Նորություններ
Ընդունվել է գործող նյութերի և դրանց իռացիոնալ համակցությունների ցանկը, որոնց բժշկական կիրառումը որպես դեղամիջոց ճանաչվել է իռացիոնալ
Սեպտեմբերի 5-ի նիստում Եվրասիական տնտեսական հանձնաժողովի կոլեգիան ընդունել է Գործող նյութերի և գործող նյութերի իռացիոնալ համակցությունների ցանկը, որոնց բժշկական կիրառումը որպես դեղամիջոց ճանաչվել է իռացիոնալ։
Համակցությունների իռացիոնալությունը գնահատելիս և Ցանկը կազմելիս օգտագործվել են ICH տարածաշրջանի երկրների մոտեցումները նման համակցությունների գնահատման վերաբերյալ (այդ թվում՝ Եվրոպական միությունում, Հնդկաստանի Հանրապետությունում, ԱՄՆ-ում կիրառվող)՝ հաշվի է առնվել համակցություններում գործող նյութերի բացասական ազդեցության փոխադարձ ուժեղացման դրսևորումը, հակամանրէային պատրաստուկների նկատմամբ դիմադրողականության ձևավորումը՝ անկախ առևտրային բաղադրիչից (դեղորայքային պատրաստուկի վաճառքներից):
Փաստաթուղթը թույլ կտա սահմանել փորձագիտական կազմակերպությունների կողմից դեղորայքային պատրաստուկի գրանցման դոսյեի գնահատման միասնական մոտեցումներ համակցված դեղերի արդյունավետությունն ու անվտանգությունը վերլուծելիս և նման իռացիոնալ համակցությունների շրջանառությունը կանխելիս:
Դեղագործական արտադրողների համար միասնական Ցանկի օգտագործումը թույլ կտա նվազեցնել ակնհայտ իռացիոնալ համակցությունների մշակման հետ կապված ժամանակային և ֆինանսական ծախսերը:
