арм

Նորություններ

ԵՏՀ ԶԼՄ-ներում Ֆոտոսրահ Տեսադարան
08 սեպտեմբերի 2025 Մաքսիմ Երմոլովիչ. «ԵՏՀ-ն գործնական երկխոսություն է հաստատել ՉԺՀ շուկայի կարգավորման պետական վարչության հետ» ՍԵպտեմբերի 8-ին Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչը ելույթ է ունեցել Չինաստանի Ժողովրդական Հանրապետության արդար մրցակցության քաղաքականության հարցերով միջազգային համաժողովի «Միասնական ազգային շուկա, բարեխիղճ մրցակցություն՝ հանուն ապագայի. Ավելի արդար և դինամիկ շուկայական միջավայրի ստեղծում» խորագրով լիագումար նստաշրջանին: ԵՏՀ նախարարը տեղեկացրել է ժամանակակից մարտահրավերներին մրցակցային քաղաքականության հարմարեցման ուղղությամբ Հանձնաժողովի գործունեության մասին և նշել մրցակցության ոլորտում ՉԺՀ-ի հետ համագործակցության առանցքային ուղղությունները: Ընդ որում, նա նշել է, որ ԵՏՀ-ն գործնական երկխոսություն է հաստատել ՉԺՀ շուկայի կարգավորման պետական վարչության հետ»: «Չինաստանը Եվրասիական տնտեսական միության և նրա անդամ պետությունների ռազմավարական գործընկերներից է: Մեր գործընկերությունը դինամիկ զարգանում է՝ հարմարվելով փոփոխվող իրողություններին, միաժամանակ պահպանելով գործնական փոխգործակցության ամրությունը և խորությունը: Վերջին տարիներին մենք ամրապնդել ենք մրցակցության ոլորտում մեր համագործակցությունը՝ փորձ փոխանակելով օրենսդրական նորույթների, իրավակիրառության, մրցակցության քարոզչության հարցերում», - ընդգծել է Մաքսիմ Երմոլովիչը: ԵՏՀ նախարարն առանձին անդրադարձել է մրցակցության բլոկի մի շարք նախաձեռնություններին՝ ներառյալ հատվածային հետազոտությունները, ներկայացրել Միության երկրների և դիտորդ պետությունների գործարար համայնքի, մրցակցային մարմինների հետ փոխգործակցության փորձը՝ նշելով միջազգային համագործակցության կարևոր դերը:
05 սեպտեմբերի 2025 Անդրեյ Սլեպնը. «Եվրասիական տնտեսական միությունը Մեծ Եվրասիական գործընկերության կարևոր օղակ է» Այս մասին հայտարարել է Եվրասիական տնտեսական հանձնաժողովի առևտրի նախարար Անդրեյ Սլեպնևը՝ ելույթ ունենալով Արևելյան տնտեսական համաժողով-2025-ի շրջանակներում կայացած «Մեծ Եվրասիական գործընկերություն. մայրցամաքի զարգացման նոր պարադիգմեր» խորագրով նստաշրջանի ընթացքում։ «Այսօր մենք կարող ենք արձանագրել, որ Ռուսաստանի Դաշնության նախագահ Վլադիմիր Վլադիմիրի Պուտինի կողմից հայտարարված Մեր Եվրասիական գործընկերության (ՄԵԳ) գաղափարը լուրջ և աճող աջակցություն ունի: Եվ հատկապես մենք սա տեսնում ենք ներկայումս՝ Եվրասիայի բազմաթիվ երկրների համար այս դժվար ժամանակաշրջանում», — ասել է նա: Այս կապակցությամբ ԵՏՀ առևտրի նախարարը նշել է, որ «նախաձեռնության գործնական լիցքավորումը տալիս է ինքը՝ կյանքը, և այս լիցքավորումն ընդլայնվում է»: COVID-19-չի ազդեցության ներքո աճել են լոգիստիկայի գծով շփումները, երբ բոլորը հասկացան, որ անհրաժեշտ է երթուղիների տարբերակում և կապվածության ամրապնդում: Ըստ Անդրեյ Սլեպնևի՝ տարբեր մարտահրավերների ազդեցության տակ էլ ավելի մեծ ըմբռնում է ստանում ֆինանսական հաշվարկների անվտանգության ամրապնդման և միջազգային առևտրի կայուն զարգացման համար ձևաչափեր գտնելու գաղափարը: «Ինչ վերաբերում է Եվրասիայի հինգ երկրները միավորող Եվրասիական տնտեսական միությանը, ապա այն գործընկերության կարևորագույն օղակներից է: Այս առումով մենք