Նորություններ

Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը Ռիո դե Ժանեյրոյում ՀՄԿ տեխնոլոգիական համաժողովի և ցուցահանդեսի (WCO Technology Conference & Exhibition) շրջանակներում աշխատանքային հանդիպում է ունեցել Համաշխարհային մաքսային կազմակերպության (ՀՄԿ) գլխավոր քարտուղար Յեն Սոնդերսի հետ:

Կողմերը քննարկել են փոխգործակցության հեռանկարային ուղղությունները, այդ թվում՝ ԵՏՀ և ՀՄԿ միջև Փոխըմբռնման հուշագրի գործնական իրականացման հարցեր:

Ռուսլան Դավիդովը նշել է, որ ԵՏՀ-ն հետաքրքրված է ՀՄԿ աշխատանքային մարմիններում իր ներկայացուցիչների համակարգված մասնակցությամբ, ինչպես նաև ԵՏՀ աշխատակիցներին կազմակերպության կրթական առցանց հարթակի հասանելիության տրամադրմամբ, որը նրանց թույլ կտա ուսումնասիրել մաքսային ոլորտի համաշխարհային փորձը և լավագույն պրակտիկաները:

Պայմանավորվել են ԵՏՀ և ՀՄԿ միջև ԵԱՏՄ փոխգործակցություն կազմակերպել անդամ պետությունների մաքսային մարմինների առօրյա գործունեության մեջ վարչարարության լավագույն համաշխարհային փորձի ներդրման հարցերով։

«Եվրասիական տնտեսական միության օրենսդրությանը համապատասխան՝ Հանձնաժողովին վերապահված են ԵԱՏՄ ԱՏԳ ԱԱ վարելու, ինչպես նաև ԵԱՏՄ երկրներում անվանացանքի միատեսակ կիրառության համար առանձին ապրանքատեսակների դասակարգման մասին որոշումներ ընդունելու լիազորություններ։ Այս որոշումները պարտադիր կիրառման ենթակա են Միության տարածքում, – նշել է Ռուսլան Դավիդովը։ - Այս առումով Հանձնաժողովի և ՀՄԿ ներդաշնակ համակարգի կոմիտեի փոխգործակցությունը կնպաստի ԵԱՏՄ տարածքում կիրառվող դասակարգման մոտեցումների և ապրանքների դասակարգման միջազգային պրակտիկայի միասնականացմանը»: