арм

Նորություններ

Ելույթներ Ֆոտոսրահ Տեսադարան
06 Sep 2024 ԵՏՀ-ն ժամանակավոր առևտրային համաձայնագրի նախապատրաստման հարցերով խորհրդակցություններ է անցկացրել մոնղոլական կողմի հետ Սեպտեմբերի 5-6-ը Եվրասիական տնտեսական հանձնաժողովի հարթակում մոնղոլական կողմի հետ խորհրդակցություններ են անցկացվել Եվրասիական տնտեսական միության և նրա անդամ պետությունների՝ մի կողմից, և մյուս կողմից՝ Մոնղոլիայի միջև ժամանակավոր առևտրային համաձայնագրի նախագծի ստորագրմանը նախապատրաստվելու վերաբերյալ: «Հիմք ընդունելով անցկացված խորհրդակցությունների արդյունքները՝ մենք մեր գործընկերների հետ պայմանավորվել ենք անհրաժեշտ ջանքեր գործադրել մինչև ընթացիկ տարվա վերջ համաձայնագրի ստորագրման հնարավորությունն ապահովելու համար», — նշել է ԵՏՀ առևտրային քաղաքականության վարչության փոխտնօրեն Միխայիլ Չերեկաևը։   Ժամանակավոր առևտրային համաձայնագրի կնքման վերաբերյալ Մոնղոլիայի հետ բանակցություններ սկսելու որոշումը կայացվել է Եվրասիական բարձրագույն տնտեսական խորհրդի կողմից 2024 թվականի մայիսի 8-ին։ Բանակցությունների փուլը տեղի է ունեցել 2024 թվականի հուլիսի 2-ից 3-ը։
02 Sep 2024 Նուրգուլ Այթբաևան ԲՐԻԿՍ համաժողովի ընթացքում խոսել է ԵԱՏՄ կլիմայական օրակարգի մասին Եվրասիական տնտեսական հանձնաժողովի առևտրային քաղաքականության վարչության փոխտնօրեն Նուրգուլ Այթբաևան մասնակցել է «ԲՐԻԿՍ կլիմայական օրակարգը ժամանակակից պայմաններում» համաժողովին, որտեղ խոսել է Փարիզյան համաձայնագրի նպատակների իրականացման գործում ածխածնային միավորների կամավոր շուկայի հնարավոր ավանդի և ածխածնային միավորների անդրսահմանային օգտագործման համար բարենպաստ պայմաններ ստեղծելու անհրաժեշտության մասին: «Կամավոր շուկայի անհավասար և ոչ թափանցիկ պայմանները չեն կարող բարեխիղճ մասնակիցներ գրավել և համահարթում են արտանետումների նվազեցման համար կոոպերացիայի բազմապատկիչ արդյունքը», - ընդգծել է նա՝ ելույթ ունենալով «ԲՐԻԿՍ երկրների ընդհանուր կամավոր ածխածնային շուկայի ներուժը և հնարավորությունները» նստաշրջանի ընթացքում: Նաև նշվել է, որ կամավոր շուկայի հստակ և հասկանալի կանոնների զարգացումը, այդ թվում՝ նախագծային մեթոդաբանությունների, միջազգային և տարածաշրջանային ստանդարտների մշակումը կարող են նպաստել ածխածնի գների կայունացմանը: Նուրգուլ Այթբաևան առանձին անդրադարձել է Եվրասիական տնտեսական միությունում կլիմայական օրակարգի իրականացմանը: Համապատասխան աշխատանքը հիմնված է ԵԱՏՄ երկրների կառավարությունների ղեկավարների 2024 թվականի հունիսի 4-ի հանձնարարության վրա: Փաստաթուղթը սահմանում է գործունեության հինգ հեռանկարային ուղղություն՝ կոոպերացիոն ցածր ածխածնային նախագծերի իրականացման համար պայմանների ստեղծում, այդ թվում՝ միջպետական ստանդարտներ մշակելու միջոցով. ածխածնային կարգավորման ոլորտում