Жаңалықтар

12.09.2022 (Обновлено: 23.09.2022 10:54)

ЕАЭО-дағы зияткерлік меншік саласындағы бұзушылықтың 91,5%-ы тауар белгілерін заңсыз пайдалану саласындағы бұзушылықтың үлесіне тиеді

Бұл туралы Зияткерлік меншік жөніндегі консультативтік комитеттің отырысы барысында Экономика және қаржы саясаты жөніндегі министр Бақытжан Сағынтаев хабарлады. Бұл деректер ЕЭК-тің ЕАЭО-да зияткерлік меншік объектілеріне құқықтарды қорғау саласындағы құқық қолдану практикасының 2021 жыл ішіндегі жай-күйі туралы жыл сайынғы есебінде келтірілген.


"2021 жылы ЕАЭО-да анықталған контрафактілік тауарлар көлемі 33% артты және 18,2 млн бірлікке жуық құрады. Сонымен бірге тұтастай ЕАЭО бойынша 2020 жылы байқалған контрафакт деңгейінің азаю үрдісі 2021 жылы пандемия тудырған шектеулерді кезең-кезеңімен алып тастауға байланысты артуға қарай көшті", - деп атап өтті Бақытжан Сағынтаев.

Консультативтік комитет отырысына қатысушылар сондай-ақ мәжбүрлі лицензиялау механизмін қолдану мүмкіндіктерін талқылады.

"Біздің елдеріміздің халықтарын дәрілік заттармен, атап айтқанда COVID-19 пандемиясы аясында қамтамасыз ету жағдайларында аталған механизм әсіресе өзекті бола түседі", - деп атап көрсетті Бақытжан Сағынтаев.

Бұдан басқа, 2020 жылғы 3 ақпандағы Тауар белгілері, қызмет көрсету белгілері және ЕАЭО тауарларының шығарылған жерінің атаулары туралы шартты іске асыру

және ЕАЭО-да қорғалатын өнеркәсіптік меншік объектілері туралы ақпаратты онлайн іздеу режимінде жүзеге асыруға мүмкіндік беретін іздеу сервистерінің мәселелері қаралды.

ЕАЭО мемлекеттерінде контрафактілік өнімді анықтау жөнінде қабылданатын шаралардың нәтижелеріне ескеруге қатысты әртүрлі тәсілдеменің болуына орай, отырысқа қатысушылар тиісті әдістеме дайындаудың орындылығын да талқылады.


Анықтама

Зияткерлік меншік жөніндегі консультативтік комитет 2012 жылғы 25 қыркүйекте құрылған. Комитет құрамына ЕАЭО мемлекеттері министрліктері мен ведомстволарының басшылары, басшыларының орынбасарлары және бизнес-қоғамдастықтың өкілдері кіреді.

Комитет ЕЭК үшін зияткерлік меншік саласында ұсынымдар дайындаумен, консультациялар өткізумен және ЕАЭО мемлекеттерінің уәкілетті органдарының өзара іс-қимылы жөнінде ұсыныстар дайындаумен және басқа мәселелермен айналысады.