арм

Նորություններ

ԵՏՀ ԶԼՄ-ներում Ֆոտոսրահ Տեսադարան
13 մարտի 2025 Ղազախստանում քննարկվել է մաքսային մարմինների գործունեության մեջ առաջադեմ թվային լուծումների ներդրումը ԵՏՀ մաքսային համագործակցության նախարար Ռուսլան Դավիդովն աշխատանքային այցով եղել է Աստանայում, որտեղ հանդիպումներ է ունեցել Ղազախստանի Հանրապետության ֆինանսների նախարարության ղեկավարության՝ փոխնախարար Երժան Բիրժանովի և Պետական եկամուտների կոմիտեի նախագահ Ժանդոս Դույսեմբիևի հետ։ Բանակցությունների շրջանակներում քննարկվել է մաքսային կարգավորման ոլորտի արդիական հարցերի լայն շրջանակ, այդ թվում՝ Նավիգացիոն կապարակնիքների կիրառման մասին համաձայնագրի իրականացումը, ԵԱՏՄ սահմանին մաքսային անցակետերի արդիականացման մոտեցումները, ընդհանուր գործընթացների ներդրումը և Միության շրջանակներում մինչև 2045 թվականը մաքսային կարգավորման զարգացման հեռանկարները: ԵՏՀ նախարարն ուսումնասիրել է Ղազախստանի մաքսային մարմինների գործունեության մեջ «Քեդեն» նոր տեղեկատվական համակարգի ներդրման ներկա վիճակն ու հեռանկարները, ինչպես նաև ԵԱՏՄ միասնական տեղեկատվական համակարգին դրա ինտեգրման հնարավորությունները։ «Քեդեն» տեղեկատվական համակարգը կնպաստի ոչ միայն էլեկտրոնային մաքսային հայտարարագրման ներդրմանը, այլև նախնական տեղեկացման իրականացմանը, անցակետերում ինտեգրված վերահսկողության համակարգի ստեղծմանը, ինչպես նաև մաքսային գործառնությունների ավտոմատացմանը՝ խախտումների արձանագրմամբ, ինչն իր հերթին կապահովի մաքսային վարչարարության թափանցիկությունը։ Այցի ընթացքում Ռուսլան Դավիդովն այցելել է նաև Ղազախստանի ֆինանսների նախարարության պետական եկամուտների կոմիտեի գլխավոր կարգավարական վարչության իրավիճակային կենտրոն։ Այստեղ իրականացվում է տեսչական և զննության համալիրներից ստացվող լուսանկարների վերլուծություն, ինչպես նաև մաքսային կետերի աշխատակիցների կողմից իրականացվող մաքսային զննությունների իրականացման գործընթացի համակարգում։ Կենտրոնը կարևոր դեր է կատարում մաքսային գործառնությունների արդյունավետ կառավարման և վերահսկման գործում՝ ապահովելով բեռների ստուգման և մշակման գործընթացների թափանցիկության և ժամանակին լինելու բարձր մակարդակը:
10 մարտի 2025 ԵՏՀ-ում քննարկել են դեղամիջոցների հայտարարագրման հարցը Եվրասիական տնտեսական միության մաքսային տարածք ներկրվող դեղագործական սուբստանցիաների, ինտերմեդիատների, ռեակտիվների և դեղերի արտադրության համար նախատեսված նյութերի հայտարարագրման հարցը քննարկվել է Եվրասիական տնտեսական հանձնաժողովի պրոֆիլային Խորհրդատվական կոմիտեին առընթեր մաքսային հայտարարագրման հարցերով աշխատանքային խմբի նիստում։ Նիստն անցկացվել է ԵՏՀ կենտրոնակայանում ԵՏՀ մաքսային օրենսդրության և իրավակիրառ պրակտիկայի վարչության փոխտնօրեն Գրիգոր Օհանյանի նախագահությամբ։ Մասնավորապես, առաջարկվել է, որ նման ապրանքների տեղաշարժի ավտոմատացման և վերահսկման նպատակով դրանց համար կամավոր հիմունքներով նշվի ծածկագրված տեղեկատվություն՝ դրա մշակման և հետագա օգտագործման օպտիմալացման համար։    Մաքսային հայտարարագրման հարցերով աշխատանքային խումբը ստեղծվել է 2022 թվականին Մաքսային կարգավորման հարցերով խորհրդատվական կոմիտեի որոշմամբ։ Նրա գործունեության ոլորտը ներառում է ապրանքների հայտարարագրման հարցեր, այդ թվում՝ մինչև մաքսային հայտարարագիր ներկայացնելը բաց թողնման մասին դիմումը լրացնելու ձևը և կարգը:
