Նորություններ

Եվրասիական տնտեսական հանձնաժողովի Կոլեգիան ակտուալացրել է երկաթուղային տրանսպորտի անվտանգության ոլորտում Միության տեխնիկական կանոնակարգերի ստանդարտների ցանկերը։ Ստանդարտների ցանկերը նորացվել են՝ կապված երկաթուղային տրանսպորտի տեխնիկական կանոնակարգերի նոր տարբերակի ընդունման հետ, որոնք ուժի մեջ են մտնելու 2022 թվականի ապրիլի 6-ից։

Ստանդարտների ցանկերի նոր տարբերակները մշակվել են Ռուսաստանի Տրանսպորտի նախարարության կողմից Եվրասիական տնտեսական միության երկրների պետական մարմինների հետ համատեղ՝ փորձագետների և բիզնես համայնքի ներկայացուցիչների մասնակցությամբ։

Առանձին միջպետական և ազգային ստանդարտների նկատմամբ սահմանվել է անցումային շրջան, այդ թվում՝ դրանց կիրառմանը հարմարվելու և համապատասխանության գնահատման մարմինների հավատարմագրման նպատակով։

Տեխնիկական կանոնակարգերի նոր տարբերակների հետ փոխկապակցված՝ նոր ստանդարտների շուտափույթ կիրառման համար ԵՏՀ Կոլեգիայի որոշումն ուժի մեջ կմտնի 10 օր հետո։