Жаңалықтар

Еуразиялық экономикалық одаққа әкелінетін тауарларға арналған тәуекелдің құндық индикаторларын өзектілендіру қажеттігі, 2015 жылы Жоғары Еуразиялық экономикалық кеңес бекіткен тауарлар тізбесіне өзгерістер енгізудің орындылығы, Комиссия жүргізетін салалық мониторингтің жинақталған нәтижелері — осы және басқа да бірқатар тақырыптар Бішкекте Еуразиялық экономикалық форум шеңберінде 26 мамырда өткен ЕАЭО елдері кеден қызметтерінің Біріккен алқасының отырысында талқыланды

Отырысқа қатысқан Еуразиялық экономикалық комиссияның Кедендік ынтымақтастық жөніндегі министрі Максат Мамытканов, кеден қызметі мемлекеттік қауіпсіздікті қамтамасыз етудің маңызды буыны, ұлттық мүдделерді қорғаудың кепілі болғанын және болып қала беретінін, ал әлемдік үнемдеудің жаһандануы жағдайында халықаралық кедендік ынтымақтастық кез келген мемлекеттің экономикалық саясатының неғұрлым маңызды құрамдас бөліктерінің бірі болып табылатынын атап өтті.

Максат Мамытканов Комиссияның және Біріккен алқаның алдағы жемісті бірлескен жұмысына сенімділік білдірді.

Еске сала өтсек, 2011 жылы құрылған Біріккен алқа — Одақтың неғұрлым тәжірибелі әрі тиімді интеграциялық органдарының бірі. Ол кеден әкімшілігін жүргізудің бірыңғай қағидаттарын қолдану шеңберінде одақтық мемлекеттердің кеден қызметтерінің практикалық іс-қимылын үйлестіреді, өзара қолайлы біріздендірілген шешімдерді талқылау және тұжырымдау алаңы ретінде, сондай-ақ кеден саласындағы проблемаларды жедел реттеуде өзін көрсетіп келеді.

ЕЭК Хаттама және ұйымдастырушылық қамтамасыз ету департаментінің Ақпараттық қамтамасыз ету бөлімі