28 փետրվարի 2025 Հանձնաժողովն աշխատում է հայտարարագրում փոփոխություններ կատարելու կարգը պարզեցնելու ուղղությամբ Եվրասիական տնտեսական հանձնաժողովի պրոֆիլային խորհրդատվական կոմիտեին առընթեր մաքսային հայտարարագրման հարցերով աշխատանքային խմբի հերթական նիստում քննարկվել են ապրանքների հայտարարագրում մինչև դրանց բացթողումը և դրանից հետո փոփոխություններ կատարելու հարցեր։ Մասնավորապես, անդրադարձել են այնպիսի ուղղություններին, ինչպիսիք են փաստաթղթերի կրճատումը ԱՏԳ մասնակիցների կողմից հայտարարագրում փոփոխություններ նախաձեռնելու դեպքում, հայտարարագրի էլեկտրոնային ճշգրտման առաջնահերթության ամրագրումը և գրավոր փաստաթղթերի օգտագործման դեպքերի հստակեցումը, մաքսային մարմնի որոշումը էլեկտրոնային ձևով ուղարկելու հնարավորությունները:  Ապրանքների հայտարարագրում փոփոխություններ կատարելու կարգը հաստատվել է Մաքսային միության հանձնաժողովի 2013 թվականի դեկտեմբերի 10-ի N 289 որոշմամբ։ Մաքսային կարգավորման հարցերով խորհրդատվական կոմիտեին առընթեր մաքսային հայտարարագրման հարցերով աշխատանքային խմբի ստեղծումը հավանության է արժանացել ԵՏՀ մաքսային կարգավորման հարցերով խորհրդատվական կոմիտեի 54-րդ նիստում:
12 փետրվարի 2025 ԵՏՀ-ն զարգացնում է մաքսային ոլորտում ՄԱԿ-ի Եվրոպական տնտեսական հանձնաժողովի հետ համագործակցությունը ՄԱԿ-ի Եվրոպական տնտեսական հանձնաժողովի ներքին տրանսպորտի կոմիտեի 87-րդ նստաշրջանի շրջանակներում ԵՏՀ մաքսային համագործակցության նախարար Ռուսլան Դավիդովը աշխատանքային հանդիպում է ունեցել ՄԱԿ ԵՏՀ գործադիր քարտուղար Տատյանա Մոլչանի հետ և քննարկել մաքսային ոլորտում համագործակցության հարցեր։Կողմերը մտքեր են փոխանակել տրանսպորտային միջանցքների, մաքսային տարանցման զարգացման և անցակետերի կազմակերպման շուրջ։ Կարևորվել է նաև «մեկ պատուհանի» մեխանիզմի՝ որպես արտաքին տնտեսական գործունեության արդյունավետության բարձրացման և ԱՏԳ մասնակիցների ծախսերի օպտիմալացման գործիքի ներդրումը։ Հանդիպման արդյունքում պայմանավորվածություններ են ձեռք բերվել Եվրասիական տնտեսական հանձնաժողովի և ՄԱԿ-ի Եվրոպական տնտեսական հանձնաժողովի միջև համագործակցության խորացման վերաբերյալ, այդ թվում՝ 2013 թվականից գործող Փոխգործակցության հուշագրի շրջանակներում։
