кыр

Жаңылыктар

Чыгып сүйлөнгөн сөздөр Фото Видео
06 Sep 2024 ЕЭК монголиялык тарап менен убактылуу соода макулдашуусун даярдоо маселелери боюнча консультацияларды өткөрдү 5-6-сентябрда Евразия экономикалык комиссиясынын аянтчасында бир тарабынан Евразия экономикалык бирлигинин жана анын мүчө мамлекеттеринин, экинчи тарабынан Монголиянын ортосунда убактылуу соода келишиминин долбооруна кол коюуга даярдык көрүү боюнча монголиялык тарап менен консультациялар болуп өттү. "Өткөрүлгөн консультациялардын жыйынтыктары боюнча кесиптештер менен ушул жылдын аягына чейин макулдашууга кол коюу мүмкүнчүлүгүн камсыздоо үчүн зарыл болгон күч-аракеттерди жумшоо макулдашылды", — деп белгиледи ЕЭКтин Соода саясаты департаментинин директорунун орун басары Михаил Черекаев.   Монголия менен убактылуу соода макулдашуусун түзүү боюнча сүйлөшүүлөрдү баштоо жөнүндө чечим Жогорку Евразия экономикалык кеңеши тарабынан 2024-жылдын 8-майында кабыл алынган. Сүйлөшүүлөрдүн раунду 2024-жылдын 2-июлунан 3-июлуна чейин өткөрүлгөн.
02 Sep 2024 Нургуль Айтбаева БРИКС форумунда ЕАЭБдин климаттык күн тартиби жөнүндө айтып берди Евразия экономикалык комиссиясынын Соода саясаты департаментинин директорунун орун басары Нургуль Айтбаева "Заманбап шарттарда БРИКСтин климаттык күн тартиби" форумуна катышты, анда ал Париж келишиминин максаттарына жетүүдө көмүртек бирдиктеринин ыктыярдуу рыногунун потенциалдуу салымы жана көмүртек бирдиктерин чек ара аралык пайдалануу үчүн жагымдуу шарттарды түзүү зарылдыгы жөнүндө айтып берди. "Ыктыярдуу рыноктун тең эмес жана айкын эмес шарттары ак ниеттүү катышуучуларды тарта албайт жана чыгындыларды азайтуу үчүн кооперациянын мультипликациялык натыйжасын теңдештирет", – деп баса белгиледи ал, "БРИКС өлкөлөрүнүн жалпы ыктыярдуу көмүртек рыногунун потенциалы жана мүмкүнчүлүктөрү" сессиясынын жүрүшүндө сүйлөп жатып. Ошондой эле ыктыярдуу рыноктун так жана түшүнүктүү эрежелерин иштеп чыгуу, анын ичинде долбоордук методологияларды, эл аралык жана регионалдык стандарттарды иштеп чыгуу көмүртектин баасын турукташтырууга жардам берери белгиленди. Нургуль Айтбаева Евразия экономикалык бирлигинде климаттык күн тартибин ишке ашырууга өзүнчө токтолду. Тиешелүү иш ЕАЭБ өлкөлөрүнүн өкмөт башчыларынын 2024-жылдын 4-июнундагы тапшырмасына негизинделген. Документте ишмердүүлүктүн беш артыкчылыктуу багыты аныкталган: кооперациялык төмөн көмүртектүү долбоорлорду, анын ичинде мамлекеттер аралык стандарттарды иштеп чыгуу аркылуу ишке ашыруу үчүн шарттарды түзүү; көмүртекти жөнгө салуу чөйрөсүндө валидация жана верификация органдарын аккредитациялоого карата макулдашылган мамилелерди калыптандыруу; тарифтик-фискалдык дем берүүчү чаралар боюнча сунуштарды иштеп чыгуу; улуттук климаттык жөнгө салуудан келип чыккан соода-экономикалык тоскоолдуктарды болтурбоо боюнча сунуштарды даярдоо; климаттын өзгөрүшүнө адаптациялоонун алкагында ЕАЭБдин мүчө мамлекеттеринин позицияларын жакындаштыруу боюнча сунуштарды иштеп чыгуу.
28 Aug 2024 Андрей Слепнев жана Ирандын Россиядагы Элчиси Казем Джалали Евразия экономикалык форумунун алкагында иш-чаралардын даярдыгын жана соода-экономикалык кызматташтыктын актуалдуу маселелерин талкуулашты 28-августта Евразия экономикалык комиссиясынын соода боюнча министри Андрей Слепневдун Иран Ислам Республикасынын Россия Федерациясындагы Атайын жана Ыйгарым Укуктуу Элчиси Казем Джалали менен жумушчу жолугушуусу болуп, анын жүрүшүндө Ереванда 1-октябрда өткөрүлүшү пландаштырылган Евразия экономикалык форуму – 2024 аянтчасында ЕАЭБ – Иран бизнес-диалогун даярдоо талкууланды. Тараптар бизнес-диалог форумдун негизги иш-чараларынын болоруна жана ЕАЭБ менен Ирандын ортосундагы Эркин соода жөнүндө жаңы макулдашуунун алкагында Бирлик өлкөлөрүнүн бизнесинин ирандык компаниялар менен соода-экономикалык байланыштарын тереңдетүү үчүн мүмкүнчүлүктөрдү ачууга мүмкүндүк берерине ишеним билдиришти. "Биздин ишкер чөйрөлөр өнөктөштөр менен кызматташуу жагында логистика, инфраструктура чөйрөлөрүнө, ошондой эле төлөмдөрдү жүргүзүүнү кошо алганда, соода операцияларын жөнөкөйлөтүү маселелерине өзгөчө кызыгуу артууда", – деп баса белгиледи Андрей Слепнев. Мындан тышкары, жолугушуунун катышуучулары эркин соода жөнүндө толук форматтагы макулдашууну ратификациялоонун жүрүшү жана ЕЭКтин Иран менен учурдагы жана кийинки жылы өз ара иштешүүсүн өнүктүрүү боюнча пландар тууралуу маалымат алмашышты. III Евразия экономикалык форуму 2024-жылдын 30-сентябрынан 1-октябрына чейин Ереванда (Армения Республикасы) өтмөкчү.  
27 Aug 2024 ЕЭК Азербайжанда чыгарылган алюминий тасмасына карата демпингге каршы чараларды айланып өтүү мүмкүнчүлүгүн жокко чыгарды Евразия экономикалык комиссиясынын Коллегиясы 2020-жылы Азербайжан Республикасында жана Кытай Эл Республикасында чыгарылган жана Евразия экономикалык бирлигинин бажы аймагына алынып келинген алюминий тасмасына карата демпингге каршы алымды киргизүү жөнүндө чечимге өзгөртүүлөрдү киргизди. Бул өзгөртүүлөрдүн себеби колдонуудагы чараларды айланып өтүүнү белгилөө максатында демпингге кайра иликтөөнүн жыйынтыктары болду. Иликтөө "Алюминий өндүрүүчүлөрдүн, жеткирүүчүлөрдүн жана керектөөчүлөрдүн бирикмеси" ассоциациясы тарабынан берилген арызды кароонун жыйынтыгы боюнча, ЕЭКтин Ички рынокту коргоо департаментинин директорунун 2023-жылдын 27-ноябрындагы № 10 буйругуна ылайык башталган. "Кайталап иликтөөнүн объектиси Азербайжанда чыгарылган алюминий тасмасы болуп саналган, ага демпингге каршы алымды киргизүү жөнүндө чечимде көрсөтүлбөгөн ЕАЭБ ТЭИ ТН коддору менен классификациялоого же ага карата демпингге каршы чара колдонулбаган түрлөргө киргизүүгө мүмкүндүк берүүчү өзгөртүүлөр киргизилген", — деп белгиледи ЕЭКтин соода боюнча министри Андрей Слепнев. Ал тактап өткөндөй, иликтөөнүн жүрүшүндө чогултулган маалыматтарды талдоонун жыйынтыктары боюнча демпингге каршы чараларды айланып өтүүнүн бар экендиги, анын аракетин нейтралдаштыруу жана бул фактордун ЕАЭБ өлкөлөрүнүн рыногунда экономика тармагынын товарын сатуу баасына тийгизген таасири, ошондой эле натыйжада демпингдик импорттун бар экендиги жөнүндө тыянактар чыгарылган. Буга байланыштуу ЕЭК Коллегиясы Азербайжанда чыгарылган жана өзгөртүлгөн ыкмалар менен жеткирилген алюминий тасмага карата демпингге каршы алымдын таасирин жайылткан. Чечим расмий түрдө жарыяланган күндөн тарта 30 календардык күн өткөндөн кийин күчүнө кирет. Каралып жаткан демпингге каршы чара Евразия экономикалык комиссиясынын 2020-жылдын 22-сентябрындагы № 115 чечими менен аныкталган жана 2020-жылдын 24-октябрынан тарта колдонулат.  
