Навіны

Пра гэта заявілі ўдзельнікі Еўразійскага дзелавога форуму «Інтэграцыя», які адбыўся 7 кастрычніка ў «Прэзідэнт-Гатэлі» ў Маскве. Пленарнае пасяджэнне форуму прайшло ў фармаце адкрытага бізнес-дыялогу з акцэнтам на пошук прарыўных праектаў і бізнес-ідэй у існуючых эканамічных умовах.

Як падкрэсліў міністр па інтэграцыі і макраэканоміцы Еўразійскай эканамічнай камісіі, мадэратар дыскусіі Сяргей Глазьеў, Еўразійскі эканамічны саюз паспяхова прайшоў праз пандэмічныя выпрабаванні і сёння паспяхова развіваецца, нягледзячы на санкцыі ў дачыненні да Беларусі і Расіі. Ён дадаў, што зацверджаная ў 2020 годзе кіраўнікамі дзяржаў ЕАЭС Стратэгія-2025 рэалізуецца строга па плане.

«Наша інтэграцыйнае аб'яднанне зарэкамендавала сябе як эфектыўнае, якое спалучае канкурэнтныя перавагі краін-удзельніц. Не страчваючы тэмпаў, мы паспяхова развіваем узаемны гандаль. Расце і гандаль з краінамі па-за межамі ЕАЭС – у мінулым годзе экспарт вырас амаль у паўтара разы, у гэтым годзе таксама чакаем рост. Нягледзячы на санкцыі, знешні гандаль сёлета асеў не так моцна, мы хутка нарошчваем гандаль з паўднёвымі і ўсходнімі суседзямі, асабліва з Кітаем і Індыяй», – сказаў Сяргей Глазьеў.

Па словах старшыні Калегіі ЕЭК Міхаіла Мясніковіча, эканоміка краін ЕАЭС працуе ў беспрэцэдэнтна складаных умовах у сувязі з санкцыямі і іншымі недружалюбнымі дзеяннямі ў дачыненні да дзяржаў і прадпрыемстваў Саюза. У гэтай сітуацыі трэба знаходзіць новыя варыянты развіцця эканомік. І, перш за ўсё, звярнуць увагу на інвестыцыйную дзейнасць.

«Крэдытныя рэсурсы дарагія і іх мала. Асноўныя фонды старэюць, новых мала. Калі не змяніць сітуацыю, заўтра будзе яшчэ горш, – заявіў кіраўнік Калегіі ЕЭК. – Камісія падрыхтавала канкрэтныя прапановы па мерах падтрымкі і фінансавання кааперацыйных праектаў у ЕАЭС. Мяркуем, што трэба сур'ёзнае субсідзіраванне працэнтных ставак па крэдытах. Мы прапануем інтэграцыйнымі праектамі лічыць 3+, гэта значыць, прадстаўнікі трох дзяржаў як мінімум павінны ўдзельнічаць у гэтых праектах. Можна накіраваць на гэтыя мэты каля 10% ад спецыяльных, антыдэмпінгавых і кампенсацыйных пошлін, якія спаганяюцца. У мінулым годзе гэта сума склала каля 200 млн долараў ЗША. Трэба вызначыць прыярытэтныя галіны і віды дзейнасці і ў першую чаргу звярнуць увагу на мікраэлектроніку, фармацэўтычную прамысловасць, авіябудаванне».

Другім фактарам паскарэння эканамічнага росту, на думку Міхаіла Мясніковіча, з'яўляецца стымуляванне навукова-тэхналагічнага развіцця.

«Каб эфектыўна гандляваць, трэба мець канкурэнтаздольныя тавары, у аснове якіх – новыя тэхналогіі, а іх стварэнне патрабуе фундаментальных ведаў», – заявіў ён.

Трэцім ключавым напрамкам Міхаіл Мясніковіч назваў фарміраванне Вялікага Еўразійскага партнёрства і аб'яднанне намаганняў з Шанхайскай арганізацыяй супрацоўніцтва па развіцці транспартна-лагістычнай сферы.

Прэзідэнт Расійскага саюза прамыслоўцаў і прадпрымальнікаў Аляксандр Шохін у сваю чаргу заявіў аб інтэнсіфікацыі ўзаемадзеяння бізнес-супольнасці з ЕЭК, асабліва ў працы над стварэннем еўразійскіх кампаній.

