վինը: Կողմերը ԵԱՏՄ պետությունների և Մյանմարի ձեռնարկատերերին կոչ են արել ավելի սերտ համագործակցել, այդ թվում՝ ԵԱՏՄ գործարար խորհրդի և Մյանմարի համապատասխան բիզնես ընկերակցության միջև պաշտոնական երկխոսություն սահմանելուն: Համատեղ աշխատանքային խմբի հերտական նիստը կկայանա 2026 թվականին: Եվրասիական տնտեսական հանձնաժողովի և Մյանմարի Միություն Հանրապետության կառավարության միջև փոխգործակցության հուշագիրը ստոագրվել է 2023 թվականին: 
19 հունիսի 2025 ՊՄՏՀ-2025. ԵԱՏՄ-ԱՍԵԱՆ բիզնես երկխոսություն Հունիսի 19-ին Պետերբուրգի 28-րդ միջազգային տնտեսական համաժողովի գործարար ծրագրի շրջանակներում կայացել է ԵԱՏՄ-ԱՍԵԱՆ բիզնես երկխոսությունը, որին մասնակցել է Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովը: «ԵԱՏՄ-ԱՍԵԱՆ բիզնես երկխոսությունը արդյունավետ հարթակ է երկու ինտեգրացիոն միավորումների բիզնեսի ներկայացուցիչների բաց և վստահելի շփումների, փոխգործակցության առանցքային ուղղություններով «ժամացույցների համեմատման» և համագործակցության հեռանկարային ոլորտների քննարկման համար», — նշել է Էլդար Ալիշերովը: ԵՏՀ նախարարն ընդգծել է, որ ԵԱՏՄ-ի և ԱՍԵԱՆ-ի երկրների բիզնեսի համար կարևոր է ավելի ակտիվորեն օգտագործել թվայնացման հնարավորությունները, տեղեկատվական հարթակներ ստեղծել, որոնք հնարավոր գործընկերներին թույլ են տալիս գտնել միմյանց, կազմակերպել բիզնես առաքելություններ, գտնել համագործակցության նոր ձևաչափեր: ԵԱՏՄ-ի և ԱՍԵԱՆ-ի գործարար շրջանակների փոխգործակցության համար լավ հեռանկարներ է տալիս ոլորտային երկխոսությունը: «Հանձնաժողովը և ԱՍԵԱՆ-ի քարտուղարությունն արդեն արել են գործնական քայլեր: 2025 թվականին մեկնարկել է ոլորտային սեմինարների շարք հետևյալ ուղղություններով՝ էներգետիկա, գյուղատնտեսություն, մաքսային կարգավորում, մտավոր սեփականություն, էլեկտրոնային առևտուր, մրցակցային քաղաքականություն, տրանսպորտ», — հայտնել է Էլդար Ալիշերովը: ԵՏՀ ինտեգրման բլոկի ղեկավարը նշել է, որ երկու միավորումների երկրների առևտրատնտեսական և գործարար համագործակցության դրական դինամիկային նպաստում է փոխգործակցության ամուր ինստիտուցիոնալ հիմքը:  «Հեռանկարում ԵԱՏՄ-ն և ԱՍԵԱՆ-ը կարող էին մտածել ԵԱՏՄ-ԱՍԵԱՆ երկխոսության առանձին մեխանիզմ ձևավորելու մասին: Այն կարող էր ունենալ արտահայտված բիզնես բաղադրիչ՝ ելնելով այն փաստից, որ բիզնեսը առևտրատնտեսական համագործակցության հիմնական շահառուն է», — նշել է Էլդար Ալիշերովը: Բիզնես երկխոսությանը մասնակցել են «Ռուսաստան-ԱՍԵԱՆ» գործարար խորհրդի նախագահ Իվան Պոլյակովը (մոդերատոր), Ադինին ընկերությունների խմբի կառավարող տնօրեն, Բրունեյ-Դարուսալամի Պետությունից ԱՍԵԱՆ գործարար խորհրդակցական խորհրդի նախագահ Մուսա Ադնինը, Մյանմարի Միություն Հանրապետության ներդրումների և արտաքին տնտեսական շփումների նախարար Կան Զոն, Լաոսի Ժողովրդադեմոկրատական Հանրապետության փոխվարչապետ Սալեմսայ Կոմասիտը, Ռուսաստանի էներգետիկայի նախարարության Ռուսաստանի էներգետիկ գործակալության (ՌԷԳ) գլխավոր տնօրեն Ալեքսեյ Կուլապինը, Ikhlas Capital-ի հիմնադիր, Մալայզիայից ԱՍԵԱՆ գործարար խորհրդակցական խորհրդի նախագահ Նազիր Ռազակը, «Մոսկվայի արտահանման կենտրոն» ԻՈԱԿ գլխավոր տնօրեն Վիտալի Ստեպանովը, ԱՍԵԱՆ-ի գլխավոր քարտուղարի տեղակալ Սաթվինդեր Սինգհը: ԵԱՏՄ-ԱՍԵԱՆ բիզնես երկխոսությունը կազմակերպվել է Եվրասիական տնտեսական հանձնաժողովի կողմից՝ «Ռոսկոնգրես» հիմնադրամի կազմակերպական աջակցությամբ և Ռուսաստան-ԱՍԵԱՆ գործարար խորհրդի հետ համակարգմամբ: 2019 թվականից ի վեր միջոցառումն ավանդաբար կազմակերպվում է Պետերբուրգի միջազգային տնտեսական համաժողովի գործարար ծրագրի շրջանակներում: ԵՏՀ-ի և ԱՍԵԱՆ-ի միջև տնտեսական համագործակցության ոլորտում փոխըմբռնման հուշագիրը ստորագրվել է 2018 թվականին: Հուշագրի իրականացման նպատակով ընդունվել է 2020-2025 թվականների համագործակցության ծրագիրը։ Փաստաթուղթն ընդգրկում է այնպիսի ոլորտներ, ինչպիսիք են մաքսային օրենսդրությունը և իրավակիրառ պրակտիկան, առևտրային քաղաքականությունը, առևտրային քաղաքականությունը, ձեռնարկատիրական գործունեությունը, տեխնիկական և հակամենաշնորհային կարգավորումը, ՍԲՍ-միջոցները, էներգետիկան, ներքին շուկաների գործունեությունը և այլն։ Համագործակցության և փոխըմբռնման հուշագրեր, ինչպես նաև ազատ առևտրի գոտու մասին համաձայնագրեր են կնքվել ԱՍԵԱՆ-ի երկրների մեծ մասի՝ Վիետնամի, Ինդոնեզիայի, Կամբոջայի, Թաիլանդի, Սինգապուրի, Մյանմարի հետ:
ԵՏՀ-ն նշում է ԵԱՏՄ երկրներում գործարար ակտիվության դինամիկայի փոփոխություն 30 մայիսի 2025 ԵՏՀ-ն նշում է ԵԱՏՄ երկրներում գործարար ակտիվության դինամիկայի փոփոխություն Տնտեսական զարգացման համընկնող և առաջանցիկ ցուցիչների հաշվարկման արդյունքները վկայում են Եվրասիական տնտեսական միության երկրներում գործարար ակտիվության դինամիկայի փոփոխության մասին։ Եվրասիական տնտեսական հանձնաժողովի գնահատմամբ՝ 2025 թվականի հունիսին ինտեգրացիոն միավորման պետությունների մեծ մասի տնտեսություններում դանդաղում է սպասվում, ընդ որում, Ղազախստանի տնտեսությունը կթևակոխի գործարար ակտիվության աճի փուլ: Ներկայումս Ղազախստանի և Ռուսաստանի տնտեսությունները դանդաղման փուլում են, Հայաստանում, Բելառուսում և Ղրղզստանում նկատվում է գործարար ակտիվության աճ:  Առաջանցիկ ցուցիչները կանխատեսման գործիք են, որն օգտագործվում է Եվրասիական տնտեսական հանձնաժողովի կողմից եվրասիական «հնգյակի» երկրներում կարճաժամկետ հեռանկարում գործարար ակտիվության փոփոխության դինամիկայի ուղղության մասին պատկերացում կազմելու համար: Դրանք կուտակում են առավել կարևոր տեղեկատվությունը կարճաժամկետ գործընթացների վերաբերյալ, որոնք վկայում են տնտեսական գործակալների վարքագիծը և տնտեսության հիմնական միտումների մասին:
