қаз

Жаңалықтар

ЕЭК БАҚ-та Фото Бейнегалерея
20 маусымның 2025 Андрей Слепнев: "Нарықтық-фискалдық жүйені климаттық жобалардың нәтижелерін есепке алу жолымен көміртегі ізін өтеу қағидаты бойынша құруға болады" Еуразиялық экономикалық комиссияның Сауда жөніндегі министрі Андрей Слепнев мұндай пікірді ЕЭК Петербург халықаралық экономикалық форумы-2025 шеңберінде өткізген "Халықаралық сауда және климаттық реттеу: БРИКС, ШЫҰ, ЕАЭО және АТЭЫ үшін бөгеусіз шешімдер" сессиясында айтты. "Жүйе көміртегі ізін растауға және оның өтемақысына негізделуі мүмкін, бұл индустрияландырылған экономика үшін шығындардың артуын және климаттық жобаларды іске асыру жолында үлкен мүмкіндігі бар дамушы елдер үшін мұндай шығындардың төмендеуін білдіреді", – деп түсіндірді ЕЭК министрі. Андрей Слепнев атап өткендей, климат саласындағы ұлттық реттеу сауда тосқауылына айналмауы үшін үлкен халықаралық үйлестіру қажет. ЕАЭО жағдайында "Еуразиялық экономикалық жол" декларациясында қажетті шаралар көзделген. Солардың арқасында климаттық күн тәртібі экономикалық дамудың тежегіші емес, драйвері болуы керек. Сондай-ақ, ЕЭК министрі "Энергетикалық сектор капиталы: дамушы елдер үшін тиімді шешімдерді іздеу" сессиясына қатысты, онда тек жасыл жобаларға, нетто-нөлдік шығарындылары бар жобаларға және транзиттік/өтпелі технологияларға инвестициялардың ақылға қонымды үйлесімі ғана технологиялық трансформацияны да, экономикалық өсудің лайықты қарқынын да қамтамасыз ете отырып, ұтымды тәсілдемені қалыптастыра алатынын атап көрсетті. Форум аясында Андрей Слепнев Тунис Республикасының Экономика және жоспарлау министрі Самир Абдельхафидпен екіжақты сауда-экономикалық ынтымақтастықты талқылады. Еске сала өтсек, 2025 жылдың қаңтарында тараптар ЕАЭО-ның Туниспен еркін сауда туралы келісімін жасасудың орындылығын зерделеу бойынша бірлескен зерттеу тобын құрған еді. Бұдан басқа, ЕЭК сауда блогының басшысы "Озон холдингінің" бас директоры Дмитрий Киммен және "Wildberries" негізін қалаушы Татьяна Киммен кездесулер өткізді, онда ЕАЭО-да электрондық сауданы реттеу, сондай-ақ маркетплейстердің жаңа перспективалы шетелдік нарықтарға шығуы тақырыптары қозғалды.
