Жаңалықтар

02.03.2023 (Обновлено: 07.03.2023 16:41)

ЕАЭО-да табиғи монополиялар саласындағы бірыңғай қағидаттар мен қағидаларды іске асыру жөніндегі жұмыс жалғасуда

2 наурызда Еуразиялық экономикалық комиссияның энергетика және инфрақұрылым жөніндегі министрі Арзыбек Қожошевтің төрағалығымен өткен Табиғи монополиялар жөніндегі консультативтік комитеттің отырысында Еуразиялық экономикалық одақтың табиғи монополиялар субъектілерінің қызметін реттеудің бірыңғай қағидаттары мен қағидаларын іске асыруды қамтамасыз ететін құжат жобасы келісілді.
Табиғи монополиялар саласындағы жол картасында көзделген құжатты Комиссия ЕАЭО елдерінің реттеуші органдарының сарапшыларымен бірлесіп дайындады және Одақ туралы шарттың № 20 қосымшасында көзделген қағидаттар мен қағидалардың біркелкі қолданылуын қамтамасыз етуге бағытталған.

Жиналыста 2022 жылы табиғи монополиялар саласында атқарылған жұмыстар туралы ақпарат жобасы мақұлданды. Құжатта мүше мемлекеттердің қабылданған және қолданыстағы нормативтік құқықтық актілері, ЕАЭО елдерінің реттеуші органдарының қызметі, сондай-ақ Одақ мемлекеттерінің табиғи монополиялар саласындағы заңнаманы үйлестіру жөніндегі іс-шаралары туралы мәліметтер көрсетілген. 2023 жылдың мамыр айында құжат ЕАЭО мемлекеттерінің басшыларына таныстырылады.

Анықтама

Табиғи монополиялар саласында ЕАЭО мемлекеттерінің заңнамасын үйлестіру дәйектілігін айқындау жөніндегі жол картасын ЕЭК Кеңесі 2017 жылғы желтоқсанда бекіткен.