Նորություններ

26 Aug 2024 Պատշաճ պրակտիկաների և դեղագործական ստուգումների համակարգը ԵԱՏՄ-ում գործում է համաշխարհային լավագույն փորձի մակարդակով ԵՏՀ տեխնիկական կարգավորման և հավատարմագրման վարչության փոխտնօրեն Չինարա Մամբետալիևան Ուֆայում միջազգային մասնակցությամբ 9-րդ Համառուսաստանյան GMP խորհրդաժողովի լիագումար նստաշրջանում խոսել է դեղամիջոցների ընդհանուր շուկայի կարգավորումների մաս հանդիսացող պատշաճ դեղագործական պրակտիկաների կանոնակարգման ուղղությամբ Եվրասիական տնտեսական հանձնաժողովի աշխատանքի արդյունքների և հեռանկարների մասին։ ԵՏՀ ներկայացուցիչը նշել է, որ ԵԱՏՄ-ում դեղամիջոցների շրջանառության կարգավորման պահպանումը լավագույն համաշխարհային փորձի մակարդակով, այդ թվում՝ դեղագործական ստուգումների հարցերով, Հանձնաժողովի 2024-2025 թվականների աշխատանքի գերակայություններից է։ Դեղամիջոցների շրջանառության ոլորտի պատշաճ պրակտիկաների համակարգը (GxP) և դեղագործական ստուգումների վերաբերյալ միասնական փաստաթղթերը եվրասիական «հնգյակի» երկրներում ստեղծում են դեղերի որակի ապահովման միասնական համակարգ և հիմք դեղագործական ստուգումների արդյունքների փոխադարձ ճանաչման համար։ ԵԱՏՄ-ի GxP-ները շարունակաբար զարգանում և պարբերաբար թարմացվում է՝ հաշվի առնելով դրանց կիրառման պրակտիկան և լավագույն համաշխարհային փորձի զարգացումը: ԵՏՀ դեղամիջոցների և բժշկական արտադրատեսակների շրջանառության ոլորտում աշխատանքների համակարգման վարչության պետ Դմիտրի Ռոժդեստվենսկին մասնակցել է խորհրդաժողովի պանելային նստաշրջանին, որտեղ քննարկվել են դեղագործական ստուգումներ անցկացնելու և գրանցման ընթացակարգերի շրջանակներում ստուգումներ նախաձեռնելու մասով ազգային օրենսդրությունը Միության իրավունքին ներդաշնակեցնելու հարցեր: Միջազգային մասնակցությամբ 9-րդ Համառուսաստանյան GMP խորհրդաժողովը պատշաճ պրակտիկաների ոլորտում տարվա առանցքային իրադարձություններից է: Միջոցառմանը ամեն տարի մասնակցում են ԵԱՏՄ անդամ պետությունների արտադրողներ, կարգավորիչների և դեղագործական տեսչությունների ներկայացուցիչներ, ինչպես նաև Առողջապահության համաշխարհային կազմակերպության եվրոպական տարածաշրջանային բյուրոյի և ԵԱՏՄ դիտորդ երկրների կարգավորիչների ներկայացուցիչներ:

ԵԱՏՄ-ում մինչև 2024 թվականի հուլիսի 27-ը տրված խաղալիքների համապատասխանության հավաստագրերը ուժի մեջ կլինեն մինչև դրանց գործողության ժամկետի ավարտը

26 Mar 2024 ԵԱՏՄ-ում մինչև 2024 թվականի հուլիսի 27-ը տրված խաղալիքների համապատասխանության հավաստագրերը ուժի մեջ կլինեն մինչև դրանց գործողության ժամկետի ավարտը Եվրասիական տնտեսական հանձնաժողովի կոլեգիան հաստատել է խաղալիքների վերաբերյալ Եվրասիական տնտեսական միության միասնական տեխնիկական կանոնակարգում կատարված փոփոխությունները գործողության մեջ դնելու կարգը։ Փոփոխությունները սահմանում են համապատասխանության գնահատման մանրամասն ընթացակարգեր: Սահմանվել է ԵԱՏՄ մաքսային տարածքում խաղալիքները մինչև 2024 թվականի հուլիսի 27-ը* տրված թույլատրական փաստաթղթերով՝ համապատասխանության հավաստագրերով շրջանառության մեջ դնելու հնարավորությունը, որոնք ուժի մեջ են մինչև այդ հավաստագրերի գործողության ժամկետի ավարտը։ Նման խաղալիքների շրջանառությունը թույլատրվում է դրանց պիտանիության ժամկետի (ծառայության ժամկետի) ընթացքում: Նման հնարավորության սահմանումը դրական ազդեցություն կունենա ձեռնարկատիրական գործունեություն վարելու պայմանների վրա, քանի որ արտադրողների, արտադրողի կողմից լիազորված անձանց և խաղալիք վաճառողների (մատակարարների) համար ապահովվում է «փափուկ» անցում համապատասխանության գնահատման նորացված ընթացակարգերին: Տեղեկանք *Խորհրդի 2024 թվականի հունվարի 26-ի № 5 որոշմամբ ընդունված տեխկանոնակարգի փոփոխությունների ուժի մեջ մտնելու ամսաթիվը։

Պաշարներ ԵՏՄ

Եվրասիական տնտեսական միություն

Եվրասիական տնտեսական միության Իրավական պորտալ

ԵԱՏՄ ներքին շուկաների գործառնության գլխամուտք

ԵԱՏՄ Թվագրված օրակարգի մասին գլխամուտք