20 маусымның 2025 Андрей Слепнев ПХЭФ-2025 сессияларында электрондық сауданы дамыту мәселелері мен көп полярлы әлемдік экономиканың сын-қатерлері бойынша сөз сөйледі 20 маусымда Еуразиялық экономикалық комиссияның Сауда жөніндегі министрі Андрей Слепнев Петербург халықаралық экономикалық форумы-2025 шеңберіндегі "Трансшекаралық электрондық сауда: жаңа қағидаларды іске қосу" сессиясында сөз сөйледі. "Біз Одақтағы электрондық сауданы реттеушілік туралы айтқан кезімізде екі тақырыпты талқылаймыз, олар: мүше мемлекеттер арасындағы ішкі электрондық сауда және үшінші елдермен сыртқы электрондық сауда", — деп еске салды ол. ЕЭК министрі сыртқы электрондық сауда бөлігінде баждар мен салықтар төленбеген және техникалық реттеу ережелері сақталмаған кезде ішкі бөлшек саудагерлер мен алыс "трансшекараның" қызметі үшін тең емес жағдайлар Кеден кодексіне түзетулерді ратификациялау аяқталғаннан кейін көп жағынан кететінін атап өтті. "Біздің ішкі реттеушілігімізге келетін болсақ, ЕАЭО-дағы тауарлармен электрондық сауда туралы келісім жобасында жақсы реттелген ұлттық және трансұлттық алаңдардың арақатынасы мәселесі бар. Онда кемсітпеушіліктің селлер, өнім және алаң бойынша маңызды үштігі бар", — деді Андрей Слепнев. Оның сөзінше, Келісімнің міндеті бизнеске құжаттарды цифрландыру, тағайындалған ел бойынша тұтынушылардың құқықтарын қорғау, ЕАЭО-ға мүше әртүрлі мемлекеттің сатушылары, маркетплейстері мен сатып алушыларын қамтитын тауарды өткізудің Одаққа тән схемасының келісілген жұмысы тұрғысынан үздік жағдайлар ұсыну болып табылады. Андрей Слепнев Одақтың үшінші елдермен преференциялы сауда келісімдерін ашатын артықшылықтарға бөлек тоқталды. Ол барлық әріптестер шағын және орта бизнес тауарларының экспортын ілгерілетуге мүмкіндік беретін электрондық сауда мәселелері бойынша ынтымақтасуға дайын екенін атап өтті. Сондай-ақ, осы күні ЕЭК сауда блогының басшысы "Көп полярлы экономиканы қалыптастыру: Ресей мен Еуразияның рөлі және орны" сессиясына қатысып, қазіргі уақытта әлемдік саясат экономика мен сауданың трансформациясын айқындайтынын атап көрсетті. Мұны цифрлар жақсы бейнелейді: егер 2021 жылы ЕАЭО саудасындағы батыс елдерінің үлесі 58% құраса, 2024 жылы 18% құрады. Осы уақыт ішінде БРИКС елдері мен Түркия үшін ол 30%-дан 56%-ға дейін өсті. Бұл орайда Еуразиялық экономикалық одақ преференциялы сауданың жоғары әлеуетін көрсетіп отыр. Осыған байланысты Андрей Слепнев Индонезиямен еркін сауда туралы келісім жасасу мәселесін қозғады: "Кеше біз халқы 280 миллион адамнан асатын Оңтүстік Шығыс Азияның осы ірі елімен субстантивті келіссөздерді аяқтадық. Бізде екі апта ішінде шешілетін бірқатар техникалық мәселе қалды. Сонымен, осы жылдың соңына дейін Индонезиямен келісімге қол қоюдың барлық мүмкіндігі бар". 
19 маусымның 2025 Комиссия ҚХР Коммерция министрлігімен ішкі нарықты қорғау шаралары мәселелері бойынша ынтымақтастықты дамытады Еуразиялық экономикалық комиссияның Ішкі нарықты қорғау департаментінің директоры Андрей Захаров ЕЭК пен ҚХР Коммерция министрлігі арасында демпингке қарсы, өтемақы және арнайы қорғау шараларын қолдану саласындағы ынтымақтастық туралы меморандум шеңберінде Қытай Халық Республикасы Коммерция министрлігінің Қорғау шаралары және тергеп-тексеру бюросының басшысы Тао Пэнмен кездесу өткізді. Іс-шараға қатысушылар әлемдік сауданың өзгермелі жағдайында ішкі нарықты қорғау шараларының рөлін талқылады. Кездесу барысында туындаған мәселелерді сындарлы талқылау үшін тергеп-тексеру жүргізетін органдар деңгейінде де, бизнес деңгейінде де екіжақты байланысудың айрықша рөлі атап өтілді. "Комиссия ҚХР Коммерция министрлігімен транспаренттілік пен өзара мүдделерді есепке алу қағидаттарына негізделген ішкі нарықты қорғау шаралары мәселелері бойынша ұзақ мерзімді ынтымақтастықты жоғары бағалайды. Ішкі нарықты қорғау департаменті ҚХР Коммерция министрлігінің Қорғау шаралары және тергеп-тексеру бюросымен диалогты одан әрі дамыту үшін ашық күйінде қала береді",– деп атап өтті Андрей Захаров. Кездесу қорытындысы бойынша тараптар Меморандум шеңберінде одан әрі өзара іс-қимыл жасау, сондай-ақ Еуразиялық экономикалық одақ пен ҚХР арасындағы Сауда-экономикалық ынтымақтастық туралы келісімді іске асыру жөніндегі Бірлескен комиссия алаңында жұмыс істеу туралы уағдаласты.