23 Aug 2024 "Жашыл Евразия" конкурсунун жеңүүчүлөрүн жана финалисттерин сыйлоо Ереванда Евразия экономикалык форумунун жүрүшүндө өтөт 22-августта Евразия экономикалык комиссиясынын аянтчасында "Жашыл Евразия" экинчи эл аралык климаттык конкурсунун президиумунун отуруму болду. Отурум "Жаңы долбоорлорду илгерилетүү боюнча стратегиялык демилгелер агенттиги" АКУнун башкы директору Светлана Чупшеванын жана ЕЭКтин соода боюнча министри Андрей Слепневдун жетекчилиги астында болуп өттү. Отурумдун жүрүшүндө президиумдун мүчөлөрү 15 номинация боюнча жеңүүчүлөрдү жана финалисттерди аныктап, климаттык митигация жана адаптация боюнча эң натыйжалуу тажрыйбалары бар билдирмелерди белгилешти. Ошондой эле "Евразия перспективасы" өтмө категориясында жеңүүчү тандалып алынды, анда эл аралык кооперациялык бөлүккө кошумча баа берилген. "Жашыл Евразиянын" өнөктөштөрү – Газпромбанк, Промсвязьбанк жана Мельниченко фонду – өздөрүнүн атайын номинацияларында долбоорлорду белгилешти. "Сынактын жеңүүчүлөрүн жана финалисттерин сыйлоо Евразия экономикалык форумунун алкагында өткөрүлөт, аны Евразия экономикалык бирлигинин мүчө мамлекеттеринин өкмөт башчыларынын катышуусу менен 30-сентябрдан 1-октябрга чейин Ереванда өткөрүү пландаштырылууда", — деп маалымдады Андрей Слепнев. Министр экинчи жолу өткөрүлүп жаткан климаттык сынакка болгон кызыгуунун кеңейишине оң баа берди. Анын пикири боюнча, бул дагы бир жолу климаттык теманын актуалдуулугун баса белгилейт. Ошол эле учурда, коомдук баалоо жана таануу ар дайым абройду жогорулатуу жана кийин ишмердикке дем берүү үчүн маанилүү экенин Андрей Слепнев баса белгиледи. "Өткөн жылы биз ЕАЭБ мамлекеттеринин ортосунда биринчи жолу "Жашыл Евразия" эл аралык конкурсун өткөргөнбүз. Жигердүү жооп бизге катышуучулардын географиясын дүйнөнүн бардык өлкөлөрүнө жайылтуу чечимин кабыл алууга мүмкүндүк берди. Бул жылы биз 12 өлкөдөн, анын ичинде Кытайдан, Египеттен, Ирандан, Индонезиядан, Камерундан, Түркмөнстандан, Өзбекстандан, Азербайжандан 300дөн ашык практиканы алдык", – деп белгиледи Светлана Чупшева. Ал "Жашыл Евразия" конкурсу кызматташтыкты бекемдөө жана евразия мейкиндигинде атаандаштыкка жөндөмдүү экологиялык жана климаттык технологиялардын жеткиликтүүлүгүн жогорулатуу үчүн дагы бир таяныч чекит болуп калаарына ишенимин билдирди.
