Навіны

Калегія Еўразійскай эканамічнай камісіі зацвердзіла спіс стандартаў на метады да тэхнічнага рэгламенту Мытнага саюза «Аб бяспецы збожжа» (ТР МС 015/2011) у актуалізаванай рэдакцыі.

У спіс стандартаў уключаны 165 дакументаў, сярод якіх 89 новых або абноўленых. У іх ліку 96 міждзяржаўных стандартаў, уключаючы 28 міждзяржаўных стандартаў на аснове міжнародных стандартаў ISO (ІСО) і рэгіянальных стандартаў EN і CEN, 9 дзяржаўных стандартаў Рэспублікі Беларусь, 15 нацыянальных стандартаў Рэспублікі Казахстан, 16 нацыянальных стандартаў Расійскай Федэрацыі і 29 методык даследаванняў (выпрабаванняў) і вымярэнняў (да распрацоўкі адпаведных міждзяржаўных стандартаў і ўнясення іх у адзначаны спіс).

Для своечасовай акрэдытацыі выпрабавальных лабараторый з улікам стандартаў і методык, упершыню ўключаных у спіс стандартаў, вызначана, што абноўлены спіс стандартаў уступае ў сілу па заканчэнні 180 каляндарных дзён ад даты яго афіцыйнага апублікавання.