17 маусымның 2025 ЕЭК Алқасы қол электр құралдарына арналған жиынтықтауыштың жекелеген түрлеріне қатысты бажды уақытша нөлге түсірді Еуразиялық экономикалық комиссия Алқасы қол электр құралдарын өндіруге арналған жиынтықтауыштың жекелеген түрлеріне қатысты ЕАЭО БКТ кедендік әкелу баждарының ставкаларын кедендік құнның 0%-ы мөлшерінде белгілеу туралы шешім қабылдады (ЕАЭО СЭҚ ТН 8483 40 230 2, 8536 50 800 2 және 8545 20 000 1 кодтары). Баждарды уақытша нөлге түсіру 2029 жылғы 31 желтоқсанға дейін жүргізіледі. "Кедендік-тарифтік реттеу шарасы Еуразиялық экономикалық одақ елдерінің кәсіпорындары өндірген қол электр құралдарының бәсекеге қабілеттілігін арттыруға, осындай өндірістің өзіндік құнын төмендетуге, қолда бар өндірістік қуаттарды жүктеуге, шығарылатын өнім көлемін ұлғайтуға және оның ассортиментін кеңейтуге, сондай-ақ салаға инвестициялар салу үшін қолайлы жағдайлар жасауға бағытталған", — деп атап өтті ЕЭК Кедендік-тарифтік және тарифтік емес реттеу департаментінің директоры Ваагн Казарян. Бұл ретте ол ЕАЭО-да қол электр құралдарының қажетті типтік мөлшердегі жиынтықтауыштары өндірілмейтінін атап көрсетті. Қажетті өзгерістер Комиссияның басқа актілеріне де енгізілетін болады. Көрсетілген тауарларға қатысты баждардың нөлдік ставкалары 2020 жылғы 5 маусымнан бастап қоса алғанда 2023 жылғы 30 маусымға дейін қолданылды. Бұл ЕАЭО елдерінде электр құралдарын дайындау бойынша өндірістік қуаттарды ұлғайтуға және ішкі нарықтағы отандық өнімнің үлесін арттыруға ықпал етті.  
16 маусымның 2025 Ваагн Казарян: "ЕАЭО-дағы процестерді цифрландыру қазіргі заманғы технологиялардың халықаралық саудаға ойдағыдай ықпалдасуының үлгісі бола алады" Бангкоктағы (Таиланд) БҰҰ Азия мен Тынық мұхитына арналған экономикалық және әлеуметтік комиссиясының (ЭСКАТО) қолдауымен өткен "Еуразиялық экономикалық одақта және әріптес елдерде сауданы цифрландыру жүйесін қалыптастыру" сессиясында "Қағазсыз сауда апталығы — 2025" шеңберінде сөз сөйлеген Еуразиялық экономикалық комиссияның Кедендік-тарифтік реттеу және тарифтік емес реттеу департаментінің директоры Ваагн Казарян осылай деп мәлімдеді. "Цифрландыру қазіргі заманғы шындықтың іргелі бөлігі ретінде ЕАЭО экономикасының өсуін қамтамасыз ететін негізгі құралдардың бірі болып табылады", – деп атап өтті ЕЭК өкілі. Ваагн Казарянның сөзінше, ЕАЭО шеңберіндегі сауданы цифрландыру процесінің маңызды аспектілерінің қатарына шығарылған елінің электрондық сертификаттар жүйесін енгізу, электрондық сауда, цифрлық таңбалау, интеграцияланған ақпараттық жүйені дамыту, логистиканы цифрландыру жатады. ЕЭК департаментінің директоры қатысқан сессия шеңберінде ЕАЭО мен оның әріптес елдеріндегі сауданы цифрландырудың қазіргі заманғы процесінің жасанды интеллекті қоса, сыртқы сауда және логистикалық