20 Aug 2024 ЕЭК Коллегиясы 2025-жылда ЕАЭБге эттин айрым түрлөрүн жана сүттүн сары суусун алып келүүгө тарифтик квоталарды белгиледи Евразия экономикалык комиссиясынын Коллегиясы 2025-жылга карата эт азыктарынын жана сүт сарысынын бир катар түрлөрүнө тарифтик квоталарды белгилөө жана бөлүштүрүү жөнүндө чечим кабыл алды. "Евразия экономикалык бирлиги жөнүндө келишимге ылайык, ЕЭК үчүнчү өлкөлөрдөн чыккан жана ЕАЭБтин бажы аймагына алынып келинген айыл чарба товарларынын айрым категорияларына карата тарифтик квоталарды аныктайт, мында мүчө мамлекеттердеги алардын керектөөсүнүн жана өндүрүшүнүн баланстары, ошондой эле өлкөлөрдүн Дүйнөлүк соода уюмунун алдындагы милдеттенмелери эске алынат", — деп ЕЭКтин бажы-тарифтик жана тарифтик эмес жөнгө салуу департаментинин директору Ваагн Казарян эске салып өттү. Казакстан Республикасы жана Россия Федерациясы үчүн 2025-жылга карата тарифтик квоталар мамлекеттердин БСУга кирүүсү боюнча протоколдордо белгиленген өлчөмдө белгиленет. Армения Республикасы, Беларусь Республикасы жана Кыргыз Республикасы үчүн тарифтик жеңилдиктер тараптардын сурамдарын эске алуу менен, керектөө менен өндүрүштүн ортосундагы айырмадан ашпаган көлөмдөрдө аныкталат. Алсак, ири мүйүздүү малдын эти боюнча квоталар Армения Республикасы үчүн – 9,5 миң тоннаны, Казакстан Республикасы үчүн – 21 миң тоннаны, Кыргыз Республикасы үчүн – 5 миң тоннаны жана Россия Федерациясы үчүн – 570 миң тоннаны түзмөкчү. Чочко эти үчүн квоталар төмөнкүдөй көлөмдөрдө бөлүштүрүлөт: Армения Республикасы үчүн 9,4 миң тонна, Беларусь Республикасы үчүн 20 миң тонна жана Кыргыз Республикасы үчүн 2 миң тонна. Эт жана канаттуулардын эти боюнча квоталар Армения Республикасы үчүн – 35,1 миң тоннаны, Беларусь Республикасы үчүн – 10,9 миң тоннаны, Казакстан Республикасы үчүн – 140 миң тоннаны, Кыргыз Республикасы үчүн – 58 миң тоннаны жана Россия Федерациясы үчүн – 364 миң тоннаны түзөт. Сүттүн сары суусун алып келүүгө квота Армения Республикасы үчүн 0,7 миң тонна өлчөмүндө жана Россия Федерациясы үчүн 15 миң тонна өлчөмүндө белгиленген.
20 Aug 2024 Андрей Слепнев БАЭнин тышкы соода мамлекеттик министри Тани бин Ахмед Аль Зайуди менен экономикалык өнөктөштүк келишими боюнча сүйлөшүүлөрдүн аякташын талкуулады 20-августта видеоконференция форматында Евразия экономикалык комиссиясынын соода боюнча министри Андрей Слепневдун Бириккен Араб Эмираттарынын тышкы соода боюнча мамлекеттик министри Тани бин Ахмед Аль Зайуди менен жолугушуусу болуп өттү. "Жолугушуунун жүрүшүндө Евразия экономикалык бирлиги менен БАЭ ортосунда экономикалык өнөктөштүк жөнүндө макулдашууну түзүү боюнча сүйлөшүүлөрдүн негизги маселелери талкууланды, аларды чечүү сүйлөшүү процессинин тез арада субстантивдик аякташына өбөлгө түзөт", – деп белгиледи Андрей Слепнев. БАЭ менен сүйлөшүүлөрдү баштоо жөнүндө чечим Жогорку Евразия экономикалык кеңеши тарабынан 2022-жылдын декабрында кабыл алынган. Азырынча сүйлөшүүлөрдүн үч раунду болду.
26 Jul 2024 Андрей Слепнев Индиянын соода жана өнөр жай министринин орун басары менен соода-экономикалык кызматташтыкты тереңдетүүнүн жолдорун талкуулады 25-июлда Евразия экономикалык комиссиясынын штаб-квартирасында ЕЭКтин соода боюнча министри Андрей Слепневдун жана Индиянын соода жана өнөр жай министринин орун басары Сунил Бартвалдын ортосунда жолугушуу болуп өттү. Ал Москвага Индия делегациясынын БРИКС өлкөлөрүнүн соода министрлеринин 14-жолугушуусуна жана БРИКС байланыш тобунун экономикалык жана соода маселелери боюнча 36-жолугушуусуна катышуусунун алкагында келген. Евразия экономикалык бирлигинин өлкөлөрү жана Индия өз ара соода чөйрөсүндө жогорку потенциалга ээ экендиги белгиленди, аны ишке ашыруу товар жүгүртүү түзүмүн диверсификациялоого жана экономиканын ар кандай секторлорунда кызматташтыкты кеңейтүүгө жардам бериши керек. "ЕАЭБ мүчө мамлекеттери өз ара товар жүгүртүүнүн көлөмдөрүн көбөйтүүгө жана соода товарларынын спектрин кеңейтүүгө мүмкүндүк бере турган преференциалдык соода макулдашуусун иштеп чыгууну кошо алганда, өз ара иштешүүнүн жаңы формаларын кароого даяр", – деп белгиледи Андрей Слепнев.  
Дагы көрсөтүү

Ресурсы ЕАЭС