Жаңалықтар
27.01.2025
Экспресс-жүктерге арналған жолаушылар кедендік декларациясы тауарлардың көптеген номенклатурасына қатысты қолданыла алады
Еуразиялық экономикалық комиссия Алқасы 27 қаңтарда экспресс-жүктерге арналған жолаушылар кедендік декларациясына оны қолдану мүмкіндіктерін кеңейтетін өзгертулер енгізді.
«Қазіргі уақытта Еуразиялық экономикалық одақ құқығында мұндай ұғымның болмауына байланысты бөлінбейтін тауарларға қатысты декларацияны қолдануда бұрын болған шектеу алынып тасталды», - деп атап өтті ЕЭК Кедендік ынтымақтастық жөніндегі министрі Руслан Давыдов.
Бекітілген өзгертулер декларациядағы мәліметтерді мәлімдеу тәртібін одан әрі біріздендіруге бағытталған. Атап айтқанда, тауарларды уақытша сақтауға орналастыру туралы мәліметтерді ЕАЭО-ның барлық мемлекеттерінде көрсету қажет болады, ол қазір Одақтың үш елінде ғана болған еді.
ЕЭК Алқасының 2018 жылғы 16 қазандағы № 158 шешімімен экспресс-тасымалдаушылар өткізетін жеке пайдалануға арналған тауарларды кедендік декларациялау кезінде қолданылатын экспресс-жүктерге арналған жолаушылар кедендік декларациясын толтыру нысаны мен тәртібі бекітілді.
