Նորություններ

Եվրասիական տնտեսական հանձնաժողովի Կոլեգիայի նախագահ Միխայիլ Մյասնիկովիչը հանդիպել է հայտնի կինոդերասան, կինոպրոդյուսեր, ՌԴ ԱԳՆ հատուկ ներկայացուցիչ Սթիվեն Սիգալի հետ։

Զրույցի ընթացքում Միխայիլ Մյասնիկովիչը խոսել է Եվրասիական տնտեսական հանձնաժողովի գործունեության հիմնական ուղղությունների մասին՝ ընդգծելով եվրասիականության կարևոր դերը եվրասիական տարածքում, որտեղ Սթիվեն Սիգալն այսօր նշանակալի տեղ է զբաղեցնում, ժողովուրդների միջև ոչ միայն տնտեսական, այլև հումանիտար և սոցիալ-մշակութային հարաբերությունների ամրապնդման գործում՝ հաշվի առնելով վերջինիս կյանքի, մասնագիտական հարուստ փորձը և համաշխարհային ժողովրդականությունը:

ԵՏՀ Կոլեգիայի ղեկավարը հայտնել է այս տարի Բիշքեկում կայացած Եվրասիական տնտեսական համաժողովի մասին, որտեղ ԵԱՏՄ անդամ պետությունների ղեկավարներին առաջարկվել է Եվրասիական կինոակադեմիայի և կինոմրցանակի ստեղծման գաղափարը։

Սթիվեն Սիգալն իր հերթին շնորհակալություն է հայտնել Միխայիլ Մյասնիկովիչին ջերմ ընդունելության համար։ Նա նշել է, որ լավ ծանոթ է Եվրասիական տնտեսական միության բոլոր երկրներին, դրանցից մի քանիսի հետ կապված է իր ընտանիքի պատմությունը, և պատրաստակամություն է հայտնել կանոնավոր հանդիպումներ անցկացնել, այդ թվում՝ Հանձնաժողոցի՝ փոխադարձ հետաքրքրություն ներկայացնող նախաձեռնությունների մշակման հարցում հնարավոր օժանդակության համար։