Նորություններ

Еуразиялық экономикалық комиссия Алқасы ванадий-алюминий лигатурасының жекелеген түрлеріне қатысты ЕАЭО БКТ кедендік әкелу бажының ставкасын 0% мөлшерінде қолдану мерзімін қоса алғанда 2022 жылғы 31 желтоқсанға дейін ұзарту туралы шешім қабылдады.

Ванадий-алюминий лигатурасы қоспалаушы құрамдас ретінде титан қорытпалары өндірісі кезінде қолданылады. Оның негізгі тұтынушылары бұл шикізатты аэроғарыш саласы үшін бұйымдар өндірісінде пайдаланатын металлургия кәсіпорындары болып табылады.

«Титан қорытпаларының бағасында ванадий-алюминий лигатурасы құнының үлесі 30%-ға жуық. Тарифтік жеңілдік дайын өнімнің өзіндік құнын азайтуға және ЕАЭО-да өндірілетін титанның бәсекеге қабілеттілігін ұстап тұруға елеулі ықпал етеді», — деп атап өтті ЕЭК Кедендік-тарифтік және тарифтік емес реттеу департаментінің директоры Ваагн Казарян.

Шара Еуразиялық экономикалық одақ аумағында тиісті өндірісті ұйымдастырғанға дейін уақытша негізде қолданылады.

Шешім 2022 жылғы 2 қаңтарда күшіне енеді.

ЕЭК Алқасының 2019 жылғы 9 шілдедегі № 113 шешімімен ванадий-алюминий лигатурасына қатысты кедендік әкелу бажынының 0% мөлшеріндегі ставкасы 2021 жылғы 31 желтоқсанға дейін белгіленді.