Жаңалықтар
ЕЭК Алқасы ЕАЭО мен үшінші тараптың кеден транзитінің бірыңғай жүйесі туралы келісімді мақұлдады
Еуразиялық экономикалық комиссия Алқасы 25 сәуірде Еуразиялық экономикалық одақ пен үшінші тараптың кедендік транзитінің бірыңғай жүйесі туралы келісімді мақұлдау және оны мемлекетішілік келісімді алу үшін Еуразиялық экономикалық одақ елдеріне жіберу туралы өкім қабылдады.
Тараптар Комиссияға мемлекетішілік келісу нәтижелері туралы 2023 жылғы 1 маусымға дейін хабарлауы тиіс.
Келісім жобасы 2025 жылға дейін еуразиялық экономикалық интеграцияны дамытудың стратегиялық бағыттарын іске асыру жөніндегі іс-шаралар жоспарының 3.1.8-тармағын орындау аясында әзірленді. Ол Одақтың және үшінші тараптың кеден транзитінің бірыңғай жүйесі қызметінің негізгі принциптерін, яғни ЕАЭО-ның кеден аумағы және үшінші тараптың кеден аумағы бойынша тауарларды тасымалдау кезінде бірыңғай транзиттік декларацияны қолдануды, жалпы қамтамасыз етуді қолдануды, уәкілетті экономикалық операторларды өзара тануды және оларға жекелеген арнайы жеңілдетулер беруді, сондай-ақ барлық тасымалдауға бір навигациялық бітемені қолдануды айқындайды.
