Նորություններ

02.03.2023 (Обновлено: 03.03.2023 15:47)

ԵՏՀ-ում քննարկել են օդային տրանսպորտի ծառայությունների միասնական շուկայի ձևավորման հայեցակարգային մոտեցումները

Մարտի 1-ին Եվրասիական տնտեսական հանձնաժողովի էներգետիկայի և ենթակառուցվածքի նախարար Արզիբեկ Կոժոշևը Եվրասիական տնտեսական միության երկրների քաղաքացիական ավիացիայի հարցերը կարգավորող տրանսպորտի ոլորտի լիազոր մարմինների ղեկավարների տեղակալների հետ քննարկել է օդային տրանսպորտի ծառայությունների միասնական շուկայի ձևավորման հայեցակարգային մոտեցումները։

Խորհրդակցության մասնակիցները քննարկել են օդային տրանսպորտի մասով ԵԱՏՄ անդամ պետությունների համակարգված (համաձայնեցված) տրանսպորտային քաղաքականության իրականացման 2021-2023 թվականների հիմնական ուղղությունների և փուլերի իրականացման ճանապարհային քարտեզի կատարումը:

Հանդիպման ընթացքում արծարծվել են օրենսդրության ներդաշնակեցման, արդար և բարեխիղճ մրցակցության ապահովման հարցեր, ինչպես նաև Միության շրջանակներում օդային տրանսպորտի ծառայությունների ընդհանուր շուկայի ստեղծման և գործունեության վերաբերյալ միջազգային պայմանագրի մշակման և կնքման նպատակահարմարությունը։ Քննարկվել են ԵԱՏՄ մարմինների համապատասխան ակտերի նախագծերը, որոնք նախատեսվում է ընդունել ընթացիկ տարում:

Կողմերը հաստատել են օդային տրանսպորտի ծառայությունների ընդհանուր շուկայի աստիճանական ձևավորման ուղղությամբ համատեղ ջանքերը համակարգելու իրենց պատրաստակամությունը։