վավերացման և ստուգման մարմինների հավատարմագրման համաձայնեցված մոտեցումների ձևավորում. սակագնային ֆիսկալ խթանիչ միջոցների վերաբերյալ առաջարկների մշակում. ազգային կլիմայական կարգավորմամբ առաջացրած առևտրատնտեսական արգելքներ թույլ չտալու վերաբերյալ առաջարկների նախապատրաստում. կլիմայի փոփոխությանն ադապտացման շրջանակներում ԵԱՏՄ անդամ պետությունների դիրքորոշումների մերձեցման առաջարկների մշակում:
28 Aug 2024 Անդրեյ Սլեպնևը և Ռուսաստանում Իրանի դեսպան Քազեմ Ջալալին քննարկել են Եվրասիական տնտեսական համաժողովի շրջանակներում միջոցառումների նախապատրաստումը և առևտրատնտեսական համագործակցության արդիական հարցեր։ Օգոստոսի 28-ին աշխատանքային հանդիպում է տեղի ունեցել Եվրասիական տնտեսական հանձնաժողովի առևտրի նախարար Անդրեյ Սլեպնևի և Ռուսաստանի Դաշնությունում Իրանի Իսլամական Հանրապետության արտակարգ և լիազոր դեսպան Քազեմ Ջալալիի միջև, որի ընթացքում քննարկվել է ԵԱՏՄ-Իրան գործարար երկխոսության նախապատրստումը, որը նախատեսված է հոկտեմբերի 1-ին Երևանում կայանալիք Եվրասիական տնտեսական համաժողով-2024-ի հարթակում։ Կողմերը վստահություն են հայտնել, որ գործարար երկխոսությունը կդառնա համաժողովի առանցքային միջոցառումներից մեկը և թույլ կտա ԵԱՏՄ և Իրանի միջև Ազատ առևտրի նոր համաձայնագրի լույսի ներքո հնարավորություններ բացել Միության երկրների բիզնեսի և իրանական ընկերությունների միջև առևտրատնտեսական կապերի խորացման համար: «Մեր գործարար շրջանակները առանձնահատուկ հետաքրքրություն է ցուցաբերում գործընկերների հետ լոգիստիկայի, ենթակառուցվածքների, ինչպես նաև առևտրային գործառնությունների պարզեցման, այդ թվում՝ վճարումների իրականացման հարցերում համագործակցելու հարցում», — ընդգծել է Անդրեյ Սլեպնևը։ Բացի այդ, հանդիպման մասնակիցները տեղեկատվություն են փոխանակել ազատ առևտրի լիաձևաչափ համաձայնագրի վավերացման ընթացքի և ընթացիկ և հաջորդ տարում ԵՏՀ և Իրանի միջև փոխգործակցության զարգացման ծրագրերի վերաբերյալ: 3-րդ Եվրասիական տնտեսական համաժողովը կանցկացվի 2024 թվականի սեպտեմբերի 30-ից հոկտեմբերի 1-ը Երևանում (Հայաստանի Հանրապետություն):  
27 Aug 2024 ԵՏՀ-ն բացառել է Ադրբեջանից ներմուծվող ալյումինե ժապավենի հետ կապված հակագնագցման միջոցը շրջանցելու հնարավորությունը Եվրասիական տնտեսական հանձնաժողովի կոլեգիան փոփոխություններ է կատարել Ադրբեջանի Հանրապետությունից և Չինաստանի Ժողովրդական Հանրապետությունից ծագող և Եվրասիական տնտեսական միության մաքսային տարածք ներմուծվող ալյումինե ժապավենի նկատմամբ հակագնագցման տուրք սահմանելու մասին 2020 թվականի որոշման մեջ: Այս փոփոխությունների պատճառն են դարձել գործող միջոցի շրջանցման փաստը պարզելու նպատակով կատարված կրկնակի հակագնագցման հետաքննության արդյունքները, որը սկսվել է ԵՏՀ ներքին շուկայի պաշտպանության վարչության