Еңбек көші-қоны
1. «Еуразиялық экономикалық одаққа мүше мемлекеттің еңбекшісі» деген ұғым нені білдіреді?
«Еуразиялық экономикалық одаққа мүше мемлекетің еңбекшісі» - Еуразиялық экономикалық одаққа өзі азаматы болып табылмайтын және сол жерде тұрақты тұрмайтын мүше мемлекет аумағында заңды түрде болатын және еңбек қызметін заңды түрде жүзеге асыратын Еуразиялық экономикалық одаққа мүше мемлекеттің азаматы.
2. Еуразиялық экономикалық одаққа мүше мемлекеттердің шекарасынан өткен кезде мүше мемлекеттер азаматтарының көші-қон карточкасын толтыруы талап етіле ме?
Иә, бірақ шетелдік паспортпен келген жағдайда және келу мерзімі 30 тәуліктен аспайтын кезде азаматтар көші-қон карточкасын толтыру міндетінен босатылады.
3. Еуразиялық экономикалық одаққа мүше мемлекеттің көші-қон органдарында қандай жағдайларда тіркелу (көші-қон есебіне тұру) қажет?
Мүше мемлекеттің азаматтары басқа мүше мемлекеттің аумағына келген күнінен бастап 30 тәуліктен астам мерзім болған жағдайда осы азаматтар егер келу мемлекетінің заңнамасымен осындай міндеттеме белгіленсе, келу мемлекетінің заңнамасына сәйкес тіркелуге (көші-қон есебіне тұруға) міндетті.
4. Еңбекшілердің Ресей Федерациясында уақытша болу мерзімін ұзартқан кезде келу-кетуді жүзеге асыру талап етіле ме?
Қолданыстағы еңбек немесе азаматтық-құқықтық шарт болған кезде талап етілмейді. Мүше мемлекеттің еңбекшісі мен оның отбасы мүшелерінің орналасу мемлекетінің аумағында уақытша болуы (тұруы) мерзімі мүше мемлекет еңбекшісінің жұмыс берушілермен немесе жұмыстарға (қызметтер көрсетуге) тапсырыс берушілермен жасасқан еңбек немесе азаматтық-құқықтық шарттың қолданыста болу мерзімімен айқындалады.
5. Еуразиялық экономикалық одаққа мүше мемлекеттердің еңбекшілері үшін жұмыс істеуге рұқсат алу талап етіле ме?
Мүше мемлекеттердің еңбекші азаматтарына еңбек шарты негізінде қызметті немесе жұмыстарды (қызметтер көрсетуді) орындау бойынша қызметті жүзеге асыруға рұқсат алу талап етілмейді.
Мүше мемлекеттер еңбекші азаматтарының еңбек қызметі рұқсат беру құжаттарын алмастан еңбек немесе азаматтық-құқықтық шарт негізінде жүзеге асырылады.
Еңбек шарты бойынша ғана емес, азаматтық-құқықтық шарт бойынша да қызметін жүзеге асыру мүмкіндігі мүше мемлекеттер азаматтарының ықтимал жұмысқа орналасу саласын едәуір кеңейтеді.
6. Еуразиялық экономикалық одаққа мүше мемлекеттер еңбекшілерінің Ресей Федерациясы аумағында еңбек қызметін жүзеге асыру үшін патент алуы талап етіле ме?
Жоқ.
7. Еңбекшілер жұмыс берушілерден қандай құжаттар ала алады?
Еңбекші (соның ішінде, бұрынғы) жұмысқа оналасун мемлекетінің заңнамасымен белгіленген мерзімдерде кәсібін (мамандығын, біліктілігін, қызметін), жұмыс істеген кезеңі мен жалақы мөлшерін көрсете отырып, өтемсіз негізде анықтама (анықтаманың расталған көшірмесін) алуға құқылы.
8. Еңбекшінің тапқан ақшалай қаражатын кедергісіз аударуға құқығы бар ма?
Иә, бар.
