Նորություններ

Դեկտեմբերի 4-ին Եվրասիական տնտեսական հանձնաժողովում ստորագրել են ԵՏՀ և Առողջապահության համաշխարհային կազմակերպության (ԱՀԿ) Եվրոպայի տարածաշրջանային գրասենյակի միջև փոխըմբռնման հուշագրի իրականացման մինչև 2025 թվականի ավարտը միջոցառումների պլանը։

Հանձնաժողովի կողմից Պլանը ստորագրել է տեխնիկական կարգավորման նախարար Վիկտոր Նազարենկոն, իսկ ԱՀԿ կողմից՝ Եվրոպայի տարածաշրջանային գրասենյակի տնօրեն Հանս Կլյուգեն։

«Հուշագրի իրականացման շուրջ ԵՏՀ և ԱՀԿ միջև համագործակցությունը դուրս է գալիս համակարգային պլանային մակարդակ՝ մինչև 2025 թվականը համատեղ գործողությունների կուտակումով, – նշել է ԵՏՀ նախարար Վիկտոր Նազարենկոն։ – ԱՀԿ աշխատանքը ցույց է տվել իր արդյունավետությունը COVID-19 համավարակի դեմ պայքարում։ Տարածաշրջանային մակարդակով սերտ փոխգործակցությունը մեզ թույլ կտա կիրառել ԱՀԿ միջազգային փորձը ԵԱՏՄ-ում հանրային առողջապահության ոլորտի նոր կենսաբանական սպառնալիքներին արձագանքման համալիր, գիտականորեն հիմնավորված մոտեցմանը հասնելու համար, հաշվի առնել և, անհրաժեշտության դեպքում, ներդաշնակեցնել արտադրանքի անվտանգությանը ներկայացվող միջազգային պահանջները, ապահովել ԵԱՏՄ-ում դեղերի և բժշկական արտադրատեսակների հասանելիությունը»։

Պլանը նախատեսում է 21 միջոցառում Հուշագրով սահմանված համագործակցության բոլոր ոլորտներում:

Դեղամիջոցների և բժշկական արտադրատեսակների շրջանառության ոլորտում, Պլանին համապատասխան, կձևավորվի համագործակցության պրոֆիլային աշխատանքային խումբ, նախատեսվում է դեղերի և բժշկական արտադրատեսակների շրջանառության կարգավորման ոլորտի նորմատիվ փաստաթղթերի նախագծերի փոխանակում, մի շարք համատեղ խորհրդակցությունների անցկացում, ԵՏՀ ներկայացուցիչների մասնակցություն պատշաճ դեղագրքային պրակտիկայի կանոնների պատրաստման վերաբերյալ ԱՀԿ նախագծի մշակմանը:

Մարդու կյանքի և առողջության համար շուկայում շրջանառվող սննդամթերքի անվտանգության ապահովման ոլորտում նախատեսվում են մի շարք համատեղ խորհրդակցություններ՝ մարդու կյանքի և առողջության համար վտանգավոր սննդամթերքի շրջանառության կարգավորման կամ կանխման, սննդամթերքում և խմելու ջրի մեջ քիմիական նյութերի, միկրոօրգանիզմների պարունակության նորմավորման հարցերի շուրջ: Բացի այդ, այս ոլորտում նախատեսվում է մարդու կյանքի և առողջության համար սննդամթերքի անվտանգության ապահովման ոլորտում թվային ռեսուրսների մասին տեղեկատվության փոխադարձ փոխանակում։

Նախատեսված են մի շարք միջոցառումներ վարակիչ հիվանդությունների, ինչպես նաև զանգվածային ոչ վարակիչ հիվանդությունների կանխարգելման և առաջացման ոլորտում։ Դրանց թվում են գիտական հետազոտությունների և ԱՀԿ նորարարական մշակումների ներդրման ոլորտի գիտամեթոդական տեղեկատվության փոխանակումը, համավարակի պայմաններում անվտանգ ուղևորափոխադրումների ապահովման վերաբերյալ համատեղ խորհրդակցությունների անցկացումը։

Նախատեսված են նաև առողջապահության ոլորտի արտակարգ իրավիճակներին արձագանքմանը տարածաշրջանի երկրների պատրաստության բարձրացման, հակամանրէային պատրաստուկների հանդեպ դիմադրության առաջացման կանխարգելման, առողջության պահպանման ոլորտի տեղեկատվական համակարգերի զարգացման և բարձր տեխնոլոգիական բժշկական օգնության ցուցաբերման համատեղ գործողություններ: