Жаңалықтар

ЕЭК ақ түсті қаңылтырдан жасалған қақпақтарға қатысты ресми кедендік статистика деректерін қадағалау мүмкіндігін қамтамасыз етті 16 Jul 2024 ЕЭК ақ түсті қаңылтырдан жасалған қақпақтарға қатысты ресми кедендік статистика деректерін қадағалау мүмкіндігін қамтамасыз етті Еуразиялық экономикалық комиссияның Алқасы ЕАЭО СЭҚ ТН-да кедендік әкелу бажының мөлшерлемесін өзгертпей, ақ қаңылтырдан жасалған бұрап жабуға арналған немесе жиегі бар қақпақтарға жеке субпозиция бөлу туралы шешім қабылдады. Қазіргі уақытта қарастырылып отырған өнім бағалы емес металдардан жасалған өзге де буып-түю керек-жарақтарымен бірге ЕАЭО СЭҚ ТН 8309 90 900 0 «өзге» жеке субпозициясына енгізіледі. Ақ қаңылтырдан жасалған қақпақтарды жеке субпозицияға бөлу осы тауарға кедендік әкелу бажының мөлшерлемесін өзгертудің орындылығы туралы мәселені одан әрі қарау үшін сыртқы сауда көлемінің динамикасына мониторинг жүргізуге мүмкіндік береді деп атап өтті ЕЭК сауда блогында.
05 Jul 2024 ЕЭК кедендік-тарифтік және тарифтік емес реттеу департаменті директорының орынбасары болып Гүлнұр Смағұл тағайындалды Гүлнұр Төлеуғазықызы Смағұл 1981 жылы Қарағанды облысында (Қазақстан) дүниеге келген. Ол Е.А. Бөкетов атындағы Қарағанды мемлекеттік университетін (экономист мамандығы бойынша) және Қазақстан Республикасы Президентінің жанындағы Мемлекеттік басқару академиясының Ұлттық мемлекеттік саясат мектебін бітірген. Еңбек жолын 2002 жылы Қарағанды қаласының Қазыбек би атындағы ауданы бойынша Салық комитетінде бастады. 2004-2005 жылдары Қазақстан Республикасының Қаржы министрлігінде жұмыс істеді. 2005-2010 жылдары Қазақстан Республикасы Индустрия және сауда министрлігі Сауда саясатын дамыту және ДСҰ-ға кіру департаментінің сауданы реттеу басқармасының бас маманы, бастығы болып қызмет атқарды. 2010-2019 жылдары Қазақстан Республикасының Экономикалық даму және сауда министрлігінде, Қазақстан Республикасының Экономика және бюджеттік жоспарлау министрлігінде, Қазақстан Республикасының Ұлттық экономика министрлігінде басшылық қызметтер атқарды. 2019 жылдан 2024 жылдың шілдесіне дейін Қазақстан Республикасы Сауда және интеграция министрлігінің Сыртқы сауда қызметі департаменті директорының орынбасары болды. 2024 жылғы 4 шілдеден бастап Еуразиялық экономикалық комиссияның Кедендік-тарифтік және тарифтік емес реттеу департаменті директорының орынбасары лауазымына тағайындалды.
02 Jul 2024 Андрей Слепнев: «Моңғолиямен уақытша сауда келісімін жасасу туралы келіссөздер субстантивті аяқталды» Ұлан-Батырда өтіп жатқан Еуразиялық экономикалық одақ және оған мүше мемлекеттер мен Моңғолия арасындағы уақытша сауда келісімін жасасу туралы келіссөздердің бірінші раунды кезінде-ақ тараптар олардың субстантивті аяқталғанын айтты. Бұл тауарлардың шектеулі тобы бойынша баждарды азайту немесе нөлге түсіру туралы уағдаластықтарды қоса, құжат жобасының рекордтық мерзімде дайындалуы арқасында мүмкін болды. «ЕАЭО мен Моңғолия арасында уақытша сауда келісімін жасасу арқылы ынтымақтастықты кеңейту стратегиялық маңызға ие, өйткені бұл өнім экспортын өзара ұлғайту, сауданы әртараптандыру және бір-бірінің нарықтарындағы тауарлардың бәсекеге қабілеттілігін арттыру үшін қосымша ынталандыру жасауға мүмкіндік береді. Бұдан басқа, біз Одақ елдері мен Моңғолияның өңірлік және жаһандық қосылған құн тізбегінде бұдан да тығыз интеграциясын күтеміз», — деп мәлімдеді ЕЭК Сауда жөніндегі министрі Андрей Слепнев. Тараптар ағымдағы жылдың аяғына дейін келісімге қол қоюға ұмтылыс білдірді. 2024 жылғы 8 мамырда Жоғары Еуразиялық экономикалық кеңес Моңғолиямен уақытша сауда келісімін жасасу жөніндегі келіссөздерді бастау туралы шешім қабылдады.
