Григорян Мгер Гербертович

1972 жылы 15 ақпанда Аштарак қаласында туған.

1989-1991 жылдары Мәскеу мемлекеттік университетінің заң факультетінде оқыған.

1991-1994 жылдары ЕМУ-дің заң факультетін оқып бітіріп, заңгер біліктілігін алды.

1997-1998 жылдары Лидса университетінің (Ұлыбритания) бизнес мектебінің 6 айлық біліктілік курсынан өтті.

1994-1996 жылдары жекеше кәсіпкерлікпен айналысты.

1996 жылы Орталық банкте кәсіби қызметін бастап, 1997-1999 жылдары заң басқармасының басшысы лауазымында болды.

1999-2005 жылдары «Айнерардбанк» (қазіргі «Америя» банкінде) заң қызметінің басшысы, операциялық директор лауазымында жұмыс істеді.

2002-2006 жылдары Дүниежүзілік банкке заңдық консалтинг қызметтерін көрсетті.

2004-2005 жылдары «HSBC-Армения» банкінде заң қызметінің басшысы лауазымын қоса атқарды.

2005-2007 жылдары «Инекобанк» атқарушы директоры лауазымында болды.

2007-2011 жылдары «ВТБ-Армения» банкінде атқарушы директордың орынбасары болып істеді.

2006-2018 жылдары «Арка Кредит Репортинг» кеңесінің мүшесі қызметін атқарды.

2011-2018 жылдары «Ардшинбанк» басқармасының төрағасы қызметінде болды.

2012-2018 жылдары – «Армения Иншуранс» сақтандыру компаниясы кеңесінің төрағасы.

2018 жылғы 12 мамырда Армения Республикасының вице-премьері болып тағайындалды.

2018 жылғы 16 қазаннан бастап Армения Республикасы вице-премьерінің міндетін атқарушының функцияларын орындады.

2019 жылғы 16 қаңтардан бастап Армения Республикасының вице-премьері болып тағайындалды.

2021 жылғы 3 тамыздан бастап Армения Республикасының вице-премьері болып тағайындалды.