Նորություններ

Ապրիլի 17-ին Եվրասիական տնտեսական հանձնաժողովում տեղի է ունեցել ԵՏՀ փորձագետների և Ռուսաստանի երիտասարդ ձեռնարկատերերի հանդիպումը։ Հանդիպումը տեղի կունենա հունիսի 7-ից 9-ը Սոչիում (Ռուսաստանի Դաշնություն) ԱՊՀ և ԵԱՏՄ 2-րդ երիտասարդական համաժողովի շրջանակներում։

Ակնկալվում է, որ դրան կմասնակցեն ԱՊՀ և ԵԱՏՄ երկրների ձեռնարկատերեր, երիտասարդ պետական ծառայողներ, ուսանողներ և նախաձեռնող երիտասարդության ներկայացուցիչներ։ Համաժողովի առանցքային առաքելությունն է երիտասարդական ձեռնարկատիրության զարգացման կոնկրետ լուծումների ձևավորումը, երիտասարդների կողմից ԵԱՏՄ հետագա զարգացման առաջարկների մշակումը։

ԱՊՀ և ԵԱՏՄ 2-րդ երիտասարդական համաժողովի կազմակերպիչը Ռոսմոլոդյոժն է՝ Եվրասիական տնտեսական հանձնաժողովի և ԱՊՀ Գործկոմի աջակցությամբ։

Գրանցման պաշտոնական մեկնարկի ընթացքում տեղի ունեցած միջոցառումների թվում էր Մոսկվայում՝ Հանձնաժողովի կենտրոնական գրասենյակում Ռուսաստանի երիտասարդ ձեռնարկատերերի հանդիպումը կազմակերպության ներկայացուցիչների հետ: ԵՏՀ երիտասարդական խորհրդի նախագահ, Հանձնաժողովի արարողակարգի կազմակերպական ապահովման վարչության տնօրեն Դանիյար Տուրուսբեկովը հիշեցրել է, որ Եվրասիական տնտեսական միությունը հինգ երկրի՝ Հայաստանի, Բելառուսի, Ղազախստանի, Ղրղզստանի և Ռուսաստանի կայացած ինտեգրացիոն միավորում է։

«Մեր Միությունը դարձել է դինամիկ զարգացող համայնք, որը հիմնված է բացառապես տնտեսության վրա։ Մենք իրականացնում ենք չորս ազատություն՝ կապիտալի, ծառայությունների, աշխատուժի և ապրանքների տեղաշարժի ազատությունը, - նշել է Դանիյար Տուրուսբեկովը։ - Երիտասարդական ձեռնարկատիրությունը մեզ համար նոր թեմա է, և մենք դեռ պետք է ստեղծենք երիտասարդ ձեռնարկատերերի հետ Հանձնաժողովի համակարգային փոխգործակցության մեխանիզմներ։ Այս հարցում կօգնի առաջիկայում Սոչիում անցկացվելիք ԱՊՀ և ԵԱՏՄ 2-րդ երիտասարդական համաժողովը»։ Նա նաև հիշեցրել է, որ ԵՏՀ Կոլեգիայի նախագահ Միխայիլ Մյասնիկովիչը բազմիցս նշել է երիտասարդության կարևոր դերը եվրասիական ինտեգրման զարգացման գործում և վստահություն հայտնել երիտասարդական համաժողովների կարևորության վերաբերյալ։

Ռոսմոլոդյոժի ղեկավարի խորհրդական Օլեգ Մակարովը հայտնել է, որ 2022 թվականից գերատեսչությունը իրականացնում է Երիտասարդական ձեռնարկատիրության զարգացման համառուսաստանյան ծրագիրը։ «Սա միջոցառումների համալիր է՝ երիտասարդներին ձեռնարկատիրական գործունեության մեջ ներգրավելու, երիտասարդ ձեռնարկատերերի կայուն համայնք ստեղծելու և զարգացնելու համար: 2022 թվականի արդյունքներով իրականացվել է ծրագրի 36 միջոցառում, որոնց մասնակից են դարձել Ռուսաստանի երիտասարդության ավելի քան 77000 ներկայացուցիչ»,- նշել է նա։ Օլեգ Մակարովն ընդգծել է, որ 2023 թվականին իրականացվում է արտահանման զարգացման հետ կապված լրացուցիչ ուղղություն՝ ԱՊՀ երկրներում միջազգային ձեռնարկատիրության ծրագիր։

Հանդիպման ընթացքում ազդարարվել է ձեռնարկատիրության և արտաքին տնտեսական գործունեության զարգացման գաղափարների հավաքագրման մեկնարկը։ Լավագույն գաղափարները կներկայացվեն Համաժողովում: