Жаңалықтар

22 сәуірдің 2025 Эльдар Алишеров Ереванға жұмыс сапары барысында бірқатар кездесу өткізді Еуразиялық экономикалық комиссияның Интеграция және макроэкономика жөніндегі министрі Эльдар Алишеров Армения Республикасы Экономика министрінің орынбасары Нарек Овакимянмен жұмыс кездесуін өткізді. "Еуразиялық экономикалық жол" 2030-Декларациясын іске асыру жөніндегі іс-шаралар жоспарын дайындауды қоса, Еуразиялық интеграцияның өзекті мәселелері талқыланды. Соның ішінде тараптардың келісілген шешімдерін әзірлеуді талап ететін тақырыптар қаралды. Армения Сыртқы істер министрінің орынбасары Мнацакан Сафарянмен жұмыс кездесуі шеңберінде Еуразиялық экономикалық одақтың 2025 жылға арналған халықаралық қызметінің негізгі бағыттарын іске асыру мәселелері талқыланып, ЕЭК-тің қарымды халықаралық әріптестерімен, соның ішінде өңірлік бірлестіктер мен халықаралық ұйымдардың алаңдарында іс-шаралар өткізуіне баса назар аударылды. Сондай-ақ, Эльдар Алишеров Статистика комитетінің басшысы, Статистика жөніндегі мемлекеттік кеңестің төрағасы Степан Мнацаканянмен келіссөздер жүргізді. Тараптар өзара іс-қимылдың ағымдағы деңгейін және статистика саласындағы интеграцияны дамытудың ұзақ мерзімді келешекке арналған перспективалық бағыттарын талқылады. Бұл арада сөз статистиканы цифрландыру мен оны қалыптастырудың ғылыми тәсілдемесі жайында болды. SDMX деректерін және метадеректерін алмасу стандартын ендіруге айрықша назар аударылды.

18 сәуірдің 2025 ЕЭК пен Куба ынтымақтастықты тереңдетеді Комиссияның Интеграциясын дамыту департаменті директорының орынбасары Автандил Алыбаев пен Куба Республикасы Сыртқы істер министрлігінің Екіжақты қатынастар департаменті бас директорының орынбасары Алехандро Симанкес Марин ЕЭК штаб-пәтерінде өткен жұмыс кездесуі барысында Еуразиялық экономикалық комиссия мен Кубаның экономикалық диалогын тереңдету перспективаларын талқылады. Атап айтқанда, ЕЭК пен Куба Республикасының Үкіметі арасындағы Өзара іс-қимыл жөніндегі бірлескен комиссияның алдағы отырысына байланысты ұйымдастырушылық мәселелер қаралды. Автандил Алыбаев ЕЭК-тің ЕАЭО жанындағы байқаушы мемлекет ретінде Кубамен өзара іс-қимылының жүйелі сипатын атап өтті. Бұл ел Одақтың Латын Америкасы мен Кариб бассейні өңіріндегі негізгі сауда-экономикалық әріптестерінің бірі болып табылады. ЕЭК пен Куба Үкіметі арасындағы Өзара түсіністік туралы меморандум бойынша құрылған Бірлескен комиссия отырыстарының шеңберінде Одақ елдері мен Куба кәсіпкерлерінің қатысуымен бизнес-семинарлар немесе бизнес-миссиялар өтеді, ЕАЭО мемлекеттерінің компаниялары дәстүрлі түрде Кубаның ең ірі конгресс-көрме іс-шарасы — FIHAV жәрмеңкесіне қатысады. Тараптар осы жылдың күзінде Мәскеуде Бірлескен комиссияның кезекті отырысын өткізуді талқылады. Көптеген мәселені, соның ішінде өнеркәсіп, агроөнеркәсіптік кешен, фармацевтика, техникалық реттеу, СФС-шаралар және басқа да бірқатар салалардағы ынтымақтастықты талқылау жоспарланған. Алехандро Симанкес Марин Куба тарапы үшін нақты кооперациялық жобаларды, ең алдымен биотехнология және тыңайтқыштар өндірісі саласындағы жобаларды қарастыру маңызды болып көрінетінін атап өтті. Осыған байланысты әріптестер ЕАЭО Іскерлік кеңесімен және Кубаның Сауда палатасымен өзара іс-қимыл жасай отырып, мүдделі бизнес-топтардың өкілдерін екі тараптан да Бірлескен комиссия отырысына қатысуға қосуға уағдаласты. Кездесуде ЕЭК пен Куба Республикасының Үкіметі арасындағы 2026-2030 жылдарға арналған бірлескен іс-шаралар жоспарының жаңа жобасын қалыптастыру бойынша жұмыс барысы талқыланды. Қорытындылай келе, Алехандро Симанкес Марин Кубаның делегация құрамына ресми және іскер топтардың өкілдерін қоса отырып, 2025-Еуразиялық экономикалық форумына жоғары деңгейде қатысу жоспары туралы хабардар етті.

17 сәуірдің 2025 Эльдар Алишеров пен Армения Республикасының вице-премьері Мгер Григорян интеграция және макроэкономика мәселелерін талқылады Еуразиялық экономикалық комиссияның Интеграция және макроэкономика жөніндегі министрі Эльдар Алишеров Ереванда Армения Республикасының вице-премьері Мгер Григорянмен жұмыс кездесуін өткізді. "Соңғы үш жылда Армения ЕАЭО шеңберінде экономикалық өсу көшбасшысының бірі болып қалып отыр. Мысалы, 2024 жылы ел экономикасы 5,9% өсті. Экономикалық белсенділік жоғары болып қалуда: 2025 жылғы ақпанда экономикалық белсенділік индексі 4,1% құрады. Еңбек нарығы оң үрдіс көрсетуде: жалақы мен жұмыспен қамтудың өсуі байқалады, жұмыссыздық айтарлықтай төмендеді", – деп атап көрсетті Эльдар Алишеров. Тараптар Еуразиялық интеграцияны дамыту перспективалары туралы пікір алысты. 2030-Декларациясын іске асыру жөніндегі жоспарды дайындауға айрықша назар аударылды. Оны Еуразиялық экономикалық одақты дамыту жөніндегі субстантивтік іс-шаралармен толықтырудың маңыздылығы атап өтілді.

ЕЭК ЕАЭО мемлекеттерінің экономикалық дамуының орнықтылығын айқындайтын макроэкономикалық көрсеткіштер мониторингін жүргізді

09 сәуірдің 2025 ЕЭК ЕАЭО мемлекеттерінің экономикалық дамуының орнықтылығын айқындайтын макроэкономикалық көрсеткіштер мониторингін жүргізді Мониторинг 2024 жылдың қорытындысы бойынша ЕАЭО мемлекеттеріндегі мемлекеттік басқару секторының борышы Еуразиялық экономикалық одақ туралы шартта белгіленген шектерде қалыптасқанын көрсетті. Бірқатар елде ЖІӨ-ге қатысты борыш деңгейі: Қырғызстанда 13,1%-ға дейін, Ресейде 13,6%-ға дейін төмендеді. Армения мен Қазақстанда Ішкі қарыз алудың ұлғаюына байланысты ЖІӨ-ге қатысты борыштың мәні тиісінше 48,2%-ға және 23,2%-ға дейін ұлғайды. Одақтың көптеген елінде мемлекеттік басқару секторы бюджетінің теңгерімі де белгіленген мәндер шеңберінде қалыптасты: Қазақстан мен Ресейде бірқалыпты тапшылық тиісінше ЖІӨ-нің 0,7% және ЖІӨ нің 1,2% мөлшерінде, Қырғызстанда бюджеттің профициті ЖІӨ-нің 3,5%-ы деңгейінде. Бюджеттерге ең алдымен салықтық және салықтық емес кірістердің өсуі қолдау көрсетті. Айрықшалықта қалған Армения Республикасы болды, мұнда халықты әлеуметтік қолдауға жұмсалатын шығыстардың ұлғаюына байланысты бюджет тапшылығы белгіленген мәннен асып түсіп, ЖІӨ-нің 3,5%-ын құрады. Еуразиялық экономикалық одақ туралы шарттың 63-бабына сәйкес елдердің экономикалық дамуының орнықтылығын айқындайтын негізгі макроэкономикалық көрсеткіштерге мыналар жатады: мемлекеттік басқару секторының шоғырландырылған бюджетінің тапшылығы ЖІӨ-нің 3%-нан аспайды; мемлекеттік басқару секторының борышы ЖІӨ-нің 50%-нан аспайды.

07 сәуірдің 2025 Алексей Ведев ЕЭК-тің Макроэкономикалық саясат департаментінің директоры болып тағайындалды Алексей Леонидович Ведев 1960 жылы 15 сәуірде Мәскеуде туған. 1983 жылы Мәскеу инженерлік-физика институтының кибернетика факультетін бітірген. 1991 жылы Гарвард университетінің (Harvard University) "экономикада тепе-теңдік модельдерін қолдану" курсынан өтті. Халықаралық қолданбалы жүйелік талдау институтында (IIASA, Вена, Австрия) оқыған. Экономика ғылымдарының докторы. 1985-1996 жылдары РҒА ОЭМИ аға ғылыми қызметкері болды. 1993-2006 жылдары "Экономическое развитие России" және "Обозрение "Финансовые рынки"журналдарында бас редактор болып жұмыс істеді. 1993-2014 жылдары "Веди" талдамалық зертханасын басқарды. 1996 жылы Хитоцубаси университетінің (Hitotsubashi University, Токио, Жапония) шақырылған профессоры болды. Сол жылы ДиалогБанкте жұмыс істей бастады. Ақпараттық-талдау басқармасын басқарды, содан кейін — қаржы нарықтары тобының сату және клиенттерге қызмет көрсету басқармасын басқарды, бас экономист болды. 2004 жылдан бастап үш жыл бойы "Даму орталығы" экономикалық зерттеулер қорын басқарды. 2007 жылға дейін Global Source Partners (Нью-Йорк, АҚШ) компаниясының елдік сарапшысы болды. 2007-2011 жылдары Мәскеу Банкінің Стратегиялық зерттеулер орталығы директорының қызметін атқарды. 2011-2014 жылдары "Стратегиялық әзірлемелер орталығы" қорының қаржылық зерттеулер жөніндегі директоры, Ресей банктері қауымдастығының атқарушы вице-президенті, Е.Т. Гайдар атындағы Экономикалық саясат институтының Құрылымдық зерттеулер орталығының директоры болды. 2014 жылғы тамыздан 2017 жылғы ақпанға дейін Ресей Федерациясы Экономикалық даму министрінің орынбасары болып істеді. 2017 жылдан бастап — Е.Т. Гайдар атындағы Экономикалық саясат институтының қаржылық зерттеулер зертханасының жетекші ғылыми қызметкері және ҚЭЗИ, РХШжМҚА Құрылымдық зерттеулер зертханасының меңгерушісі. "Құрылымдық реформалардың басымдықтары және орнықты экономикалық өсу"бағыты бойынша Ресей Федерациясының Президенті жанындағы экономикалық кеңестің жұмыс тобының мүшесі. 2025 жылғы 7 сәуірде Еуразиялық экономикалық комиссияның Макроэкономикалық саясат департаментінің директоры болып тағайындалды. 

Жаңалықтар

ЕАЭО ресурстары