25 Jun 2024 ЕАЭО кокос жоңқасына арналған кедендік әкелу бажын үш жылға нөлге түсірді Еуразиялық экономикалық комиссия Алқасы кептірілген кокос жаңғақтарына (кокос жоңқасы, ЕАЭО СЭҚ ТН 0801 11 000 0) арналған кедендік әкелу бажынқоса санағанда 2027 жылғы 31 шілдеге дейінгі аралықтанөлге түсіруге шешім қабылдады. "Кедендік-тарифтік реттеу шарасы өзіндік құнды төмендетуге, сондай-ақ Еуразиялық экономикалық одақ елдерінен кондитерлік өнім экспортын дамытуға және оның шетелдік нарықтардағы бәсекеге қабілеттілігін арттыруға бағытталған", – деп атап өтті ЕЭК Сауда жөніндегіминистрі Андрей Слепнев. Олтабиғи-климаттық жағдайларға байланысты ЕАЭО аумағында кокос пальмалары өспейтінін, ал кокос жаңғағының өндірісі жоқ екенін еске салды. Сөйтіп, кокос жоңқасына деген қажеттілік импорттық жеткізілім арқылы толығымен қамтамасыз етіледі. Кокос жоңқасынақатысты ЕАЭО БКТ-ның кедендік әкелу бажының қолданыстағы ставкасы 3% құрайды. Шешім ресми жарияланған күнінен бастап күнтізбелік 30 күн өткен соң күшіне енеді. Кептірілген және ұсақталған кокос жаңғақтары (кокос жоңқасы) кокосты өңдеудің өнімі болып табылады және негізінен кондитерлік өнімдер: шоколадты конфеттер, қантты кондитерлік өнімдер, сондай-ақ торт, тәтті нан, піспенанжәне басқа да ұқсас өнімдер өндірісі кезінде пайдаланылады. Әкелінетін кокос жоңқасы көлемінің шамамен 20%-ы басқа салаларда (парфюмерия, косметика, фармацевтика) тұтынылады. Комиссия Алқасының 2020 жылғы 20 қазандағы № 131 шешіміне және Комиссия Кеңесінің 2021 жылғы 14 қыркүйектегі № 80 шешіміне сәйкес 2020 жылғы 22 қарашадан 2023 жылғы 31 желтоқсанға дейінгі аралықта кокос жоңқасына қатысты кедендік құнның 0%-ы мөлшерінде кедендік әкелу бажының уақытша ставкасы қолданылды.