29 մայիսի 2025 ԵՏՀ-ն նախապատրաստել է ԵԱՏՄ վիճակագրական տեղեկատվության որակի գնահատման վերաբերյալ առաջին հաշվետվությունը Եվրասիական տնտեսական հանձնաժողովի վիճակագրության հարցերով խորհրդատվական կոմիտեի նիստում քննարկվել են 2021-2025 թվականներին Եվրասիական տնտեսական միության վիճակագրության ոլորտում ինտեգրման զարգացման ծրագրի և Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների իրականացման տարեկան արդյունքները: Նիստի մասնակիցները քննարկել են ԵԱՏՄ պաշտոնական վիճակագրական տեղեկատվության որակի գնահատման համակարգի վերաբերյալ 2024 թվականի հաշվետվությունը: Խորհրդատվական կոմիտեի անդամներն ընդգծել են այս աշխատանքի կարևորությունը և եզրակացրել, որ անհրաժեշտ է այն կատարել ամեն տարի: Նաև նշվել է, որ վիճակագրության ոլորտում թվային տեխնոլոգիաների ներդրումը թույլ կտա զգալիորեն կրճատել հրապարակումների նախապատրաստման ժամկետները: Հաշվետվությունը նախապատրաստվել է Միության վիճտեղեկատվության որակի գնահատման ուղեցույցի պահանջներին համապատասխան, որը մշակվել է ԵՏՀ վիճակագրության վարչության կողմից միավորման պետությունների լիազոր մարմինների հետ համատեղ: Վիճակագրության հարցերով խորհրդատվական կոմիտեի հաջորդ նիստը նախատեսված է 2025 թվականի հոկտեմբերին: Վիճակագրության հարցերով խորհրդատվական կոմիտեի նիստի մասին ավելի մանրամասն տեղեկատվությունը ներկայացված է Վիճակագրության վարչության կայքէջի «Վիճակագրության հարցերով խորհրդատվական կոմիտե» բաժնում:
27 մայիսի 2025 ԵՏՀ-ն և Թաիլանդը ակտիվացնում են փոխգործակցությունը Եվրասիական տնտեսական հանձնաժողովի և Թաիլանդի Թագավորության կառավարության համագործակցության հեռանկարային ուղղությունները քննարկել են ԵՏՀ ինտեգրման զարգացման վարչության տնօրեն Միքայել Բելլույանը և Թաիլանդի ԱԳՆ եվրոպական վարչության փոխտնօրեն Սոմրուդի Պուպորնանակեն: Միքայել Բելլույանը նշել է, որ Հանձնաժողովն առաջարկում է ակտիվացնել Եվրասիական տնտեսական միության պետությունների և Թաիլանդի Թագավորության միջև առևտրի ընդլայնման համատեղ աշխատանքը, այդ թվում՝ Համագործակցության մասին հուշագրի շրջանակներում: Նա նաև հայտնել է, որ 2025 թվականի հունիսին նախատեսվում է անցկացնել եվրասիական տնտեսական օրակարգի մասին ոլորտային սեմինար Թաիլանդի պաշտոնական շրջանակների և գործարար համայնքի ներկայացուցիչների համար: Կողմերը քննարկել են ԵՏՀ և Թաիլանդի կառավարության միջև փոխգործակցության հարցերով համատեղ աշխատանքային խմբի 3-րդ նիստի անցկացման հնարավորությունը, որի ընթացքում կքննարկվեն համագործակցության պրակտիկ հարցեր, ինչպես նաև համատեղ միջոցառումների պլանի ձևավորումը: Սոմրուդի Պուպորնանակեն կողմ է արտահայտվել հնչեցված առաջարկներին և