Жаңалықтар
Андрей Слепнев: "Күшейе түскен бәсекелестікті ескере отырып, халықаралық нарықтарда бизнеспен бірлескен жұмысты жандандыру қажет"
Еуразиялық экономикалық комиссияның Сауда жөніндегі министрі Андрей Слепнев Ресей өнеркәсіпшілер мен кәсіпкерлер одағы ұйымдастырған "2025 – жаңа мүмкіндіктер жылы" халықаралық форумының қатысушыларына осындай шақырумен қайырылды.
"Егер 2024 жылғы сауда бойынша цифрларды алып қарасақ, олар жеткілікті түрде айқын айғақты. Одақішілік сауда 10% өсті және бұл бір жыл бұрынғы байсалды өсімнен кейінгі жай. ЕАЭО-ның үшінші елдермен сыртқы саудасы тауар айналымы бойынша іс жүзінде өзгерген жоқ, бұл ретте экспорт 1,2%, ал сауда сальдосы 17,3% қосты", – деп атап өтті ЕЭК министрі.
Оның сөзінше, мұндай цифрлар Еуразиялық экономикалық одақ елдеріндегі сауданы оқшаулау, шектеу немесе қандай да бір жолмен тұрақсыздандыру әрекеттері сезілерліктей болса да, өз мақсатына жете алмағанын көрсетеді. Сауда дамып келеді, бизнес алға басып, әріптестермен қарым-қатынасты жалғастырудың жолдарын іздеп таба түсуде.
Андрей Слепнев форум тақырыбына жүгіне отырып, қазір ашылып жатқан жаңа мүмкіндіктер, соның ішінде жаңа сыни шақырыстарға жауап та болып табылатынын атап көрсетті. Оның пікірінше, бұл сыни шақырыстарды екі негізгі тармаққа тіреуге болады. Біріншісі — Ресей мен Беларусь үшін өзіндік ерекшелікті және санкциялық қысымнан тұрады. Екіншісі — әлемдік сауда жүйесінің қазірдің өзінде жаһандық трансформация кезеңіне толық көлемде енуіне байланысты. ЕЭК министрі: "Біз қазір сауда соғыстары кезеңін бастан өткеріп жатырмыз және өз перспективамызды осы тұрғыда түсінуіміз керек", – деп, қатысушылар назарын соған аударды.
"Бәрінен бұрын, халықаралық әріптестердің Одақпен өзара іс-қимылға қызығушылығы сауда саласында өте зор екенін айтқым келеді. Бүгінде біз Иранмен бұрын-соңды болмаған еркін сауда туралы келісімді имплементациялаумен айналысудамыз, Үндістанмен белсенді консультациялар жүргізілуде, осы жылдың өзінде-ақ БАӘ-мен келісімге қол қойылуын күтудеміз", – деп хабардар етті Андрей Слепнев.
Ол басқа бағыттардың ішінен Оңтүстік Шығыс Азия нарығын түйінді бағыттардың бірі ретінде бөліп көрсетті. Ондағы жағдаят бүгінде өте тез өзгеруде, бұл соның ішінде АҚШ-тың Қытайға қатысты шараларына байланысты. Өңірде қазірдің өзінде ЕАЭО-ның Вьетнаммен еркін сауда туралы келісімі қолданылады, Индонезиямен келіссөздер ойдағыдай жүргізілуде.
"Бәсекелестік барған сайын арта түседі, сол себепті біздің экспорттық күш-жігеріміз осы бәсекелестікке төтеп беру әрі осы нарықтардағы өз мүдделерімізді қорғап қалу үшін одан әрі жандандырылуы керек. Бұл реттеуші ретінде бізге де, елдеріміздің бизнес-қоғамдастығына да қатысты", – деді министр сөзінің соңында.
