Նորություններ

Եվրասիական տնտեսական միության միջազգային գործունեության հիմնական ուղղությունների և ԵԱՏՄ ու ԲՐԻԿՍ միջև համագործակցության ամրապնդման ուղղությամբ Միության անդամ պետությունների ղեկավարների նախաձեռնությունների իրականացման շրջանակներում Եվրասիական տնտեսական հանձնաժողովը երկխոսություն է սկսում Զարգացման նոր բանկի հետ:

Հունվարի 26-ին Մոսկվայում կայացել է ԵՏՀ Կոլեգիայի նախագահի խորհրդական Վլադիմիր Կովալյովի և ԶՆԲ Եվրասիական տարածաշրջանային կենտրոնի գլխավոր տնօրեն Անդրեյ Բոկարևի հանդիպումը։

Անդրադարձ է կատարվել ԵԱՏՄ և ԲՐԻԿՍ փոխգործակցության հեռանկարային օրակարգի հարցերի լայն շրջանակին։ Մասնավորապես, քննարկվել են երկու միավորումներում նախագծային ֆինանսավորման մոտեցումները։

«Համաշխարհային տնտեսության վերափոխման համատեքստում ԲՐԻԿՍ երկրների հետ համագործակցությունը առանձնահատուկ հետաքրքրություն է ներկայացնում Եվրասիական տնտեսական միության համար։ Մենք հեռանկար ենք տեսնում Զարգացման նոր բանկի հետ երկխոսության մեջ ինչպես զարգացող տնտեսություններ ունեցող երկրներում ենթակառուցվածքային, լոգիստիկ և էներգետիկ նախագծերի իրականացման լավագույն փորձի փոխանակման, այնպես էլ ԵԱՏՄ-ում և ԲՐԻԿՍ-ում կայուն տնտեսական զարգացման ավելի գլոբալ հարցերի վերաբերյալ», — նշել է Վլադիմիր Կովալյովը։

ԵՏՀ Կոլեգիայի նախագահի խորհրդականի խոսքով, կարևոր է նաև վճարահաշվարկային ոլորտում ԵԱՏՄ և ԲՐԻԿՍ փոխգործակցության գործիքների մշակումը։

Վլադիմիր Կովալևը և Անդրեյ Բոկարևը քննարկել են ԵՏՀ և Զարգացման նոր բանկի միջև համատեղ միջոցառումների անցկացման հնարավորությունը։ Մասնավորապես, նախատեսվում է հրավիրել ԶՆԲ ղեկավարությանը մասնակցելու Եվրասիական տնտեսական համաժողովին, որը տեղի կունենա 2023 թվականի մայիսի 24-ից 25-ը։ Բացի այդ, 2023 թվականին Զարգացման նոր բանկի հարթակում կարող է կազմակերպվել Եվրասիական տնտեսական միության շնորհանդեսը։