Жаңалықтар
Электр энергиясының орталықтандырылған саудасы Одақ елдері арасындағы жеткізу мүмкіндіктерін оңтайлы пайдалануға мүмкіндік береді
30 қыркүйекте Ереванда III Еуразиялық экономикалық форум алаңдарында Еуразиялық «бестік» елдерінің энергетика саласындағы уәкілетті органдары басшыларының орынбасарлары мен электр энергетикалық ұйымдары басшыларының қатысуымен «Электр энергиясының орталықтандырылған саудасы кезіндегі Еуразиялық экономикалық одақтың ортақ электр энергетикалық нарығына қатысушылардың перспективалары мен артықшылықтары» атты дөңгелек үстел өтті.
Сессияға қатысушылар электр энергиясының орталықтандырылған саудасы шеңберінде электр энергиясына нарықтық баға белгілеу механизмдеріне басты назар аударды. Биржалық механизмдер, нарыққа қатысушылар үшін кемсітпейтін жағдайларды қамтамасыз ету, ұлттық валюталарды пайдалану перспективалары және Одақтың ортақ электр энергетикалық нарығына әлеуетті қатысушылардың күтетін мәселелері талқыланды.
Одақтың жалпы электр энергетикалық нарығында ақпарат алмасу жүйесін ұйымдастыру және электрондық цифрлық қолтаңбаларды, оның ішінде сауданы жүзеге асыру кезінде Одақ мемлекеттерінде берілгендерін пайдалануды іске асыру тетіктері жеке қаралды.
«Энергия тасымалдаушылар бағасының әлемдік конъюнктурасының өсуі жағдайында Еуразиялық «бестік» елдерінің электр энергиясының ортақ нарығын құру туралы шешімі электр энергиясына теңгерімді бағалар мен тарифтерді алу және ЕАЭО елдерінің ұлттық экономикаларының өсуінің оң серпінін алу үшін ұтымды шешім болып табылады. Ортақ электр энергетикасы нарығын іске қосу Еуразиялық экономикалық одаққа мүше мемлекеттердің энергия қауіпсіздігі деңгейін арттыруға ықпал ететін болады», – деп атап өтті Еуразиялық экономикалық комиссияның энергетика және инфрақұрылым министрі Арзыбек Кожошев.
Министр сондай-ақ ортақ электр энергетикасы нарығына қатысушылар үшін кемсітпейтін жағдайларды қамтамасыз ететін электр энергиясының орталықтандырылған саудасы өндіруші қуаттардың тапшылығын азайту және ЕАЭО ішіндегі өзара сауда көлемін арттыру үшін мемлекетаралық электр беру желілері бойынша Одақ елдері арасында электр энергиясын жеткізудің қолда бар мүмкіндіктерін оңтайлы пайдалануға мүмкіндік беретінін атап өтті.