տնօրենի 2023 թվականի նոյեմբերի 27-ի N 10 հրամանին համապատասխան՝ «Ալյումին արտադրողների, մատակարարների և սպառողների միավորում» ընկերակցության կողմից ներկայացված դիմումի քննության արդյունքների հիման վրա։ «Կրկնակի հետաքննության առարկան Ադրբեջանից ծագող ալյումինե ժապավենն էր, որում փոփոխություններ էին կատարվել, որոնք թույլ են տալիս դասակարգել այն հակագնագցման տուրք սահմանելու մասին որոշման մեջ չնշված ԵԱՏՄ ԱՏԳ ԱԱ ծածկագրերով, կամ դասակարգել որպես այնպիսի տեսակ, որի նկատմամբ հակագնագցման միջոց չի կիրառվում»,- նշել է ԵՏՀ առևտրի նախարար Անդրեյ Սլեպնևը։ Նա պարզաբանել է, որ հետաքննության ընթացքում հավաքագրված տեղեկատվության վերլուծության արդյունքների հիման վրա եզրակացություններ են արվել հակագնագցման միջոցի շրջանցման առկայության, դրա ազդեցության չեզոքացման և ԵԱՏՄ երկրների շուկայում տնտեսության ոլորտի ապրանքի իրացման գների վրա այդ գործոնի ազդեցության մասին, ինչպես նաև դրա արդյունքում գնագցման ներմուծման առկայության մասին։ Այս կապակցությամբ ԵՏՀ կոլեգիան հակագնագցման տուրքի գործողությունը տարածել է Ադրբեջանից ծագող և փոփոխված եղանակներով մատակարարվող ալյումինե ժապավենի վրա։ Որոշումն ուժի մեջ կմտնի պաշտոնական հրապարակման օրվանից 30 օրացուցային օրը լրանալուց հետո։ Քննարկվող հակագնագցմն միջոցը սահմանվել է Եվրասիական տնտեսական հանձնաժողովի կոլեգիայի 2020 թվականի սեպտեմբերի 22-ի N 115 որոշմամբ և գործում է 2020 թվականի հոկտեմբերի 24-ից։  
23 Aug 2024 «Կանաչ Եվրասիա» մրցույթի հաղթողների և եզրափակիչ փուլի մասնակիցների պարգևատրումը տեղի կունենա Երևանում կայանալիք Եվրասիական տնտեսական համաժողովի ընթացքում Օգոստոսի 22-ին Եվրասիական տնտեսական հանձնաժողովի հարթակում կայացել է «Կանաչ Եվրասիա» երկրորդ միջազգային կլիմայական մրցույթի նախագահության նիստը։ Նիստը նախագահում էին «Նոր նախագծերի խթանման ռազմավարական նախաձեռնությունների գործակալություն» ԻՈԱԿ գլխավոր տնօրեն Սվետլանա Չուպշևան և ԵՏՀ առևտրի նախարար Անդրեյ Սլեպնևը։ Նիստի ընթացքում նախագահության անդամները որոշել են հաղթողներին և եզրափակիչ փուլի մասնակիցներին 15 անվանակարգում՝ առանձնացնելով կլիմայական մեղմացման և ադապտացման առավել արդյունավետ պրակտիկաներով հայտերը: Ընտրվել է նաև «Եվրասիական հեռանկար» համընդգրկող անվանակարգում հաղթողը, որտեղ լրացուցիչ գնահատվել է միջազգային կոոպերացիոն բաղադրիչը։ «Կանաչ Եվրասիայի» գործընկերները՝ Գազպրոմբանկը, Պրոմսվյազբանկը և Մելնիչենկոյի հիմնադրամը, ընտրել են իրենց սեփական հատուկ անվանակարգերի նախագծերը: «Մրցույթի հաղթողների և եզրափակիչ փուլի մասնակիցների պարգևատրումը տեղի կունենա Եվրասիական տնտեսական համաժողովի շրջանակներում, որը նախատեսվում է անցկացնել սեպտեմբերի 30-ից հոկտեմբերի 1-ը Երևանում Եվրասիական տնտեսական միության անդամ պետությունների կառավարությունների ղեկավարների մասնակցությամբ», — հայտնել է Անդրեյ Սլեպնևը։ Նախարարը դրական է գնահատել երկրորդ անգամ անցկացվող կլիմայական մրցույթի նկատմամբ աճող հետաքրքրությունը։ Նրա կարծիքով՝ սա ևս մեկ անգամ ընդգծում է կլիմայական թեմաների արդիականությունը։ Ընդ որում, հանրային գնահատումն ու ճանաչումը միշտ կարևոր են հեղինակությունը բարձրացնելու և հետագա գործունեությունը խրախուսելու համար, ընդգծել է Անդրեյ Սլեպնևը։ «Անցյալ տարի մենք անցկացրեցինք «Կանաչ Եվրասիա» առաջին միջազգային մրցույթը ԵԱՏՄ պետությունների միջև։ Ակտիվ արձագանքը մեզ թույլ տվեց որոշում ընդունել մասնակիցների աշխարհագրությունը աշխարհի բոլոր երկրների վրա ընդլայնելու մասին։ Այս տարի մենք ստացել ենք ավելի քան 300 պրակտիկա 12 երկրից, այդ թվում՝ Չինաստանից, Եգիպտոսից, Իրանից, Ինդոնեզիայից, Կամերունից, Թուրքմենստանից, Ուզբեկստանից, Ադրբեջանից», — այս կապակցությամբ նշել է Սվետլանա Չուպշևան։ Նա վստահություն է հայտնել, որ «Կանաչ Եվրասիա» մրցույթը ևս մեկ հենակետ կդառնա համագործակցության ամրապնդման և եվրասիական տարածքում մրցունակ բնապահպանական և կլիմայական տեխնոլոգիաների հասանելիության բարձրացման համար:
20 Aug 2024 ԵՏՀ Կոլեգիան մաքսային քվոտաներ է սահմանել 2025 թվականին մսի որոշ տեսակների և կաթնային շիճուկի ԵԱՏՄ ներմուծման համար Եվրասիական տնտեսական հանձնաժողովի Կոլեգիան որոշում է կայացրել 2025 թվականի համար մսամթերքի առանձին տեսակների և կաթնային շիճուկի նկատմամբ սակագնային քվոտաների նշանակման և բաշխման վերաբերյալ։ «Եվրասիական տնտեսական միության մասին պայմանագրին համապատասխան, ԵՏՀ-ն սահմանում է սակագնային քվոտաները երրորդ երկրներից ծագող և ԵԱՏՄ մաքսային տարածք ներմուծվող գյուղատնտեսական ապրանքների առանձին կատեգորիաների նկատմամբ, հաշվի առնելով անդամ պետություններում դրանց սպառման և արտադրության հավասարակշռությունը, ինչպես նաև Առևտրի համաշխարհային կազմակերպության առջև երկրների պարտավորությունները», — հիշեցրել է ԵՏՀ մաքսասակագնային և ոչ սակագնային կարգավորման վարչության տնօրեն Վահագն Ղազարյանը։ Ղազախստանի Հանրապետության և Ռուսաստանի Դաշնության համար սակագնային քվոտաները 2025 թվականի համար սահմանվել են պետությունների՝ ԱՀԿ-ին միանալու մասին արձանագրություններում ամրագրված չափերով։ Հայաստանի Հանրապետության, Բելառուսի Հանրապետության և Ղրղզստանի Հանրապետության համար սակագնային քվոտաները սահմանվել են սպառման և արտադրման միջև տարբերությունը չգերազանցող ծավալներով՝ հաշվի առնելով կողմերի պահանջները: Այսպես, խոշոր եղջերավոր անասունների մսի քվոտաները կկազմեն 9.5 հազ. տոննա՝ Հայաստանի Հանրապետության համար, 21 հազ. տոննա՝ Բելառուսի Հանրապետության, 5 հազ. տոննա՝ Ղրղզստանի Հանրապետության և 570 հազ. տոննա՝ Ռուսաստանի Դաշնության համար։ Խոզի մսի համար քվոտաները կբաշխվեն հետևյալ ծավալներով. 9.4 հազ. տոննա՝ Հայաստանի Հանրապետության համար, 20 հազ. տոննա՝ Բելառուսի Հանրապետության համար և 2 հազ. տոննա՝ Ղրղզստանի Հանրապետության համար։ Մսի և թռչնի ենթամթերքների քվոտաները կկազմեն 35.1 հազ. տոննա՝ Հայաստանի Հանրապետության համար, 10.9 հազ. տոննա՝ Բելառուսի Հանրապետության համար, 140 հազ. տոննա՝ Ղազախստանի Հանրապետության համար, 58 հազ. տոննա՝ Ղրղզստանի Հանրապետության համար և 364 հազ. տոննա՝ Ռուսաստանի Դաշնության համար։ Կաթնային շիճուկի ներմուծման քվոտան Հայաստանի Հանրապետության համար սահմանվել է 0.7 հազ. տոննա ծավալով և Ռուսաստանի Դաշնության համար՝ 15 հազ. տոննա ծավալով։
20 Aug 2024 Անդրեյ Սլեպնևը ԱՄԷ արտաքին առևտրի պետնախարար Թանի բին Ահմեդ Ալ Զայուդիի հետ քննարկել է տնտեսական գործընկերության համաձայնագրի շուրջ բանակցություններն ավարտելու հարցը Օգոստոսի 20-ին տեսակոնֆերանսի ձևաչափով կայացել է Եվրասիական տնտեսական հանձնաժողովի առևտրի նախարար Անդրեյ Սլեպնևի հանդիպումը Արաբական Միացյալ Էմիրությունների արտաքին առևտրի պետնախարար Թանի բին Ահմեդ Ալի Զայուդիի հետ: «Հանդիպման ընթացքում քննարկվել են Եվրասիական տնտեսական միության և ԱՄԷ միջև տնտեսական գործընկերության համաձայնագրի կնքման շուրջ բանակցությունների հիմնական հարցերը, որոնց լուծումը կնպաստի բանակցային գործընթացի արագ սուբստանտիվ ավարտին», — նշել է Անդրեյ Սլեպնևը։ ԱՄԷ հետ բանակցություններ սկսելու մասին որոշումն ընդունվել է Եվրասիական տնտեսական բարձրագույն խորհրդի կողմից 2022 թվականի դեկտեմբերին։ Մինչ օրս կայացել է երեք բանակցային փուլ։
26 Jul 2024 Անդրեյ Սլեպնևը Հնդկաստանի առևտրի և արդյունաբերության փոխնախարարի հետ քննարկել է առևտրատնտեսական համագործակցության խորացման ուղիները Հուլիսի 25-ին Եվրասիական տնտեսական հանձնաժողովի կենտրոնակայանում կայացել է ԵՏՀ առևտրի նախարար Անդրեյ Սլեպնևի և Հնդկաստանի առևտրի և արդյունաբերության փոխնախարար Սունիլ Բարտվալի հանդիպումը, որը Մոսկվայում էր ԲՐԻԿՍ երկրների առևտրի նախարարների 14-րդ հանդիպմանը և ԲՐԻԿՍ-ի տնտեսական և առևտրային հարցերով կոնտակտային խմբի 36-րդ հանդիպմանը Հնդկաստանի պատվիրակության մասնակցության շրջանակներում: Նշվել է, որ Եվրասիական տնտեսական միության երկրները և Հնդկաստանը մեծ ներուժ ունեն փոխադարձ առևտրի ոլորտում, որի իրականացումը պետք է օգնի տարբերակել ապրանքաշրջանառության կառուցվածքը և ընդլայնել համագործակցությունը տնտեսության տարբեր ոլորտներում։ «ԵԱՏՄ անդամ պետությունները պատրաստ են քննարկել փոխգործակցության նոր ձևեր, այդ թվում՝ պրեֆերենցիալ առևտրային համաձայնագրի մշակումը, որը թույլ կտա մեծացնել փոխադարձ առևտրաշրջանառության ծավալները և ընդլայնել վաճառվող ապրանքների շրջանակը», — նշել է Անդրեյ Սլեպնևը։  
Ցուցադրել ավելին

Պաշարներ ԵՏՄ