Նորություններ

24.11.2023 (Обновлено: 06.12.2023 12:19)

ԵՏՀ խորհուրդը երկարաձգել է ապրանքների ծագումը հաստատելու պարզեցված ընթացակարգը զարգացող և առավել թույլ զարգացած երկրների ապրանքների համար

Եվրասիական տնտեսական հանձնաժողովի խորհուրդը որոշում է ընդունել զարգացող և ամենաքիչ զարգացած երկրներից ներմուծվող ապրանքների նկատմամբ սակագնային արտոնություն տրամադրելիս ներկայումս գործող պարզեցումները մեկ տարով երկարաձգելու մասին։ Համապատասխան պարզեցումները նախատեսված են Հանձնաժողովի խորհրդի 2022 թվականի մարտի 17-ի № 33 որոշմամբ և պետք է կիրառվեին մինչև 2023 թվականի դեկտեմբերի 31-ը։

Մասնավորապես, երկարաձգվել է ապրանքի ծագման հավաստագրերի պատճենների օգտագործման հնարավորությունը (հետագայում՝ վեց ամսվա ընթացքում նման փաստաթղթերի բնօրինակները ներկայացնելու պայմանով):

Բացի այդ, մինչև 2024 թվականի դեկտեմբերի 31-ը չի կիրառվի ապրանքների անմիջական գնման պայմանը, այն է՝ ԵԱՏՄ երկրի տնտեսավարող սուբյեկտի և զարգացող և առավել թույլ զարգացած երկրի տնտեսավարող սուբյեկտի միջև ուղղակի պայմանագիր կնքումը։

«Ընդունված որոշումը ներկրողներին թույլ կտա շարունակել օգտագործել ապրանքների ծագման հաստատման հաջողված պարզեցված մեխանիզմը՝ արտաքին առևտրում պահպանվող բացասական երևույթները հաղթահարելու նպատակով», – պարզաբանել է ԵՏՀ առևտրի նախարար Անդրեյ Սլեպնևը։

 


Տեղեկանք

Նախկինում Հանձնաժողովի խորհուրդն ընդունել է 2023 թվականի հոկտեմբերի 20-ի № 120 որոշումը, որը նախատեսում է ազատ առևտրի պայմանագրերով ԵԱՏՄ գործընկեր երկրներից ներմուծվող ապրանքների ծագման փաստաթղթային հաստատման պարզեցված ընթացակարգի երկարաձգում։