Жаңалықтар
ЕЭК статистикаға цифрлық технологияларды ендіреді
Еуразиялық экономикалық комиссияның Статистика департаментінің директоры Азамат Оросбаев бұл туралы 12-14 қыркүйекте Санкт-Петербургте өткен Статистика өндірушілері мен пайдаланушыларының халықаралық форумында айтты.
Азамат Оросбаев форумға қатысушыларды цифрлық технологияларды қолдана отырып, Еуразиялық экономикалық одақтың статистикасын дамыту туралы хабардар етті. Атап айтқанда, ол Комиссия мен Одақ елдерінің уәкілетті органдарының ЕАЭО туралы ресми статистикалық ақпаратты жариялау сапасын арттырудағы, сондай-ақ деректердің салыстырмалылығын арттыру үшін Одақ статистикасының әдіснамалық негізін құру мен дамытудағы бірлескен күш-жігерінің оң әсерін атап өтті. Ол ЕАЭО ресми статистикасын өндіруде цифрлық технологияларды қолдануға және ЕЭК-тің ЕАЭО интеграцияланған ақпараттық жүйесі статистикасының жаңғыртылған ішкі жүйесіне көшуіне баса назар аударды.
Бұдан басқа, Азамат Оросбаев ЕЭК Статистика департаменті статистикалық өндірістің барлық кезеңінде SDMX халықаралық стандартын сәтті енгізіп жатқанын атап көрсетті.
Форумның нәтижелерін статистикалық деректерді жинау, өңдеу және тарату үшін инновациялық технологиялық шешімдерді ендіру мен 2025-Стратегиясын және ЕАЭО статистика саласындағы интеграцияны дамытудың 2021-2025 жылдарға арналған бағдарламасын іске асыру шеңберінде ресми статистикалық ақпаратты тарату тәсілдерін жетілдіру бойынша жұмыста пайдалану жоспарлануда.
ЕЭК өкілдері форум алаңында ТМД-ға қатысушы мемлекеттердің статистикалық қызметтері басшылары кеңесінің 67-ші отырысын өткізуге қатысты. Достастық өңіріндегі статистикалық әдіснаманың салыстырмалылығын қамтамасыз ету жөніндегі жұмыс бағыттарын қоса, 2024 – 2025 жылдарға арналған "Тәуелсіз Мемлекеттер Достастығының статистикасын дамыту" жобасын іске асыру мәселелері талқыланды.
Анықтама
ТМД Атқарушы комитетінің қолдауымен Тәуелсіз Мемлекеттер Достастығының Мемлекетаралық статистика комитетінің қолдауы аясында Статистика өндірушілері мен пайдаланушыларының халықаралық форумы ұйымдастырылды. Форумға ТМД елдері ұлттық статистика қызметтерінің, билік органдарының басшылары, халықаралық ұйымдардың, сарапшылық және бизнес-қоғамдастық өкілдері қатысты.
Форум Статистика пайдаланушыларының қазіргі заманғы қажеттіліктерін барынша толық қанағаттандыру мақсатында статистикалық
өндірістің тиімділігін арттыру мәселелері бойынша статистика өндірушілері мен пайдаланушыларының диалогы үшін алаңға айналды.
Форумда Еуразиялық экономикалық комиссия атынан Статистика департаментінің директоры Азамат Оросбаев пен Статистика департаменті директорының орынбасары Ирина Кангро өкілдік етті.
Statistical Data and Metadata eXchange (SDMX) – БҰҰ, ЕОБ, Еуростат, ХВҚ және басқа да халықаралық ұйымдар қолдайтын статистикалық деректермен алмасудың ашық форматы. ISO тұрғысынан ISO 17369:2013 Statistical data and metadata Exchange (SDMX) стандартына сәйкес келеді.
