Жаңалықтар

Бет мазмұны28 қазанда 10:00-де «Еуразиялық апта» форумы шеңберінде Еуразиялық экономикалық комиссияның Кедендік-тарифтік және тарифтік емес реттеу департаменті ұйымдастырушысы болған «ЕАЭО аумағында RFID-технологияларды дамыту перспективалары» тақырыбы бойынша дөңгелек үстел өтеді. Іс-шара Еуразиялық экономикалық одақ аумағында RFID-технологиялардың қолданылуын кеңейтуге бағытталған. Тауарларды таңбалау тұтыну тауарлары айналымын бақылаудың анағұрлым тиімді құралы болып табылады. Тері бұйымдарын таңбалау бойынша пилоттық жобаны іске асыру тәжірибесі RFID-сәйкестендіру тетігін пайдалану таңбалаудың озық әдісі болып табылатындығын көрсетті. Тауарларды таңбалау кезінде RFID-технологияларды қолданудың даусыз артықшылықтары мен басқа тауар топтарына тарату перспективалары бар. Сонымен бірге аталған технологияның негізгі кемшілігі – салыстырмалы түрдегі жоғары құны екенін атап өту қажет. Дөңгелек үстел Одақ елдері мемлекеттік органдарының, бизнес-қауымдастықтардың, ақпараттық жүйелерді әзірлеуші ұйымдардың, сондай-ақ бақылау белгілері эмитенттері мен RFID-ендер өндірушілердің өкілдері арасындағы коммуникациялар үшін алаң болмақ. Дөңгелек үстел шеңберінде пилоттық жобаны іске асыру тәжірибесін ескере отырып, тауарлар айналымын мемлекеттік реттеуде бақылау белгілерімен таңбалау рөлін, сондай-ақ Одақта RFID-технологияларды дамытуға қатысты негізгі мәселелерді талқылау жоспарланып отыр. Сонымен қатар пікірталас шеңберінде Одақ аумағында RFID-ендер өндірісінің толық тізбегін және есептеуіш құрылғыларды енгізу туралы мәселе талқылауға ұсынылады. Анықтама 2015 жылғы 8 қыркүйектегі «Табиғи теріден жасалған киім заттары, киім-кешек керек-жарақтары мен басқа да бұйымдар» тауар позициясы бойынша тауарларды бақылау (сәйкестендіру) белгілерімен таңбалауды енгізу жөніндегі пилоттық жобаны 2015-2016 жылдары іске асыру туралы келісім 2016 жылғы 12 тамызда күшіне енді.​​ ​