ամբողջությամբ գործում ենք ՄԵԳ գաղափարախոսությամբ և ոգով: Մենք ակտիվորեն զարգացնում ենք գործնական գործիքները, որոնց կցանկանայի ավելի մանրամասն անդրադառնալ», — ընդգծել է Անդրեյ Սլեպնևը: Զարգացնելով թեման՝ ԵՏՀ նախարարը խոսել է ազատ առևտրի մասին համաձայնագրի շուրջ Հանձնաժողովի աշխատանքի մասին: Նման համաձայնագրերը թույլ են տալիս հեռանալ սակագներից և որոշակի իմաստով պատասխան տալ այսօր որոշ երկրների կողմից պաշտպանվող հակառակ մոտեցումներին: Այստեղ, ըստ Անդրեյ Սլեպնևի, կարևոր է ոչ միայն «բարձրացնել շլագբաումը»՝ սակագնային արգելքների նվազեցման տեսքով, այլև լավ ճանապարհային քարտեզ ստեղծել, ճանապարհ կառուցել բիզնեսի համար, որը կօժանդակեր կոոպերացիայի կառուցման գործում: «Խոսքը, ի թիվս այլնի, նաև մայրցամաքի ցամաքային կապվածության մասին է, որտեղ կարևոր է մասնագիտական բազմակողմ երկխոսությունը, որպեսզի տրանսպորտը նախարարները հավաքվեն մեկ սեղանի շուրջ և պայմանավորվեն խնդրահարույց հարցերի լուծման և տրանսպորտային միջանցքների թվայնացման մասին: Սակայն ոչ պակաս կարևոր են ֆինանսական գործիքները, ինչպես նաև ստանդարտների հետ կապված հարցերը, որոնք հզոր խոչընդոտ են առևտրում, որը վնասում է ոչ պակաս, քան չափազանց բարձր սակագները», — նշել է ԵՏՀ նախարարը: Առանձին անդրադարձ է կատարվել թվայնացման և կլիմայական օրակարգի հարցերին, որոնք պահանջում են քննարկում և գործնական լուծումների հայտնաբերում, այդ թվում՝ ՇՀԿ և ԲՐԻԿՍ շրջանակներում: «Գործընկերությունը բաժանման բացակայությունն է: Մեր առաջնորդները գործում են գործընկերային ոգով: Սակայն մենք դեռ պետք է միասին աշխատենք մասնագիտական մակարդակում բոլոր խոչընդոտները վերացնելու համար», — ամփոփել է Անդրեյ Սլեպնևը:
05 սեպտեմբերի 2025 Ռուսլան Դավիդով. «Հեռավոր Արևելքը կարևոր դերակատարում ունի ԵԱՏՄ երկրների տրանսպորտային ներուժի զարգացման գործում» Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը ելույթ է ունեցել Արևելյան տնտեսական համաժողովի «Հեռավոր Արևելքի դերը Ռուսաստանի տրանսպորտային ինքնիշխանության ապահովման գործում» թեմայով նստաշրջանում և խոսել Եվրասիական տնտեսական միության երկրների տրանսպորտային ներուժի զարգացմանը և ամրապնդմանն ուղղված նախագծերի իրագործման մասին: «Տարանցման միասնական համակարգի ներդրումը, նավիգացիոն կապարակնիքների կիրառումը, անցակետերի սարքավորմանն ու կահավորմանը ներկայացվող միասնական պահանջների մշակումը, ինչպես նաև էլեկտրոնային առևտրի կարգավորման ձևավորումը՝ սրանք են ԵԱՏՄ տարանցման ներուժի զարգացման ուղղությամբ Եվրասիական տնտեսական հանձնաժողովի աշխատանքի առանցքային ուղղությունները», — նշել է Ռուսլան Դավիդովը: ԵՏՀ նախարարը նաև հայտնել է, որ Վլադիվոստորի ծովային առևտրային նավահանգստում սկսել է գործել նավահանգստային տեսակի հսկիչ-զննման համալիրը, որը թույլ է տալիս սկանավորել փոխադրամիջոցը և ապրանքներով բեռնարկղը առանց վարորդի կողմից իր խցիկից դուրս գալու: Նրա խոսքով՝ նման տեխնոլոգիաները պետք է հիմք դառնան եվրասիական «հնգյակի» բոլոր երկրների խելացի անցակետերի համար: Նստաշրջանին նաև մասնակցել են Ռուսաստանի Դաշնության նախագահի աշխատակազմի, Ռուսաստանի Դաշնության տրանսպորտի նախարարության, գործարար համայնքի ներկայացուցիչներ:
05 սեպտեմբերի 2025 ԵԱՏՄ հռչակագրի իրականացման ճանապարհային քարտեզի նախապատրատումը թևակոխել է եզրափակիչ փուլ Սեպտեմբերի 3-4-ին Մոսկվայում Եվրասիական տնտեսական հանձնաժողովի ինտեգրման և մակրոտնտեսության նախարար Դանիյար Իմանալիևի նախագահությամբ անցկացված բարձր մակարդակի խորհրդակցություններում քննարկել են «Եվրասիական տնտեսական ուղի» Եվրասիական տնտեսական միության շրջանակներում մինչև 2030 թվականը և մինչև 2045 թվականն ընկած ժամանակահատվածում տնտեսական գործընթացների հետագա զարգացման մասին հռչակագրի իրականացման ճանապարհային քարտեզի նախագիծը: Հանդիպումներն անցել են ԵԱՏՄ երկրների՝ Հանձնաժողովի հետ փոխգործակցության լիազորություն ունեցող պետական իշխանության մարմինների ղեկավարների տեղակալների մակարդակով, ինչպես նաև ԵՏՀ պրոֆիլային նախարարների մասնակցությամբ: Նշվել է, որ բազմաթիվ սկզբունքային հարցերի շուրջ պայմանավորվածություններ են ձեռք բերվել: Նախատեսվում է առաջիկայում փաստաթուղթը ներկայացնել ԵՏՀ խորհրդի անդամներին: Խորհրդակցությունների ընթացքում քննարկվել են նաև Ռազմավարություն-2025-ի իրականացման հարցեր, որոնք հատուկ ուշադրություն են պահանջում, և դրանք նախատեսվում է քննարկել ավելի բարձր մակարդակով: «Եվրասիական տնտեսական ուղի» ԵԱՏՄ շրջանակներում մինչև 2030 թվականը և մինչև 2045 թվականն ընկած ժամանակահատվածում տնտեսական գործընթացների հետագա զարգացման մասին հռչակագիրը ԵԱՏՄ պետությունների նախագահների կողմից ստորագրվել է 2023 թվականի դեկտեմբերի 25-ին։
04 սեպտեմբերի 2025 ԱՏՀ-ում քննարկել են սահմանային ենթակառուցվածքների զարգացումը Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը Վլադիվոստոկում ելույթ է ունեցել «Ժամանակակից սահմանային ենթակառուցվածքը՝ լավագույն ներդրումներ պետության համար» թեմայով նստաշրջանին, որն անցկացվել է Արևելյան տնտեսական համաժողովի շրջանակներում:
03 սեպտեմբերի 2025 Անդրեյ Սլեպնևը Ռոսակրեդիտացիայի ղեկավար Դմիտրի Վոլվաչի հետ քննարկել է մակնշման և տեխկարգավորման համակարգերի ինտեգրման հեռանկարները Եվրասիական տնտեսական հանձնաժողովի առևտրի նախարար Անդրեյ Սլեպնևը աշխատանքային հանդիպում է ունեցել Ռոսակրեդիտացիայի ղեկավար Դմիտրի Վոլվաչի հետ: Քննարկվել են Եվրասիական տնտեսական միության երկրների հավատարմագրման համակարգերի միջև փոխգործակցության ամրապնդման հարցեր, ինչպես նաև մակնշման և տեխնիկական կարգավորման համակարգերի ինտեգրման հնարավորությունները:
03 սեպտեմբերի 2025 ԵՏՀ իրավական վարչության փոխտնօրեն է նշանակվել Ասել Սեյդալինան Ասել Ժանաբայի Սեյդալինան ծնվել է 1980 թվականին Կոստանայ քաղաքում (Ղազախստանի Հանրապետություն): Ավարտելի Կոստանայի Ա. Բայտուրսինովի անվան պետական համալսարանը, Կենտրոնասիական համալսարանը «իրավաբանություն և իրավունք» մասնագիտությամբ և Ղազախստանի Հանրապետության Գերագույն դատարանին առընթեր Արդարադատության ակադեմիան» (իրավունքի մագիստր):
03 սեպտեմբերի 2025 Այդայ Կարագուլովան նշանակվել է ԵՏՀ ֆինանսական քաղաքականության վարչության փոխտնօրենի պաշտոնում Այդայ Նուրդինի Կարագուլովան ծնվել է 1979 թվականին Բիշքեկում: 2000 թվականին ավարտել է Ղրղզստանի Ի. Ռազակովի անվան պետական տեխնիկական համալսարանը «Տնտեսագիտություն» մասնագիտությամբ, իսկ 2017 թվականին՝ Ղրղզստանի Հանրապետության նախագահին առընթեր Կառավարման ակադեմիայի մագիստրատուրան՝ «Պետական քաղաքականություն և կառավարում» ուղղությամբ:
Ցուցադրել ավելին

Պաշարներ ԵՏՄ