Նորություններ

Եվրասիական տնտեսական միության երկրների պրոֆեսիոնալ երիտասարդության լավագույն հանրային և մասնագիտական ինքնականացման համար վերջինիս ներկայացուցիչների հետ Եվրասիական տնտեսական հանձնաժողովի երիտասարդական խորհրդի փոխգործակցության ակտիվացման անհրաժեշտությունը քննարկվել է ԵՏՀ Երիտասարդական խորհրդի նիստում, որը նախագահում էր Արարողակարգի և կազմակերպական ապահովման վարչության տնօրեն, Հանձնաժողովի Երիտասարդական խորհրդի նախագահ Դանիյար Տուրուսբեկովը։

Այս առումով նախատեսվում է խորացնել համագործակցությունը հիմնական գործընկերների հետ, որոնց մի մասի հետ համատեղ կմշակվեն համապատասխան ծրագրեր։ Նախատեսվում է համակարգված կերպով համագործակցել տարածաշրջանային ինտեգրացիոն միավորումների և միջազգային կազմակերպությունների երիտասարդական խորհուրդների հետ, կազմակերպել պրոֆիլային երիտասարդական նստաշրջաններ ԵԱՏՄ, երրորդ երկրների և տարածաշրջանային ինտեգրացիոն միավորումների խոշորագույն համաժողովային հարթակներում:

Դանիյար Տուրուսբեկովը խոսել է 2022 թվականի օգոստոսի 25-ից 26-ը Ղրղզստանի Հանրապետության Չոլպոն Աթա քաղաքում անցկացված ԱՊՀ և ԵԱՏՄ Երիտասարդական համաժողովի արդյունքների մասին։ Նշվել է, որ համաժողովը դարձել է յուրօրինակ հարթակ երիտասարդ մասնակիցների համար՝ հնարավորություն տալով հանդես գալ այնպիսի նախաձեռնություններով, որոնք կարող են խթան հաղորդել Միության պետությունների միջև համագործակցության հետագա զարգացմանը և եվրասիական ինտեգրման գաղափարի հանրահռչակմանը։

ԵՏՀ Երիտասարդական խորհուրդը ուղեղի գրոհի ձևաչափով քննարկել է համաժողովի ընթացքում հնչած առաջարկները։ Մասնավորապես, քննարկվել են ԵՏՀ Կոլեգիայի նախագահ Միխայիլ Մյասնիկովիչի նախաձեռնությունները, այն է՝ Երիտասարդական նախաձեռնությունների աջակցության Եվրասիական հիմնադրամի ստեղծումը, դաշնակից երկրների երիտասարդների դիմումները քննարկման «մեկ պատուհանի» ստեղծումը՝ ԵԱՏՄ երկրների երիտասարդներին ԵՏՀ-ում պրակտիկա և ստաժավորում անցնելու հնարավորություն ընձեռելով։

ԵՏՀ Երիտասարդական խորհրդի նիստի մասնակիցները նաև պատրաստակամություն են հայտնել ակտիվորեն մասնակցել համաժողովի ընթացքում առաջարկված երիտասարդության ներկայացուցիչների նախաձեռնություններին՝ խթանել եվրասիական ձեռնարկատիրական համայնքների ստեղծումը, մշակել երիտասարդական զբոսաշրջության զարգացման առաջարկներ, կամավորական շարժումը ԵԱՏՄ-ում, ակադեմիական շարժունակությունը և այլն։

Բացի այդ, ԵՏՀ Երիտասարդական խորհրդի նիստի մասնակիցներն առաջարկել են լրացումներ կատարել նախաձեռնությունների ցանկում՝ ԵՏՀ գործընկեր բուհերի հետ փոխգործակցության ընդլայնում, ուսանողական միավորումների հետ համատեղ բուհական և միջբուհական գիտական մրցույթների, բանավեճերի անցկացում եվրասիական ինտեգրան թեմայով, ԵՏՀ ներկայացուցիչների մասնակցությունը պետական ատեստավորման հանձնաժողովներում: Առանձնահատուկ ուշադրություն է դարձվել ԵՏՀ երիտասարդ ծառայողների միջև սոցիալական շփումների զարգացմանը։

«ԱՊՀ և ԵԱՏՄ Երիտասարդական համաժողովի արդյունքում մենք բարդ խնդիր ունենք՝ համակարգված աշխատանք կազմակերպել երիտասարդական օրակարգը ինչպես Հանձնաժողովում, այնպես էլ Միությունում զարգացնելու ուղղությամբ։ ԵՏՀ Կոլեգիայի նախագահը մեզանից կոնկրետ արդյունքներ է ակնկալում: Եկեք դրանց ցույց տանք», – ընդգծել է Դանիյար Տուրուսբեկովը։