11 փետրվարի 2025 Ռուսլան Դավիդովը Ժնևում ներկայացրել է ԵԱՏՄ-ում մաքսային կարգավորման հեռանկարային ուղղությունները ՄԱԿ-ի Եվրոպական տնտեսական հանձնաժողովի ներքին տրանսպորտի կոմիտեի 87-րդ նստաշրջանում քննարկվել են սահմանների հատման արագացմանն ու դյուրացմանը, ինչպես նաև մաքսային ընթացակարգերի զարգացմանը և ներդաշնակեցմանն առնչվող առանցքային ասպեկտները։ Ժնևում կայացած միջոցառմանը մասնակցել է Եվրասիական տնտեսական հանձնաժողովի մաքսային համագործակցության նախարար Ռուսլան Դավիդովը, որը նաև մասնակցել է «2030 թվականին ներքին տրանսպորտի հատվածում հաջող գործողությունները և մարտահրավերները» թեմայով նախարարական խորհրդաժողովին։ Ռուսլան Դավիդովը խոսել է սահմանների հատման դյուրացման և տարանցիկ ներուժի զարգացման փորձի և Եվրասիական տնտեսական միությունում այդ ուղղությամբ իրականացվող հեռանկարային նախագծերի մասին: Նա ներկայացրել է 2024 թվականի դեկտեմբերի 26-ին ԵԱՏՄ մասնակից երկրների ղեկավարների կողմից ստորագրված Մաքսային տարանցման միասնական համակարգի մասին համաձայնագիրը՝ նշելով, որ Համաձայնագրին կարող են միանալ եվրասիական «հնգյակի» կազմում չընդգրկված երկրները։  «Փաստաթղթի նորմերը նախատեսում են տարանցման միասնական էլեկտրոնային հայտարարագրի օգտագործում բոլոր մասնակից երկրների տարածքով փոխադրումներ կատարելիս, ինչը թույլ կտա զգալիորեն նվազեցնել ԱՏԳ մասնակիցների ժամանակային և ֆինանսական ծախսերը», — ասել է Ռուսլան Դավիդովը: Հանձնաժողովի մաքսային բլոկի ղեկավարը հատուկ ուշադրություն է դարձրել ԵԱՏՄ-ում նավիգացիոն կապարակնիքների ներդրմանը և տարանցիկ փոխադրումների ֆինանսական երաշխիքների արդյունավետ գործիք հանդիսացող երաշխավորության ինստիտուտի զարգացմանը։ Շեշտը դրվել է նաև ԵԱՏՄ-ում անցակետերի կահավորման սարքավորման պահանջների ստեղծման աշխատանքների և դրանցում թվային տեխնոլոգիաների ներդրման լավագույն պրակտիկաների վրա։ «Անցակետի հիմնական տարրը պետք է լինի դրա միասնական տեղեկատվական համակարգը, որում ինտեգրված կլինեն իրերի ինտերնետի, մեծ տվյալների և արհեստական բանականության օգտագործման վրա հիմնված բեկումնային տեխնոլոգիաներ, — նշել է Ռուսլան Դավիդովը։ — Սա կնպաստի ԵԱՏՄ սահմանով ապրանքների, տրանսպորտային միջոցների և ֆիզիկական անձանց անցումն արագացնելուն՝ միաժամանակ բարձրացնելով պետական վերահսկողության արդյունավետությունը»։
29 հունվարի 2025 ԵՏՀ մաքսային օրենսդրության և իրավակիրառ պրակտիկայի վարչության փոխտնօրեն է նշանակվել Վալենտինա Նագովիցինան Վալենտինա Չեսլավի Նագովիցինան ծնվել է Վիտեբսկի մարզի Պոստավի քաղաքում (Բելառուսի Հանրապետություն): 1990 թվականին ավարտել է Վիտեբսկի Ս.Մ. Կիրովի անվ. պետական մանկավարժական ինստիտուտը «մաթեմատիկայի, ինֆորմատիկայի և հաշվիչ տեխնիկայի ուսուցիչ» մասնագիտությամբ, իսկ 2004 թվականին՝ Բելառուսի Հանրապետության ազգային անվտանգության ինստիտուտը՝ ստանալով «մաքսային գործի մասնագետ» որակավորում։ Իր աշխատանքային կենսագրությունն սկսել է 1990 թվականին՝ որպես Վիտեբսկի Ս.Մ. Կիրովի անվ. պետական մանկավարժական ինստիտուտի ինֆորմատիկայի և հաշվիչ տեխնիկայի ամբիոնի ինժեներ-ծրագրավորող: 1999-2016 թվականներին տարբեր պաշտոններ է զբաղեցրել Վիտեբսկի մաքսատանը՝ մաքսային վիճակագրության բաժնի տեսուչից մինչև մաքսային վճարների բաժնի պետ։ 2016 թվականից մինչև 2025 թվականը աշխատել է Մինսկում որպես Բելառուսի Հանրապետության պետական մաքսային կոմիտեի սակագնային կարգավորման և մաքսային վճարների վարչության պետի տեղակալ, սակագնային և ոչ սակագնային կարգավորման գլխավոր տնօրինության պետի տեղակալ։ 2025 թվականի հունվարի 24-ից նշանակվել է Եվրասիական տնտեսական հանձնաժողովի Մաքսային օրենսդրության և իրավակիրառ պրակտիկայի վարչության փոխտնօրեն։
