Жаңылыктар
27.01.2025
Экспресс-жүктөр үчүн жүргүнчүлөрдүн бажы декларациясы товарлардын көбүрөөк номенклатурасына карата колдонулушу мүмкүн
Евразия экономикалык комиссиясынын Коллегиясы 27-январда экспресс-жүктөр үчүн жүргүнчүлөрдүн бажы декларациясына аны колдонуу мүмкүнчүлүгүн кеңейткен өзгөртүүлөрдү киргизди.
"Азыркы учурда Евразия экономикалык бирлигинин укугунда мындай түшүнүк жок болгондуктан, бөлүнбөс товарларга карата декларацияны колдонууда мурда болгон чектөө алынып салынды", – деп белгиледи ЕЭКтин бажы кызматташтыгы боюнча министри Руслан Давыдов.
Бекитилген өзгөртүүлөр ошондой эле декларациядагы маалыматтарды берүү тартибин андан ары унификациялоого багытталган. Атап айтканда, товарларды убактылуу сактоого жайгаштыруу жөнүндө маалыматты ЕАЭБдин бардык мамлекеттеринде көрсөтүү зарыл болот, ал эми азырча – Бирликтин үч өлкөсүндө гана көрсөтүлөт.
ЕЭК Коллегиясынын 2018-жылдын 16-октябрындагы № 158 чечими менен экспресс-жүктөр үчүн жүргүнчүлөрдүн бажы декларациясын толтуруу формасы жана тартиби бекитилген, ал экспресс-ташуучулар алып өтүүчү жеке колдонуу үчүн товарларды бажылык декларациялоодо колдонулат.
