Նորություններ
ՏՀԿ ինստիտուտի զարգացման աշխատանքային խումբը համաձայնեցրել է նոր պարզեցումը և օպերատորների համար սահմանափակումների չեղարկումը
Եվրասիական տնտեսական միությունում լիազորված տնտեսական օպերատորների (ԼՏՕ) ինստիտուտի կատարելագործման վերաբերյալ Եվրասիական տնտեսական հանձնաժողովի որոշումների նախագծերը քննարկվել են հուլիսի 4-ին ԼՏՕ ինստիտուտի զարգացման խորհրդատվական կոմիտեին առընթեր պրոֆիլային աշխատանքային խմբի նիստում, որը տեղի է ունեցել Սանկտ Պետերբուրգում՝ ԵՏՀ մաքսային օրենսդրության և իրավակիրառ պրակտիկայի վարչության տնօրեն Սերգեյ Վլադիմիրովի ղեկավարությամբ։
Քննարկվել է մի նախաձեռնություն, որն ուղղված է ապրանքների տեղափոխման ընթացքում ԱՏԳ մասնակիցների լոգիստիկ և պահեստային ծախսերի նվազեցմանը, այն է՝ պարզեցումներ, որոնք կապված են ԼՏՕ-ների հրապարակներում մաքսային պահեստի մաքսային ընթացակարգով գրանցված իրենց ապրանքների պահպանման հնարավորության հետ:
Նիստի մասնակիցները քննարկել են նաև այն սահմանափակումների վերացման հարցը, որոնք ԼՏՕ-ներին թույլ չեն տալիս պարզեցումներ կիրառել մակնշման ենթակա ենթաակցիզային ապրանքների նկատմամբ։
Քննարկվել է Հանձնաժողովի կողմից նախապատրաստված ԼՏՕ ապրանքների հաշվառման համակարգին ներկայացվող տիպային պահանջների նախագիծը, որը մաքսային վարչարարության հեռանկարային ուղղություն է և օպերատորների համար հետագա պարզեցումների կատալիզատոր:
Բացի այդ, անդրադարձել են իրավակիրառ պրակտիկայի հարցերին, որոնք կապված են ԼՏՕ-ի գրանցամատյանում ընդգրկելու մասին վկայականի մի քանի հիմքով կասեցման և մաքսային մարմինների կողմից ապրանքների հաշվառման համակարգի պահանջներին համապատասխանության ստուգումների իրականացման հետ:
ԵԱՏՄ անդամ պետություններում ԼՏՕ ինստիտուտի զարգացման հարցերով աշխատանքային խումբը ստեղծվել է 2014 թվականին: Այն մշակում է Միությունում լիազորված տնտեսական օպերատորի ինստիտուտի կատարելագործման և զարգացման առաջարկներ։