նշել, որ Թաիլանդը մտադիր է զարգացնել երկխոսությունը ԵՏՀ-ի հետ հուշագրի շրջանակներում և հետաքրքրված է ԵԱՏՄ երկրների հետ առևտրատնտեսական համագործակցության զարգացմամբ, այդ թվում՝ ԵԱՏՄ-ի, նրա անդամ պետությունների և Թաիլանդի Թագավորության միջև ԱԱԳ ստեղծման հնարավուրության ուսումնասիրման համատեքստում: ԵՏՀ-ի և Թաիլանդի Թագավորության կառավարության միջև Համագործակցության մասին հուշագիրը ստորագրվել է 2018 թվականի նոյեմբերի 19-ին։ Համձայն փաստաթղթի՝ կողմերը մտադիր են համագործակցություն իրականացնել հետևյալ ուղղություններով՝ տարածաշրջանային տնտեսական ինտեգրու. առևտրային քաղաքականություն. Եվրասիական տնտեսական միության անդամ պետություններում և Թաիլանդի Թագավորությունում տնտեսական զարգացման և մակրոտնտեսական իրավիճակի վերլուծություն. մաքսային կարգավորում. տեխնիկական կարգավորում. սանիտարական, անասնաբուժասանիտարական և կարանտինային բուսասանիտարական միջոցներ. ֆինանսներ. տրանսպորտ. էներգետիկ քաղաքականություն. ագրոարդյունաբերական համալիր. մրցակցային քաղաքականություն և հակամենաշնորհային կարգավորում. արդյունաբերություն. մտավոր սեփականություն. սպառողների իրավունքների պաշտպանություն. տեղեկատվահաղորդակցական տեխնոլոգիաներ և թվային տնտեսություն. ծառայությունների առևտուր և ներդրումներ. ձեռնարկատիրության զարգացում. պետական գնումներ. փոխադարձ տնտեսական հետաքրքրություն ներկայացնող այլ ուղղություններ:
15 մայիսի 2025 Էլդար Ալիշերովը հանդիպել է Ղրղզստանի Ժոգորկու Քենեշի պատգամավորների հետ Եվրասիական տնտեսական հանձնաժողովի ինտեգրման և մակրոտնտեսության նախարար Էլդար Ալիշերովի և Ղրղզստանի Հանրապետության Ժոգորկու Քենեշի պատգամավորների հանդիպման ընթացքում քննարկվել են Ղազախստանի Հանրապետության և Եվրասիական տնտեսական միությունում իր գործընկերների տնտեսական համագործակցության հետագա զարգացման հարցեր: Շեշտը դրվել է Մինչև 2025 թվականը եվրասիական տնտեսական ինտեգրման զարգացման ռազմավարական ուղղությունների և «Եվրասիական տնտեսական ուղի» մինչև 2030 թվականը և մինչև 2045 թվականն ընկած ժամանակահատվածում Եվրասիական տնտեսական միության շրջանակներում տնտեսական գործընթացների զարգացման մասին հռչակագրի իրականացման վրա: Հանդիպմանը մասնակցել է նաև ԵՏՀ մակրոտնտեսական քաղաքականության վարչության տնօրեն Ալեքսեյ Վեդևը, որը նշել է, որ 2024 թվականին Ղրղզստանի տնտեսական աճի բարձր տեմպ է արձանագրել՝ 9%, որը մի քանի անգամ գերազանցում է միջին համաշխարհային մակարդակը (3.2%): Վերջինիս խոսքով՝ սա ազգային մակարդակով ձեռնարկված միջոցների և մակրոտնտեսական կառավարման որակի, ինչպես նաև տնտեսական զարգացման կայունության և հավասարակշռվածության բարձրացման արդյունք է: ԵՏՀ գնահատմամբ՝ տնտեսական աճը հիմնված էր բարձր ներդրումային ակտիվության և ստվերային տնտեսության մակարդակի նվազեցման վրա: Ապահովվել էր գնային կայունությունը. սպառողական գների աճը կազմել է 6.3%, ինչը համապատասխանում է գնաճի միջնաժամկետ նպատակային կողմնորոշիչին: Բարձրացել է բյուջետային և պարտքի կայունությունը. բյուջեն կատարվում էր պրոֆիցիտով, իսկ ՀՆԱ-ի նկատմամբ պետական պարտքի մակարդակը էապես նվազել է: Ձեռնարկվող միջոցները թույլ են տալիս պահպանել դրական մակրոտնտեսական դինամիկան. սա հաստատվում է Ղրղզստանի սոցիալտնտեսական զարգացման 2025 թվականի 1-ին եռամսյակի մշտադիտարկման արդյունքներով, որն անցկացվել է Հանձնաժողովի կողմից:
29 ապրիլի 2025 ԵՏՀ-ն և Հորդանանի կառավարությունը ակտիվացնում են փոխգործակցությունը համագործակցության հուշագրին համապատասխան Եվրասիական տնտեսական հանձնաժողովի, Եվրասիական տնտեսական միության անդամ պետությունների և Հորդանանի Հաշիմյան Թագավորության միջև առևտրատնտեսական երկխոսության հեռանկարները քննարկել են ԵՏՀ ինտեգրման զարգացման վարչության տնօրեն Միքայել Բելլույանը և Ռուսաստանի Դաշնությունում Հորդանանի Հաշիմյան Թագավորության արտակարգ և լիազոր դեսպան Խալիդ Աբդուլլահ Շավաբկան։ Միքայել Բելլույանը վերահաստատել է, որ ԵՏՀ-ն կողմ է աշխատանքներն ակտիվացնելու վերաբերյալ, այդ թվում՝ Համագործակցության հուշագրի շրջանակներում, հորդանանյան կողմի նախկինում արված առաջարկներին։ ԵՏՀ վարչության տնօրենը նախաձեռնել է 2025 թվականին համատեղ աշխատանքային խմբի առաջին նիստի անցկացումը, որի օրակարգում առաջարկվել է ներառել առևտրատնտեսական համագործակցության ակտիվացման և համատեղ միջոցառումների պլանի ձևավորման գործնական հարցեր։ Նման միջոցառումներ կարող են դառնալ եվրասիական տնտեսական օրակարգի վերաբերյալ Հորդանանի պաշտոնական շրջանակների և գործարար համայնքի ներկայացուցիչների համար կազմակերպվելիք ոլորտային սեմինարները։ Խալիդ Աբդուլլահ Շավաբկան կողմ է արտահայտվել այս առաջարկներին՝ հավելելով, որ հորդանանյան կողմը բաց է ԵՏՀ-ի հետ փոխգործակցության և վերջինիս նախաձեռնությունների համար և պատրաստ է միանալ բարձր մակարդակով։ Հանդիպման մասնակիցները պայմանավորվել են մշակել համագործակցության ակտիվացման հարցեր. այդ նպատակով նախատեսվում է փոխգործակցություն հաստատել ԵՏՀ-ի և Հորդանանի առևտրի և արդյունաբերության նախարարության միջև։ Միքայել Բելլույանը Ռուսաստանում Հորդանանի դեսպանին հրավիրել է մասնակցելու Եվրասիական տնտեսական համաժողովին, որը տեղի կունենա 2025 թվականի հունիսին Մինսկում։ ԵՏՀ-ի և Հորդանանի Հաշիմյան Թագավորության կառավարության միջև համագործակցության հուշագիրը կնքվել է 2017 թվականին։ Փաստաթղթի համաձայն՝ կողմերը մտադիր են համագործակցել այնպիսի ուղղություններով, ինչպիսիք են տարածաշրջանային տնտեսական ինտեգրումը. տնտեսական զարգացման և մակրոտնտեսական իրավիճակի վերլուծությունը. մաքսային կարգավորումը. տեխնիկական կարգավորումը. սանիտարական, անասնաբուժասանիտարական և կարանտինային բուսասանիտարական միջոցների կիրառումը. ֆինանսները. տրանսպորտը. էներգետիկան. ագրոարդյունաբերական համալիրը. մրցակցային քաղաքականությունը և հակամենաշնորհային կարգավորումը. արդյունաբերությունը. մտավոր սեփականությունը. տեղեկատվական տեխնոլոգիաները. ծառայությունների առևտուրը և ներդրումները. ձեռնարկատիրության զարգացումը. պետական գնումները. փոխադարձ հետաքրքրություն ներկայացնող այլ ուղղություններ։
24 ապրիլի 2025 ԵԱՏՄ երկրները պահպանում էին տնտեսական աճի համաշխարհային միջինից բարձր տեմպերը Մակրոտնտեսական քաղաքականության հարցերով խորհրդատվական կոմիտեի նիստում, որը վարում էր ինտեգրման և մակրոտնտեսության նախարար Էլդար Ալիշերովը, քննարկվել է 2024 թվականի զեկույցը սոցիալտնտեսական զարգացման արդյունքների և հեռանկարների և անդամ պետությունների կողմից մակրոտնտեսական քաղաքականության ոլորտում ձեռնարկված միջոցների մասին։ Տնտեսական աճի տեմպերը 2024 թվականի արդյունքներով գերազանցել են համաշխարհային միջին ցուցանիշը. ընդհանուր ՀՆԱ-ն աճել է 4.4%-ով։ Առանցքային մակրոտնտեսական ցուցանիշների մեծ մասը դրսևորել է դրական դինամիկա։ Անդամ պետությունների կողմից ձեռնարկված միջոցներն ուղղված էին մակրոտնտեսական կայունության ապահովմանը, անհավասարակշռությունների ժամանակին կանխարգելմանը և կարգավորմանը։ Նիստում ներկայացվել են Եվրասիական տնտեսական միության պետությունների կայուն տնտեսական զարգացումը որոշող մակրոտնտեսական ցուցանիշների մշտադիտարկման արդյունքները։ Նշվել է, որ ընդհանուր առմամբ ԵԱՏՄ երկրների մեծ մասում պահպանվում է բյուջեի և պարտքի կայունությունը։ Միևնույն ժամանակ, անդամ պետությունների մակրոտնտեսական քաղաքականության գերակայություններից է մնում գնային կայունության ապահովումը։ Նիստի մասնակիցները քննարկել են Կանխատեսման համակարգի մոտեցումների կատարելագործման նպատակով սոցիալտնտեսական զարգացման պաշտոնական կանխատեսումների նախապատրաստման համար օգտագործվող կանխատեսումների արտաքին պարամետրերի միջակայքային քանակական արժեքների համաձայնեցման կարգի փոփոխությունները: Մակրոտնտեսական քաղաքականության հարցերով խորհրդատվական կոմիտեն Հանձնաժողովի կոլեգիային կից խորհրդատվական մարմին է, որն ապահովում է Եվրասիական տնտեսական միության շրջանակներում համաձայնեցված մակրոտնտեսական քաղաքականության հարցերի վերաբերյալ եզրակացությունների, առաջարկների, հանձնարարականների նախապատրաստումը և խորհրդատվությունների անցկացումը։  ԵԱՏՄ մասին պայմանագրի 63-րդ հոդվածին համապատասխան՝ տնտեսական զարգացման կայունությունը որոշող մակրոտնտեսական ցուցանիշներից են գնաճի մակարդակը, պետական կառավարման հատվածի բյուջեի պակասուրդը և պետական կառավարման հատվածի պարտքը։
Ցուցադրել ավելին

Պաշարներ ԵՏՄ