Նորություններ

Դեկտեմբերի 15–ին Մոսկվայում ԵՏՀ տնտեսական և ֆինանսական քաղաքականության Կոլեգիայի Անդամ  (Նախարար) Տիմուր Սուլեյմանովի նախագահությամբ կայացավ Եվրասիական տնտեսական հանձնաժողովի Կոլեգիային առընթեր մտավոր սեփականության օբյեկտների նկատմամբ բացառիկ իրավունքների  սկզբունքի հետագա կիրառման  վերաբերյալ առաջարկությունների մշակման աշխատանքային խմբի առաջին նիստը: Դեկտեմբերի 15–ին Մոսկվայում ԵՏՀ տնտեսական և ֆինանսական քաղաքականության Կոլեգիայի Անդամ  (Նախարար) Տիմուր Սուլեյմանովի նախագահությամբ կայացավ Եվրասիական տնտեսական հանձնաժողովի Կոլեգիային առընթեր մտավոր սեփականության օբյեկտների նկատմամբ բացառիկ իրավունքների  սկզբունքի հետագա կիրառման  վերաբերյալ առաջարկությունների մշակման աշխատանքային խմբի առաջին նիստը: Նիստին մասնակցում էին Եվրասիական տնտեսական հանձնաժողովի, Մաքսային միության (ՄՄ) և Միասնական տնտեսական տարածքի (ՄՏՏ) անդամ երկրների պետական մարմինների և բիզնես համայնքների լիազոր ներկայացուցիչներ: Տիմուր Սուլեյմանովը խոսեց մտավոր սեփականության օբյեկտների նկատմամբ բացառիկ իրավունքների  սկզբունքի կիրառման ընտրության ոչ պարզ հարցերի և Հանձնաժողովի Խորհրդի կողմից Աշխատանքային խմբի առջև դրած խնդիրների մասին: «Աշխատանքային խմբի առջև պատասխանատու հարց է դրված՝ գտնել հարցի ամենանպատակահարմար լուծումը, հնարավոր է, ընտրել ապրանքային նշանի նկատմամբ բացառիկ իրավունքների  կիրառման փոխզիջողական  տարբերակի մշակում, փորձելով առավել դրական սոցիալական և տնտեսական արդյունք ստանալ Միության բոլոր անդամ պետությունների համար»,- նշեց Նախարարը: Աշխատանքային խմբի մասնակիցները տեսակետներ հայտնեցին ապրանքային նշանի նկատմամբ բացառիկ իրավունքի սկզբունքի, ինչպես տարածաշրջանային պաշտպանության, այնպես էլ տարբերակված կիրառման հնարավորության,մտավոր սեփականության  հարցերի  կարգավորման մաքսային և հակամենաշնորհային գործիքների կատարելագործման  մասին: Եվրասիական տնտեսական միության (ԵՏՄ) անդամ պետությունների սոցիալ–տնտեսական ցուցանիշերի վրա բացառիկ իրավունքի սկզբունքի ազդեցության  ընտրության հարցի քննարկման ժամանակ ակտիվ բանավեճ սկսվեց: Քննարկվեցին բացառիկ իրավունքի կիրառման իրավական ասպեկտները անդամ պետությունների գործող միջազգային պարտավորությունների պայմաններում: Նիստի արդյունքում Աշխատանքային խմբի կողմից որոշում ընդունվեց ԵՏՄ անդամ պետությունների տնտեսությունների վրա բացառիկ իրավունքի ընտրության հնարավոր հետևանքների խորը ուսումնասիրությունների անցկացման մասին: Ուսումնասիրությունների շրջանակներում Աշխատանքային խմբին հանձնարարվել է ԵՏՀ–ին ներկայացնել  որակի վերահսկողության և տեխնիկական կարգավորման, անբարեխիղճ մրցակցության և ապրանքների արտահանման ժամանակ սպառողների իրավունքների պաշտպանության բնագավառներում անդամ պետությունների օրենսդրական և իրավակիրառական պրակտիկայի, ինչպես նաև զգայուն ապրանքների շուկայում իրավավատերերի գնային քաղաքականության  վրա ներազդելու ինտեգրացիոն միավորումների և արտասահմանյան երկրների փորձի վերլուծությունը: Աշխատանքային խմբի մասնակիցները եկան նաև այն եզրահանգման, որ անհրաժեշտ է իրականացնել օրենսդրության համակարգային կատարելագործում, մի կողմից, վտանգավոր և անորակ ապրանքների տարածմանը խոչընդոտելու, մյուս կողմից, մտավոր սեփականության իրավունքի տերերի անբարեխիղճ մրցակցությության վարումն  ու չարաշահումները կանխելու համար : Տեղեկանք Համապատասխան ԵՏՀ  Խորհրդի 2014 թվականի հունիսի 26–ի № 45 Որոշման, ԵՏՀ-ի Կոլեգիային առընթեր ստեղծվել է  մտավոր սեփականության օբյեկտների նկատմամբ բացառիկ իրավունքների  սկզբունքի հետագա կիրառման  վերաբերյալ առաջարկությունների մշակման Աշխատանքային խումբ. Աշխատանքային խմբի կազմը հաստատվել է ԵՏՀ Խորհրդի 2014 թվականի  սեպտեմբերի 18–ի № 108 Որոշմամբ:​