Աշխատանքային միգրացիա
«Եվրասիական տնտեսական միության անդամ պետության աշխատավոր»` անդամ պետության քաղաքացի հանդիսացող անձ, որն օրինական հիմքով գտնվում և օրինական հիմքով
աշխատանքային գործունեություն է իրականացնում Եվրասիական տնտեսական միության անդամ պետության տարածքում, որի քաղաքացին չէ և այդ
պետությունում մշտական բնակություն չի հաստատել:
2. Եվրասիական տնտեսական միության անդամ պետությունների սահմանը հատելիս պահանջվո՞ւմ է արդյոք անդամ պետությունների քաղաքացիների կողմից միգրացիոն քարտի լրացում:
Այո, սակայն արտասահմանյան անձնագրով մուտք գործելու դեպքում և պայմանով, որ նրանց գտնվելու ժամկետը չի գերազանցում 30 օրը, քաղաքացիներն ազատվում է միգրացիոն քարտ լրացնելու պարտավորությունից:
3. Ո՞ր դեպքում է անհրաժեշտ գրանցվել (միգրացոն հաշվառման կանգնել) Եվրասիական տնտեսական միության անդամ պետությունների միգրացիոն մարմիններում:
Եթե անդամ պետության քաղաքացիները մյուս անդամ պետության տարածքում գտնվում են մուտք գործելու ամսաթվից հաշվարկված 30 օրից ավելի
ժամկետով, ապա այդ քաղաքացիները պետք է գրանցվեն (հաշվառման կանգնեն) մուտքի պետության օրենսդրությանը համապատասխան, եթե մուտքի պետության օրենսդրությամբ այդպիսի պարտավորություն է սահմանվում:
4. Ռուսաստանի Դաշնությունում ժամանակավոր գտնվելու ժամկետը երկարաձգելիս աշխատավորներից արդյոք պահանջվո՞ւմ է իրականացնել մուտք-ելք:
Չի պահանջվում գործող աշխատանքային կամ քաղաքացիաիրավական պայմանագրի առկայության դեպքում: Աշխատանքի տեղավորման պետության տարածքում անդամ պետության աշխատավորի և ընտանիքի անդամների ժամանակավոր գտնվելու (բնակության) ժամկետը որոշվում է աշխատանքային կամ քաղաքացիաիրավական պայմանագրի գործողության ժամկետով, որն անդամ պետության աշխատավորը կնքել է գործատուի կամ աշխատանքների (ծառայությունների) պատվիրատուի հետ:
5. Եվրասիական տնտեսական մության անդամ պետությունների աշխատավորների համար արդյոք պահանջվո՞ւմ է ստանալ աշխատանքի թույլտվություն:
Անդամ պետության աշխատավոր քաղաքացիներից աշխատանքային պայմանագրի հիման վրա գործունեության կամ աշխատանքների կատարման (ծառայությունների մատուցման) գործունեության իրականացման թույլտվության ստացում չի պահանջվում:
Անդամ պետությունների աշխատավոր քաղաքացիների աշխատանքային գործունեությունն իրականացվում է աշխատանքային կամ քաղաքացիաիրավական պայմանագրի հիման վրա` առանց թույլատրողական փաստաթղթերի ստացման:
Ոչ միայն աշխատանքային, այլև քաղաքացիաիրավական պայմանագրով գործունեություն իրականացնելու հնարավորությունը զգալիորեն ընդլայնում է անդամ պետությունների քաղաքացիների հնարավոր աշխատանքի տեղավորման ոլորտը:
6. Եվրասիական տնտեսական միության անդամ պետությունների աշխատավորներից արդյոք պահանջվո՞ւմ է ստանալ արտոնագիր Ռուսաստանի Դաշնության տարածքում աշխատանքային գործունեություն իրականացնելու համար:
Ոչ:
7. Աշխատավորը ի՞նչ փաստաթղթեր կարող է ստանալ գործատուից:
Աշխատավորը (այդ թվում՝ նախկին) իրավունք ունի անհատույց հիմքով ստանալ տեղեկանք (տեղեկանքի հաստատված պատճենը)՝ մասնագիտության
(մասնագիտացման, որակավորման և պաշտոնի), աշխատանքի ժամանակահատվածի աշխատավարձի չափի մասին նշումով, աշխատանքի
տեղավորման պետության օրենսդրությամբ սահմանված ժամկետներում։
8. Աշխատավորներն ունե՞ն արդյոք վաստակած դրամական միջոցների անարգել փոխանցելու իրավունք:
Այո, ունեն:
