Նորություններ

Արտաքին շուկա դուրս գալու ունակությունը՝ այն նվաճելու վստահությամբ բիզնեսի հասունության և հաջողակության ցուցանիշ է: Որքան շատ են այդպիսի ընկերությունները պետությունում, այնքան վստահ է երկրի, իսկ մեր դեպքում՝ Միության տնտեսությունը: Առանձին ընկերությունների հաջողությունը հնարավոր է: Սակայն ոլորտը հաջողակ դարձնելու համար մի շարք ոլորտներ պետք է համալիր զարգացնել: Դա է վկայում աշխարհի առաջատար տնտեսությունների փորձը: Մրցունակությունը չի կարելի դիտարկել որպես անկախ ցուցանիշ: Սա մի գործոն է, որն արտացոլում է ընդհանուր առմամբ տնտեսության իրավիճակը. զարգացած տրանսպորտային, լոգիստիկ և տեղեկատվական-հեռահաղորդակցական ենթակառուցվածքը, մուտքը դեպի ռեսուրսներ (ֆինանսական, էներգետիկ, հումքային), մարդկային կապիտալի զարգացումը, բիզնես վարելու պայմանները, քաղաքական կայունությունը, արտաքին առևտրային գործընկերների հետ կայուն գործարար հարաբերությունների առկայությունը և արտաքին շուկաների մուտքի պայմանները: Ժամանակակից աշխարհում լրացուցիչ առավելություն ստանալու համար տնտեսությունները միավորվում են ավելի խոշոր տարածաշրջանային միավորումներ: Այդպիսի օրինակներից մեկն է Եվրասիական տնտեսական միությունը: Ապրանքների, ծառայությունների, կապիտալի և աշխատուժի ընդհանուր շուկայի ձևավորումը նպաստում է կոոպերացիոն կապերի զարգացմանը: Դա պետք է լրացուցիչ օգնություն դառնա մրցունակ արտադրանքի արտադրության համար, ինչն իր հերթին հիմք կծառայի հիմնական և հեռանկարային գործընկերների հետ առևտրային հարաբերությունների ու համաձայնությունների համակարգի ձևավորման ժամանակ: Կլոր սեղանի նպատակն է առաջարկներ ներկայացնել մեր ինտեգրացիոն տարածությունում կոոպերացիան զարգացնելու և խորացնելու ուղղությամբ, որոնք ուղղված կլինեն Միության արտահանման մրցունակության աճին: Կլոր սեղանի ընթացքում մասնակիցները կքննարկեն Միությունում կոոպերացիայի զարգացման և պատրաստի արտադրանքով արտաքին շուկաներ դուրս գալու հարցերը, կարծիքներ կփոխանակեն առ այն, թե ինչպես կատարելագործել պետության և բիզնեսի փոխգործակցությունը հեռանկարային ապրանքներ ընտրելու և մրցունակ արտադրանքը արտաքին շուկաներում առաջմղելու համար, կլսեն Միության մանր և միջին ձեռնարկությունների թվից արտահանողների հաջողության պատմությունները, նրանց կարծիքը արտահանման աջակցման առավել արդյունավետ միջոցների և գործիքների, ազգային կառավարությունների և Միության մակարդակով սեփական շահերը առաջմղելու համար բիզնեսի համախմբման ձևերի մասին, փորձագետների գնահատականը իրացման առավել հեռանկարային շուկաների վերաբերյալ, ինչպես նաև կիմանան արտահանման զարգացման աջակցության՝ Եվրասիական տնտեսական հանձնաժողովի հնարավորությունների մասին: Քննարկման թեմաներն են. - Միությունում կոոպերացիայի ուժեղացումը. առաջնահերթ միջոցներ. - Միության երկրների փորձը ազգային բիզնես ընկերակցությունների ստեղծման գործում (Միության համախմբված բիզնեսը հաջողության գրավականն է). - Բիզնեսի հարցման հիման վրա հիմնական և հեռանկարային գործընկերների հետ առևտրային հարաբերությունների և համաձայնագրերի համակարգի ձևավորում.    Միջազգային շուկաներում Միության ՓՄՁ՝ հումքային / բարձրտեխնոլոգիական արտադրանքի արտահանողների հաջողակ աշխատանքի փորձը. - Միջազգային շուկաներում Միության արտադրողների համար առավել հետաքրքիր ոլորտներն ու հնարավորությունները: Համաշխարհային շուկաների պահանջարկի աշխարհագրությունը և անվանացանկը: Մրցունակությունը և մուտքի պայմանները; - Արտահանման պետական աջակցության արդյունավետ և առավել պահանջված գործիքները; - Բիզնեսի և իշխանությունների բանավեճը այն միջոցների մասին, որոնք կարող էին ավելացնել Միության արտահանման հնարավորությունները:          Մասնակիցները ·     Փոքր և միջին ձեռնարկությունների ներկայացուցիչներ. ·     Արտահանման և ձեռնարկատիրության աջակցության պետական մարմինների ներկայացուցիչներ.       Պետության աջակցության ստեղծված մասնագիտացված ինստիտուտների ներկայացուցիչներ (Ղազախստանի գործարարների ազգային պալատ, ԲՀ ԱՏՊ (Բելառուսի Հանրապետության առևտրատնտեսական պալատ), ՌԱԿ (Ռուսաստանի արտահանման կենտրոն), ԷԿՍԱՐ, Ռոսէկսիմբանկ, Փոքր և միջին բիզնեսի աջակցության գործակալություն, արտահանման աջակցության տարածաշրջանային կենտրոններ և այլն.). ·    Զարգացման բանկեր. ·    Միջպետական բանկ. ·    Զարգացման եվրասիական բանկ. ·    Հասարակական կազմակերպություններ, ընկերակցությունները և գործարարների միությունները. ·    Գիտական և փորձագիտական շրջանակներ, մասնագիտացված բուհեր. ·    Միության երկրների տնտեսական թեմատիկայով լրագրող-վերլուծաբաններ.