Жаңалықтар
24.08.2022
ЕАЭО-ның Кеден кодексіне сыртқы электрондық сауданы реттеу бойынша түзетулер енгізіледі
Еуразиялық экономикалық комиссия Алқасы ЕАЭО Кеден кодексіне өзгерістер жобасын мақұлдады және қайтадан мемлекетішілік келісу жүргізу үшін Еуразиялық экономикалық одақ мемлекеттеріне жіберді. Құжат жеке тұлғалардың шетелдік интернет-алаңдарда сатып алған тауарларын өткізу мәселелерін реттейді.
Мәселен, түзетулерде мұндай тауарларды оны реттеу ерекшеліктерін айқындай отырып, жеке санатқа бөлу, электрондық сауда операторы институтын енгізу, кедендік декларациялау кезінде декларацияның жаңа түрін пайдалану және кедендік («бондтық») қоймаларды пайдалана отырып, жеке тұлғалардың тауарлар өткізу мүмкіндігі көзделеді. Бұдан басқа, құжат кедендік төлемдерді қолдану ерекшеліктерін қамтиды.
Қазанның ортасына қарай келісу нәтижелері алынады деп күтілуде, бұдан кейін сарапшылар жобаны келесі кезеңге — оған қол қою үшін қажетті мемлекетішілік рәсімдерге дайындай бастайды.