рәсімдерді цифрландыру, электрондық құжат айналымын ендіру, сыртқы саудадағы блокчейн және смарт-келісімшарттар, трансшекаралық электрондық сауда туралы заңнама, жаңа цифрлық сауданы реттеу орайлас тәсілдемелер сияқты түйінді аспектілері талқыланды. Сондай-ақ, іс-шара аясында Ваагн Казарян ЭСКАТО сауда, инвестициялар және инновациялар бөлімінің директоры Рупа Чандамен кездесті. Тараптар сауданы цифрландыру саласындағы ынтымақтастықтың перспективалық бағыттарын бағалады, алдағы жұмыстың ықтимал бағыттарын талқылады. Бұдан басқа, "Қағазсыз сауда апталығы – 2025" шеңберінде Азия-Тынық мұхиты өңірінде трансшекаралық қағазсыз сауда рәсімдерін оңайлату туралы негіздемелік келісімді іске асыру бойынша негізгі жұмыс органдарының төртінші сессиясы болып өтті, онда Ваагн Казарян ЭСКАТО-ға мүше мемлекеттерді ЕАЭО-дағы сауданы цифрландыру жөнінде жүргізіліп жатқан жұмыстар және ЕЭК пен ЭСКАТО Қағазсыз сауда жөніндегі кеңесі арасындағы ынтымақтастықтың әлеуетті бағыттары бойынша хабардар етті. "Қағазсыз сауда апталығы – 2025" өткізудің негізгі мақсаты жеткізу тізбегін цифрландыру саласындағы мемлекеттік және жеке сектордың ынтымақтастығын ынталандыру, сондай-ақ БҰҰ шартын және Азия-Тынық мұхиты аймағында трансшекаралық қағазсыз саудаға жәрдемдесу жөніндегі негіздемелік келісімді іске асыру бойынша бірлескен жұмыс барысында елдерді негізделген шешімдер қабылдау кезінде қолдау болып табылады.  
10 маусымның 2025 ҚХР-дан және Украинадан шыққан мырышталған прокатқа қатысты демпингке қарсы баж бес жылға ұзартылды Еуразиялық экономикалық комиссия Алқасы Қытай Халық Республикасынан және Украинадан шыққан мырышталған прокатқа қатысты демпингке қарсы баждың қолданысын қоса алғанда 2030 жылғы 9 маусымға дейін ұзартты. "Шешім Еуразиялық экономикалық одақ елдері прокат өндірушілерінің өтініштері негізінде, қолданыстағы шараның қолданылу мерзімінің аяқталуына байланысты Ішкі нарықты қорғау департаментінің 2024 жылғы 2 қыркүйекте бастаған демпингке қарсы қайталап тергеп-тексеру қорытындылары бойынша қабылданды", — деп атап өтті ЕЭК Сауда жөніндегі министрі Андрей Слепнев. Өтінішті "Магнитогорск металлургия комбинаты" ЖарАҚ, "Новолипецк металлургия комбинаты" ЖарАҚ және "Северсталь" ЖарАҚ берді. ҚХР-дан және Украинадан шыққан мырышталған прокатқа қатысты демпингке қарсы баж Еуразиялық экономикалық комиссия Алқасының 2019 жылғы 3 желтоқсандағы № 209 шешіміне сәйкес белгіленген. ҚХР-дан шыққан прокатқа арналған баждың мөлшері өндірушісіне байланысты кедендік құнның 12,69%-ынан 17%-ға дейін, Украинадан шыққан прокатқа арналған баж мөлшері кедендік құнның 23,9%-ын құрайды. № 209 шешіммен сондай-ақ қытайлық бірқатар компанияның баға міндеттемелері мақұлданған. Шараны қолдану қайталап тергеп-тексеру жүргізу кезеңіне орай ұзартылған болатын.
ЕАЭО шырын өндірілетін тропикалық жемістерден жасалған пюреге арналған кедендік әкелу бажын уақытша нөлге түсірді 02 маусымның 2025 ЕАЭО шырын өндірілетін тропикалық жемістерден жасалған пюреге арналған кедендік әкелу бажын уақытша нөлге түсірді Еуразиялық экономикалық комиссия Кеңесі банан, манго, киви, нектарин, сондай-ақ шабдалы, өрік және алмұрт жемістерінен жасалған пюреге қатысты кедендік әкелу баждарының уақытша нөлдік ставкаларын белгіледі. "Бұл жемістердің концентрацияланған пюресі шырын өнімін, соның ішінде балалар тағамын өндіру үшін қолданылады. Бірақ олардың көпшілігі Еуразиялық экономикалық одақ елдерінің аумағында өспейді немесе өнеркәсіптік өңдеу үшін жеткіліксіз мөлшерде өседі. Осыған байланысты бизнес соңғы жылдары бағасы айтарлықтай өскен импорттық өндірістің шикізатын сатып алуда", — деп түсіндірді ЕЭК Кедендік-тарифтік және тарифтік емес реттеу департаментінің директоры Ваагн Казарян. Бұл ретте ол шараның қолданылу мерзімі ЕАЭО мемлекеттерінде жеке бау-бақша шаруашылығын дамыту жөніндегі инвестициялық бағдарламаларды ескере отырып есептелгенін және ол пюренің әр түрі үшін бір жылдан үш жылға дейін құрайтынын атап көрсетті. Шешім ресми жарияланған күнінен бастап күнтізбелік 10 күн өткен соң күшіне енеді.
ЕЭК Кеңесі 2026 жылдың соңына дейін жеңіл өнеркәсіп тауарларының кейбір түріне кедендік әкелу бажының ставкасын ұлғайтуды мақұлдады 02 маусымның 2025 ЕЭК Кеңесі 2026 жылдың соңына дейін жеңіл өнеркәсіп тауарларының кейбір түріне кедендік әкелу бажының ставкасын ұлғайтуды мақұлдады ЕЭК Кеңесі 2026 жылдың соңына дейін жеңіл өнеркәсіп тауарларының кейбір түріне кедендік әкелу бажының ставкасын ұлғайтуды мақұлдады Еуразиялық экономикалық комиссия Кеңесі қоса алғанда 2026 жылғы 31 желтоқсанға дейінгі аралықта "мақта-қағаз иірілген жібінен жасалған өзге де төсек-орын жабдықтарына" (ЕАЭО СЭҚ ТН 6302 21 000 0 коды) қатысты 1 кг үшін 12%-ға дейін, бірақ 0,44 еуродан кем болмайтын кедендік әкелу бажының ставкасын арттыру туралы шешім қабылдады. "Төсек-орын жабдығын өндіруге арналған иірілген жіптің бізге негізінен үшінші елдерден түсетінін ескере келгенде, кедендік-тарифтік реттеудің қабылданған шарасы отандық кәсіпорындарды қосымша қолдауға мүмкіндік береді", — деп атап өтті ЕЭК Кедендік-тарифтік және тарифтік емес реттеу департаментінің директоры Ваагн Казарян. Бұл ретте ол ЕАЭО елдерінің өндірушілері өз сипаттамалары бойынша импорттық төсек-орын жабдықтарынан кем түспейтін өнімдер шығаратынын және кең ассортиментті ұсынатынын атап өтті. Шешім ресми жарияланған күнінен бастап күнтізбелік 10 күн өткен соң күшіне енеді.
Тағы да көрсету

ЕАЭО ресурстары