Նորություններ

Փաստաթուղթը մշակվել է Եվրասիական տնտեսական հանձնաժողովի կողմից Եվրասիական տնտեսական միության երկրների կարգավորողների միջև միասնական շուկայի ռեժիմում օդերևութաբանական ծառայությունների գործունեության ոլորտում տեղեկատվության արդյունավետ փոխանակում ապահովելու համար:

 Համաձայնագրի նախագծով սահմանվում է այն տեղեկատվության ցանկը, որի անվճար հասանելիությունն է ապահովվում ԵԱՏՄ երկրների պաշտոնական կայքերում։ Այս Ցանկը ներառում է տեղեկություններ անդամ պետությունների գործող նորմատիվ իրավական ակտերի մասին, որոնք անդրադառնում են եղանակի կանխատեսման և օդերևութաբանության ոլորտի գործունեությանը, ինչպես նաև օդերևութաբանական ծառայությունների միասնական շուկայի մասնակիցների մասին: Բացի այդ, փաստաթուղթը սահմանում է օդերևութաբանական ծառայությունների միասնական շուկայում մասնակիցներին տրված համապատասխան թույլտվությունների գործողության դադարեցման, կասեցման, չեղարկման մասին կողմերի միջև փոխանակման տեղեկատվության ցանկը:

Համաձայնագիրը կարգավորողներին թույլ կտա օպերատիվորեն փոխանակել տվյալները միմյանց միջև և կանխել իրավախախտումները։ Նրանք կկարողանան պահանջել և ստանալ անհրաժեշտ տեղեկատվություն այլ երկրների իրավասու մարմիններից, այդ թվում՝ տրված թույլտվությունների, օդերևութաբանական ծառայությունների շուկայի մասնակիցների և այլնի վերաբերյալ։

Այս մեխանիզմները կխթանեն ԵԱՏՄ երկրներում օդերևութաբանական ծառայությունների շուկայի զարգացումը։

Համաձայնագիրն ուղարկվել է Միության երկրներ դրա ստորագրման համար անհրաժեշտ ներքին ընթացակարգերի համար։