Навіны
ЕАЭС і Куба абмеркавалі пытанні бяспекі спажыўцоў
31 ліпеня ў Еўразійскай эканамічнай камісіі пад старшынствам дырэктара Дэпартамента санітарных, фітасанітарных і ветэрынарных мер ЕЭК Наталлі Жукавай праведзены семінар, прысвечаны ўзаемадзеянню па абароне правоў спажыўцоў паміж Еўразійскім эканамічным саюзам і Рэспублікай Куба.
Падкрэсліўшы значнасць тэмы для краін ЕАЭС, Наталля Жукава адзначыла, што развіццё міжнароднага дыялогу ў гэтай галіне ўмацоўвае асновы еўразійскай інтэграцыі і спрыяе ўзаемавыгаднаму супрацоўніцтву.
На семінары абмеркаваны інструменты абароны правоў і інтарэсаў спажыўцоў, разгледжаны праблемы, актуальныя для грамадзян дзяржаў Саюза і Кубы.
Камісія прадставіла вынікі сумеснай працы краін ЕАЭС па абароне спажыўцоў. Кубінская дэлегацыя праінфармавала аб механізмах рэгулявання нацыянальнага спажывецкага рынку.
Асаблівая ўвага была нададзена забеспячэнню бяспекі тавараў і паслуг, што з'яўляецца залогам эфектыўнага гандлёва-эканамічнага супрацоўніцтва паміж краінамі ЕАЭС і Кубай.
Намечаны планы далейшага ўзаемадзеяння, вызначаны новыя тэмы для абмеркавання, уключаючы пытанні абароны спажыўцоў у турызме, медыцыне, адукацыі.
Па словах Наталлі Жукавай, семінар адкрыў новыя магчымасці для развіцця дыялогу ў галіне абароны правоў і інтарэсаў спажыўцоў і наладжвання эканамічных сувязяў.Семінар арганізаваны ў адпаведнасці з планам сумесных мерапрыемстваў, прынятым у мэтах развіцця Мемарандума аб узаемаразуменні паміж Еўразійскай эканамічнай камісіяй і Ўрадам Рэспублікі Куба