27 հունվարի 2025 Էքսպրես-բեռների ուղևորային մաքսային հայտարարագիրը կարող է կիրառվել ապրանքների ավելի մեծ անվանացանկի նկատմամբ Հունվարի 27-ին Եվրասիական տնտեսական հանձնաժողովի կոլեգիան փոփոխություններ է կատարել էքսպրես-բեռների ուղեւորային մաքսային հայտարարագրում՝ ընդլայնելով դրա կիրառման հնարավորությունները։ «Հանվել է անբաժանելի ապրանքների նկատմամբ հայտարարագրի կիրառման նախկինում գործող սահմանափակումը՝ հաշվի առնելով ներկայումս Եվրասիական տնտեսական միության իրավունքում նման հասկացության բացակայությունը», - նշել է ԵՏՀ մաքսային համագործակցության նախարար Ռուսլան Դավիդովը։ Հաստատված փոփոխությունները միտված են նաև հայտարարագրում տեղեկությունների ներկայացման կարգի հետագա միասնականացմանը։ Մասնավորապես, ապրանքների ժամանակավոր պանման համար տեղադրման մասին տեղեկություններն անհրաժեշտ կլինի նշել ԵԱՏՄ բոլոր պետություններում, մինչդեռ այժմ դրանք նշվում են միայն Միության երեք երկրում։ ԵՏՀ կոլեգիայի 2018 թվականի հոկտեմբերի 16-ի N 158 որոշմամբ հաստատվել է էքսպրես բեռների համար ուղևորային մաքսային հայտարարագրի լրացման ձևը և կարգը, որը կիրառվում է էքսպրես-փոխադրողների կողմից փոխադրվող անձնական օգտագործման ապրանքների մաքսային հայտարարագրման դեպքում։
24 հունվարի 2025 Հանձնաժողովում քննարկվել է ապրանքների հայտարարագրի առանձին սյունակների լրացման պարզեցումը Եվրասիական տնտեսական հանձնաժողովի մաքսային օրենսդրության և իրավակիրառ պրակտիկայի վարչության փոխտնօրեն Գրիգոր Օհանյանի նախագահությամբ տեղի է ունեցել ԵՏՀ պրոֆիլային խորհրդատվական կոմիտեին առընթեր մաքսային հայտարարագրման հարցերով աշխատանքային խմբի նիստը։ Քննարկվել են մի շարք հարցեր, այդ թվում՝ բիզնեսի նախաձեռնությամբ։ Խոսքը ապրանքների հայտարարագրման պարզեցման մասին էր, ներառյալ ապրանքներ արտահանելիս նախորդ մաքսային ընթացակարգի և նախորդ փաստաթղթի, ինչպես նաև առանձին դեպքերում՝ տրանսպորտային միջոցների մասին տեղեկությունները չնշելու հնարավորությունը։ Ընդհանուր առմամբ, փորձագետները հավանություն են տվել մաքսային հսկողության ընտրողականությունը, դրանց ավտոմատ մշակումը և ապրանքների զննության դեպքերը նվազագույնի հասցնելն ապահովելու համար բեռնարկղերի մասին տեղեկությունների նշման կանոնների օպտիմալացման առաջարկներին: Ապրանքների հայտարարագրի լրացման կարգը հաստատվել է Մաքսային միության հանձնաժողովի 2010 թվականի մայիսի 20-ի N 257 որոշմամբ։ Մաքսային հայտարարագրման հարցերով աշխատանքային խումբը ստեղծվել է Մաքսային կարգավորման հարցերով խորհրդատվական կոմիտեի որոշմամբ։
Ցուցադրել ավելին

Պաշարներ ԵՏՄ