«Прапрацоўка прававога статусу еўразійскіх карпарацый у фармаце 3+ дазволіць сфарміраваць новы клас юрыдычных асоб, якія змогуць рэалізоўваць складаныя, але перспектыўныя высокатэхналагічныя праекты, напрыклад, у галіне мікраэлектронікі», – падкрэсліў Аляксандр Шохін.

Ён таксама выказаў меркаванне, што трэба максімальна хутка аблічбаваць плацежна-разліковыя адносіны і пілатаваць новыя плацежныя інструменты.

Намеснік кіраўніка Федэральнай мытнай службы Расійскай Федэрацыі Уладзімір Івін у сваю чаргу вылучыў тры ключавыя мытныя напрамкі: актывізацыя працы па ўнясенні паправак у Мытны кодэкс ЕАЭС, развіццё транзітнага патэнцыялу ЕАЭС і выпрацоўка адзіных мер рэгулявання экспарту.

Міністр па энергетыцы і інфраструктуры ЕЭК Арзыбек Кожашаў заявіў, што фундаментальнай асновай росквіту і дабрабыту краін Саюза павінны стаць энергамагутнасці і транспартныя калідоры.

«Важна сфакусіравацца на камбінаваных транзітных транспартных калідорах «Усход – Захад», у напрамку Блізкага Ўсходу, Індыі, пашырыць узаемадзеянне ў рэгіёне Каспійскага мора, прапрацаваць пытанне выкарыстання інфраструктурнага патэнцыялу ў межах транспартнага калідора «Поўнач – Поўдзень» і Транскаспійскага маршруту», – лічыць міністр ЕЭК.

Міністр па пытаннях тэхнічнага рэгулявання ЕЭК Віктар Назаранка заявіў пра неабходнасць стварэння ў ЕАЭС Еўразійскай сістэмы забеспячэння якасці прадукцыі. Па яго словах, Камісія прымае сур'ёзныя меры, каб абараніць рынак ад небяспечнай прадукцыі. Пры гэтым неабходна кансалідаваць намаганні ўсіх краін Саюза.

«Наша прадукцыя павінна быць не толькі бяспечнай, але і якаснай, канкурэнтаздольнай, каб яна магла пастаўляцца на рынкі трэціх краін», – сказаў Віктар Назаранка.

Прадстаўнікі бізнесу выказалі свае прапановы па працы ў існуючых эканамічных умовах.

Генеральны дырэктар АТ «Аб'яднанай транспартна-лагістычнай кампаніі – Еўразійскі Чыгуначны альянс» Аляксей Гром распавёў пра развіццё гэтага ўнікальнага інтэграцыйнага праекта Беларусі, Казахстана і Расіі. У цяперашні час кампанія мае больш за 550 маршрутаў, транзітны час паміж межамі ЕАЭС з ЕС і КНР складае шэсць сутак, пры гэтым паказчык захаванасці грузаў дасягае 99,99%. Ён дадаў, што праца Камісіі, у прыватнасці па ўкараненні навігацыйных пломбаў, значна спрыяе развіццю Еўразійскай транспартнай інфраструктуры.

Генеральны дырэктар АТ «Аб'яднаная суднабудаўнічая карпарацыя» Аляксей Рахманаў звярнуў увагу на праблемы, якія ўзніклі з увядзеннем санкцый, і магчымасці, якія ў сувязі з гэтым адкрываюцца. 

«Унутраныя водныя шляхі адкрываюць для нас велізарныя магчымасці. Мы пачалі праектаванне кантэйнеравозаў, якія дазволяць нам з поўдня Каспію да Санкт-Пецярбурга дастаўляць грузы за восем дзён», – адзначыў Аляксей Рахманаў.

На пленарным пасяджэнні выступілі з відэазваротамі Старшыня Савета ЕЭК, першы намеснік Старшыні Кабінета Міністраў Кыргызскай Рэспублікі Адылбек Касымаліеў, член Савета ЕЭК, намеснік Прэм'ер-міністра Рэспублікі Беларусь Ігар Петрышэнка, а таксама дырэктар ТАА «ЛВО» (Рэспубліка Беларусь) Алег Кандраценка, кіраўнік Расстандарта Антон Шалаеў і іншыя.

Арганізатарамі форуму выступілі Навуковы савет Расійскай акадэміі навук па комплексных праблемах Еўразійскай эканамічнай інтэграцыі, мадэрнізацыі, канкурэнтаздольнасці і ўстойліваму развіццю, АНА па садзейнічанні эканамічнай актыўнасці прадпрымальнікаў «Карпарацыя Альфа».