Жаңалықтар
18.08.2022
Биржалық сауда ЕАЭО-ның ортақ газ нарығының нарықтық баға белгілеу механизмі қызметін атқарады
17 тамызда Еуразиялық «бестік» елдерінің уәкілетті органдарының өкілдері биржалық алаңдардың операторларымен бірлесіп, ЕАЭО-ның ортақ газ нарығын қалыптастыру шеңберінде газдың биржалық сауда-саттығын жүзеге асыру тәртібін талқылады.
«Құжат жоғары дайындық дәрежесінде тұр. Іс жүзінде бірнеше реттелмеген мәселе қалды», — деп атап көрсетті ЕЭК Энергетика департаментінің директоры Вадим Закревский.
Отырыс барысында тараптар мүше мемлекеттер үшін қағидатты ортақ және ішкі нарықтар үшін сауда сессияларын бөлу мәселесін қарады, клирингті жүзеге асыру, сауда-саттыққа қатысушыларды лицензиялау және биржалық тауар бағасының валюталары мәселелерін талқылады.
«Биржалық сауданы ортақ газ нарығының нарықтық баға белгілеу механизмдерінің бірі ретінде пайдалану бағамдалуда», — деп атап өтті Вадим Закревский.
Анықтама
ЕАЭО-ның ортақ газ нарығын қалыптастыру шеңберінде газбен биржалық сауда-саттықты жүзеге асыру тәртібі Одақтың ортақ газ нарығын іске қосуға арналған нормативтік база пакетіне кіреді, мұнда Одақтың ортақ газ нарығын қалыптастыру туралы халықаралық шарт түйінді болып табылады. Бұл ретте биржалық сауда-саттық тәртібі модельдік жобаның өзінше бір түрі ретінде қаралады, оның көмегімен Одақтың ортақ газ нарығын қалыптастырудың бірінші кезеңінде ортақ нарық жағдайында газ саудасын ырықтандыру механизмдерін пысықтау жоспарлануда. Биржалық сауда тәртібі 2023 жылы әзірленуі және қабылдануы көзделген Одақтың ортақ газ нарығындағы газ саудасы қағидалары күшіне енгенге дейін қолданылатын болады.