20 Jun 2024 ЕЭК өкілдері ЮНСИТРАЛ-дың жаһандық дағдарыстардың теріс салдарын барынша азайту және болдырмау жөніндегі құралдары жиынтығын талқылады 20 маусымда Еуразиялық экономикалық комиссияның Сауда саясаты департаментінің өкілдері Ресей Федерациясы Экономикалық даму министрлігінің Құқықтық департаментімен бірлесіп, БҰҰ Халықаралық сауда құқығы жөніндегі комиссиясы хатшылығының (ЮНСИТРАЛ) құралдары жиынтығына баса назар аудара отырып, дағдарыстардың теріс салдарын азайту жөніндегі құқықтық шараларға арналған іс-шара өткізді. ЕЭК Сауда саясаты департаментінің директоры Владимир Серпиков түрлі сипаттағы дағдарыстардың жағымсыз салдарын еңсеру мәселелері Еуразиялық экономикалық комиссия үшін ерекше маңызды және қызығушылық тудыратынын атап өтті: "Біз ЮНСИТРАЛ алаңында жүргізілген зерттеудің маңыздылығын және оның дағдарыстармен күресуге әрі Одақ экономикасының орнықтылығын қамтамасыз етуге қабілетті шешімдер құрудағы әлеуетін танимыз. Бұл іс-шара біздің құқықтық реттеу саласындағы ынтымақтастығымызды нығайтуға көмектеседі деп сенемін". Ресей Федерациясы Экономикалық даму министрлігінің Құқықтық департаментінің директоры Лев Гершанок 2020 жылы ЮНСИТРАЛ Комиссиясының 53-інші сессиясында Армения, Ресей және Вьетнам ЮНСИТРАЛ-дың дағдарыс жағдайында туындайтын ықтимал құқықтық олқылықтардың орнын толтыруға ықпал ету әлеуетін кодификациялау және арттыру жөніндегі өз қызметі арқылы мүмкіндік жасау тұрғысынан дағдарысқа қарсы шаралармен жұмыс істеу жөнінде ұсыныс енгізгенін айтып берді. Ол "ЮНСИТРАЛ жұмысының нәтижелері жылдар бойы өзінің тиімділігін дәлелдеуде. Ал оларды дағдарысқа қарсы жауаптың аралық әсері арқылы жүйелендіру халықаралық сауданың орнықтылығын қамтамасыз етуге қосымша мүмкіндік береді", — деп атап көрсетті. ЮНСИТРАЛ хатшысы Анна Жубен-Брет өзінің ілтифат лебізінде жоғарыда аталған бастама бойынша жүргізілген жұмыстың маңыздылығын атап көрсетті. ЮНСИТРАЛ өкілдері COVID-19 пандемиясының халықаралық сауда құқығына ықпалы жөніндегі зерттеу жұмысы туралы айтып берді. ЮНСИТРАЛ құралдары жиынтығы пандемияның салдары және осыған байланысты мемлекеттер енгізген жауап шаралар туралы ақпаратты өзіне кірістірді. Оған электрондық сауда туралы типтік заңды, сондай-ақ 2022 жылғы шілдеде қабылданған электрондық қолтаңба туралы типтік заңды қоса, жаһандық төтенше жағдайлар кезінде пайдаланылуы мүмкін ЮНСИТРАЛ құжаттары да кірді. Дағдарыстың шағын және орта кәсіпорындарға әсер ету мәселенамасына, банкроттық мәселелеріне және мемлекеттік сатып алу рәсімдеріне айрықша назар аударылды. Іс-шараға ЮНСИТРАЛ өкілдерінен бөлек, ЕЭК пен ЕАЭО мемлекеттерінің мүдделі сарапшылары да қатысты. Іс-шараның жазбасына сілтеме: https://youtube.com/live/qYB3qVMenQk?feature=share
17 Jun 2024 ЕАЭО мен БАӘ экономикалық әріптестік туралы келісім жасасу бойынша келіссөздердің үшінші кезеңін өткізді 12-14 маусым аралығында Дубайда Еуразиялық экономикалық одақ пен Біріккен Араб Әмірліктері арасында экономикалық әріптестік туралы келісім жасасу жөніндегі келіссөздердің үшінші кезеңі өтті. «Өткізілген үшінші кезеңнің қорытындысы бойынша келісімнің реттеуші бөлігін келісімге алу бойынша айтарлықтай прогресті атап өткім келеді. Бүгінгі таңда бізде келісілген тараулар бар, сондай-ақ келіссөздер процесін сәтті аяқтау үшін шешілуі қажет мәселелерді түсіну керек», – деп атап өтті Еуразиялық экономикалық комиссияның Сауда саясаты департаменті директорының орынбасары Михаил Черекаев. БАӘ-мен келіссөздерді бастау туралы шешімді Жоғары Еуразиялық экономикалық кеңес 2022 жылғы желтоқсанда қабылдаған болатын. Келіссөздердің бірінші және екінші кезеңдері сәйкесінше 2023 жылдың наурыз және маусым айларында өтті.
11 Jun 2024 ЕЭК қарсы сауда рәсімдерін қолдану мәселелері бойынша семинар өткізді Еуразиялық экономикалық комиссияның семинарында қарсы сауда рәсімдерін қолдану мәселелері талқыланды, семинардың модераторы ЕЭК сауда министрі Андрей Слепнев болды. Іс-шара негізінен қарсы сауданы ұйымдастырудың практикалық мәселелерін, соның ішінде негізгі сауда серіктестерімен қазіргі кезеңде айырбастау мәмілелерін жүргізуді және ықтимал кедергілерді жоюды талқылауға бағытталған. «ЕЭК сауда блогы Еуразиялық экономикалық одақтың экспортын қолдаудың бірлескен шараларын іске асыру жөніндегі жұмыс шеңберінде үшінші елдердің нарықтарына шығу және жұмыс істеу кезінде мүше мемлекеттердің бизнесіне жәрдемдесу үшін жаңа құралдар жасаудың қажеттілігі мен мүмкіндіктерін зерделейді. Қарсы мәмілелерді, атап айтқанда, айырбастау және клирингтік операцияларды зерделейтін және тәжірибесі бар мамандардың тәжірибесін ескермей, ЕАЭО Іскерлік кеңесі мен ПХЭФ-те айтылған бұл идеяны толыққанды жүзеге асыру мүмкін емес», – деп атап өтті, семинарды ашқан Андрей Слепнев. Ол қазіргі уақытта жаңа жағдайларда сауданы ілгерілетуге байланысты сұраныс бар екенін атап өтті. Сонымен қатар, бұл сұрату ЕАЭО-ның кейбір елдеріне қатысты санкцияларға байланысты емес, ең алдымен жаңа нарықтарға белсенді шығумен байланысты, олардың әрқайсысының өзіндік ерекшеліктері бар. Экспортты қолдаудан басқа, импорттық жеткізілімдерді әртараптандыру мәселелеріне ерекше мән беріледі. «Осыған байланысты неғұрлым жетілдірілген инфрақұрылым құру қажет. Біз алдымызда тұрған сын-тегеуріндерге жауап беру үшін бүгін қолдануға болатын перспективті құралдарды анықтау мақсатында қарсы сауданың қолда бар тәжірибесін егжей-тегжейлі зерделеуге дайынбыз», – деп қосты Андрей Слепнев. Іс-шараға үшінші елдермен қарсы сауда жүргізу саласында өзекті білімдері мен тәжірибелері бар ғылыми және бизнес қауымдастықтардың өкілдері қатысты.  
10 Jun 2024 Андрей Слепнев пен Эйрлангга Хартарто сауда-экономикалық ынтымақтастықтың өзекті мәселелерін талқылады Еуразиялық экономикалық комиссияның сауда министрі Андрей Слепнев пен Индонезия Республикасының экономикалық мәселелер жөніндегі үйлестіруші министрі Эйрлангга Хартарто Еуразиялық экономикалық одақ мемлекеттері мен Индонезия арасындағы сауда-экономикалық ынтымақтастықтың ағымдағы нәтижелері мен перспективалық бағыттарын талқылады. «Еркін сауда туралы келісім жасасу біздің елдердің экономикасының экспорттық әлеуетін іске асыруға, оның ішінде тауарларды өзара жеткізуді әртараптандыруға ықпал ететіні сөзсіз», – деп атап өтті Андрей Слепнев. ЕЭК сауда министрі тараптар болашақ келісім жобасын келісу бойынша айтарлықтай жетістікке қол жеткізгенін атап өтті. Оның айтуынша ЕАЭО елдері мен Индонезия арасындағы сауданы барынша қамтыған кезде артығымен өтеудің өзара тиімді талаптарын қамтамасыз ету міндеті тұр. Сонымен қатар Андрей Слепневтің пікірінше, болашақ келісімді тиімді жүзеге асыру үшін тараптардың бизнес-қауымдастықтарының өзара іс-қимылына ықпал ету маңызды. Индонезия Республикасымен еркін сауда туралы келісім жасасу туралы келіссөздерді бастау туралы шешімді Жоғары Еуразиялық экономикалық кеңес 2022 жылғы 27 мамырда қабылдады. Осы уақытқа дейін келіссөздер жүргізудің төрт кезеңі өтті.
Тағы да көрсету