Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Тимур Жақсылықовтың төрағалық етуімен Реттеуші әсерді бағалау (РӘБ) жөніндегі жұмыс тобы мәселелердің кең тізбесін қарады. Олардың арасында – ЕЭК-тің кедендік құнды, тарифтік емес реттеу мен кедендік әкімшілік жүргізуді айқындау, дәрілік заттардың айналысы және өлшем бірліктерін қамтамасыз ету мәселелері жөніндегі, сондай-ақ ветеринариялық шаралар бойынша шешімдерінің жобалары бар.

Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Тимур Жақсылықовтың төрағалық етуімен Реттеуші әсерді бағалау (РӘБ) жөніндегі жұмыс тобы мәселелердің кең тізбесін қарады. Олардың арасында – ЕЭК-тің кедендік құнды, тарифтік емес реттеу мен кедендік әкімшілік жүргізуді айқындау, дәрілік заттардың айналысы және өлшем бірліктерін қамтамасыз ету мәселелері жөніндегі, сондай-ақ ветеринариялық шаралар бойынша шешімдерінің жобалары бар.

«Талқыланатын құжаттардың көпшілігі Одақ шеңберінде ұлтүсті реттеуді қолдану практикасын ескере отырып бизнес жүргізу жағдайларын жақсартуға бағытталған», — деп атап өтті ЕЭК министрі Тимур Жақсылықов.

Атап айтқанда, ЕЭК Алқасының жалға алу немесе лизинг шарты бойынша Одақтың кедендік аумағына әкелінетін тауарлардың кедендік құнын, сондай-ақ бағдарламалық қамтылымды қамтитын ақпарат жеткізгіштерді айқындау кезіндегі тәсілдемелердің бірлігін қамтамасыз етуге мүмкіндік беретін шешімдерінің жобасы қаралды.

Жұмыс тобы ЕЭК Алқасының Одақтың кедендік аумағына магнитті-резонансты томографтарды (МРТ) әкелуді оңайлататын шешімінің жобасын қолдады, бұл жаңа коронавирус инфекциясының пандемиясы жағдайында айрықша өзекті.

Талқылау қорытындысы бойынша жұмыс тобының мүшелері өлшем құралдарын калибрлеуді ұйымдастыру тәртібі жобасының жекелеген ережелерін кейіннен оларды түсіндіру және қолдану кезіндегі құқықтық айқындылығын қамтамасыз ету мақсатында нақтылауды ұсынды. Құжат ЕАЭО-ның барлық еліндегі калибрлеу жұмыстарының нәтижелерін өзара тануды қамтамасыз етуге бағытталған.

ЕЭК Кеңесінің дәрілік препараттарды тіркеу кезінде ұлттық талаптар бойынша берілген тиісті өндірістік практика (GMP) қағидаларына сәйкес құжаттар беру мүмкіндігі сақталатын өтпелі кезеңді төрт жылға (2024 жылғы 31 желтоқсанға дейін) ұзарту туралы шешімінің жобасы да қолдау тапты.

ЕЭК Алқасы шешімінің кедендік декларацияда көрсетуге жататын тауарларды таңбалау туралы мәліметтерді оңтайландыру туралы шешімінің жобасы қаралды.

Одақтың кедендік шекарасында және аумағында ветеринариялық бақылауды жүзеге асырудың бірыңғай тәртібі туралы ережеге өзгерістерді талқылау нәтижелері бойынша ветеринариялық бақылауды жүзеге асыру кезінде тәуекелдік-бағдарлау тәсілдемесін ендіру Одақ құқығында біріздендірілген қағидаттар мен критерийлер белгілеу арқылы жүзеге асырылуға тиіс екендігі атап өтілді.​