Տառատեսակի չափը. A A A

Կայքի գույները. C C C

Գրանցում կայքը Մորացել

Ընտրեք ամսաթվերը

Ընտրեք ուղղությունը

Որոնման արդյունքները 6967

11 հուլիսի 2025 ԵԱՏՄ երկրները զարգացնում են արդյունաբերական համագործակցությունը Եվրասիական տնտեսական հանձնաժողովի արդյունաբերության հարցերով խորհրդատվական կոմիտեի նիստում, որը նախագահել է ԵՏՀ պրոֆիլային նախարար Գոհար Բարսեղյանը, քննարկվել են Եվրասիական տնտեսական միության երկրների տնտեսության իրական հատվածի մի շարք արդիական հարցեր: Մասնավորապես, հավանություն է տրվել Արդյունաբերական համագործակցության հիմնական ուղղությունների իրականացման մշտադիտարկման արդյունքների մասին Հանձնաժողովի զեկույցը, համաձայնեցվել են արդյունաբերական արտադրանքի հիմնական տեսակների մասով ԵԱՏՄ պետությունների 2023 և 2024 թվականների, ինչպես նաև երկու կանխատեսվող ժամանակահատվածների՝ 2025 և 2026 թվականների պահանջարկի և առաջարկի ամփոփ կանխատեսումային հաշվեկշիռները: Քննարկվել է արդյունաբերության ոլորտի կոոպերացիոն նախագծերին ֆինանսական աջակցության տրամադրման վերազգային մեխանիզմի իրագործումը: «Կոմիտեի անդամները քննարկել են արդյունաբերական սուբսիդիաների ոլորտում աշխատանքների օպտիմալացման հնարավոր մեխանիզմները և նման նախատեսվող սուբսիդիաների մասին տեղեկատվության տրամադրման մասով ԵԱՏՄ մասին պայմանագրի առանձին դրույթների ճշգրտումները», — նաև նշել է Գոհար Բարսեղյանը:

11 հուլիսի 2025 ԵԱՏՄ երկրները քննարկում են քաղաքացիական ավիացիայում անօդաչու ավիացիոն համակարգերի օգտագործման և կարգավորման հեռանկարները «Անօդաչու ավիացիոն համակարգերը քաղաքացիական ավիացիայում. հեռանկարներ, մարտահրավերներ և կարգավորում» թեմայով կլոր սեղանի մասնակիցները քննարկել են քաղաքացիական նպատակների համար անօդաչու ավիացիոն համակարգերի (ԱԱՀ) շահագործման վիճակն ու հեռանկարները, անվտանգությունը անօդաչու թռչող սարքերի (ԱԹՍ) օգտագործման ընթացքում: Միջոցառումն անցկացվել է հուլիսի 10-ին և 11-ին Եվրասիական տնտեսական հանձնաժողովի կենտրոնակայանում ԵՏՀ էներգետիկայի և ենթակառուցվածքների նախարար Արզիբեկ Կոժոշևի նախագահությամբ: «Գլոբալ թվայնացման և արդյունավետ լոգիստիկ լուծումների պահանջարկի պայմաններում անօդաչու տեխնոլոգիաները նոր հնարավորություններ են առաջարկում տրանսպորտի անվտանգության բարձրացման, ծախսերի նվազեցման և ֆունկցիոնալության ընդլայնման համար», — նշել է Արզիբեկ Կոժոշևը: Միջոցառման շրջանակներում նաև կարծիքներ և միջազգային փորձ են փոխանակել ժամանակակից պայմաններում ԱԱՀ ոլորտի գործունեության կարգավորման հարցերով: Արդիական թեմաները և թեմային առնչվող միջազգային հարցերը ներկայացրել են քաղաքացիական ավիացիայի միջազգային կազմակերպությունների՝ Քաղաքացիական ավիացիայի միջազգային կազմակերպության (ՔԱՄԿ), Միջպետական ավիացիոն կոմիտեի (ՄԱԿ) և Օդային տրանսպորտի միջազգային ընկերակցության (ՕՏՄԸ) ներկայացուցիչները: Միջոցառման արդյունքների հիման վրա նախապատրաստվել է Բանաձև՝ թռիչքների անվտանգության մասին նորմատիվ ակտերի ներդաշնակեցման, թվային տեխնոլոգիաների, այդ թվում՝ արհեստական բանականության դերի և այլնի վերաբերյալ եզրահանգումներով ու հանձնարարականներով:

11 հուլիսի 2025 Վերամշակման մաքսային ընթացակարգն օգնում է ԵԱՏՄ երկրների արդյունաբերական կոոպերացիային և արտահանմանը Եվրասիական տնտեսական միության մաքսային տարածքում վերամշակման մաքսային ընթացակարգի կիրառումը խթանում է անդամ պետությունների արդյունաբերական կոոպերացիայի զարգացումը և արտահանումը: Սա ընդգծել է Եվրասիական տնտեսական հանձնաժողովի արդյունաբերական քաղաքականության վարչության տնօրեն Վիտալի Վովկն այս թեմայով ԵՏՀ հարթակում կայացած սեմինարի ընթացքում: Ըստ Վիտալի Վովկի՝ նման մաքսային ընթացակարգը, որը նախատեսում է օտարերկրյա ապրանքների օգտագործում՝ մաքսատուրքերի և հարկերի վճարումից ժամանակավոր ազատմամբ, օգնում է Միությունում կատարելագործել արտադրական գործընթացները և բարձրացնել ապրանքների մրցունակությունը: Ըստ էության, այն եվրասիական «հնգյակի» երկրների ինտեգրման ներուժի կարևոր տարրերից է: «Բարձր տեխնոլոգիական արտադրանք արտադրելիս սեփական իրավասությունների ու տեխնոլոգիաների զարգացման և երրորդ երկրներ դրանց արտահանման ավելացման վերաբերյալ Միության պետությունների ղեկավարների նախաձեռնությունները Հանձնաժողովի կողմից իրականացնելու համար հարկ է ավելի լիարժեք օգտագործել մեր ինտեգրման ներուժը, — նշել է Վիտալի Վովկը: — Սա անհրաժեշտ է արդյունաբերական կոոպերացիայի զարգացման ուղղությամբ ջանքերի համախմբման և մրցունակ արտադրանքի ելքի նոր արդյունավետ մեխանիզմների մշակման համար»: Սեմինարում հատուկ ուշադրություն են դարձրել վերամշակման մաքսային ընթացակարգի գործնական կիրառման, Միության պետությունների մաքսային մարմինների կողմից դրա իրականացման վարչական ասպեկտներին, արտադրողներին և արտահանողներին տրվելիք առավելություններին: Արդյունաբերության այլ ոլորտների թվում, որտեղ ակտիվորեն կիրառվում է կամ կարող է կիրառվել նշված ընթացակարգը, նշվել են ավիաշինությունն ու նավաշինությունը, երկաթուղային մեքենաշինությունը, ավտոմոբիլաշինությունը՝ ներառյալ շարժիչների արտադրությունը, մետաղագործությունը, դեղագործությունը, փայտամշակումը, քիմիական, թեթև արդյունաբերությունը և մի շարք այլ ոլորտներ: Նշված ոլորտներում կոոպերացիոն մատակարարումների դինամիկայի վերլուծությունը վկայում է ԵԱՏՄ շրջանակներում արդյունաբերական կոոպերացիայի զարգացման և երրորդ երկրների շուկաներ բարձր տեխնոլոգիական արտադրանքի արտահանման ընդլայնման համար առկա զգալի ներուժի մասին: Սեմինարը կազմակերպվել է «Ռուսաստանի արտահանման կենտրոն» ընկերությունների խմբի աջակցությամբ: Սեմինարին մասնակցել են ԵԱՏՄ երկրների լիազոր պետական մարմինների, կազմակերպությունների, ոլորտային ընկերակցությունների, բիզնեսի ավելի քան 130 ներկայացուցիչներ:

10 հուլիսի 2025 Բախիթ Սուլթանովը բանակցություններ է վարել արհեստական բանականության և հեղինակային իրավունքի հարցերի շուրջ Եվրասիական տնտեսական հանձնաժողովի տնտեսության և ֆինանսական քաղաքականության նախարար Բախիթ Սուլթանովը մասնակցել է Ժնևում Մտավոր սեփականության համաշխարհային կազմակերպության (ՄՍՀԿ) կենտրոնակայանում կայացած ՄՍՀԿ անդամ պետությունների ասամբլեաների նիստերի շարքին: Քննարկվել են մտավոր բանականության զարգացմանը և հեղինակային իրավունքի, ապրանքային նշանների, աշխարհագրական նշումների և արհեստական բանականության այլ օբյեկտների պահպանության ոլորտի իրավական կարգավորման կատարելագործմանն առնչվող հարցեր: Ասամբլեաների շրջանակներում կայացել է ԵՏՀ նախարարի հանդիպումը ՄՍՀԿ անցումային և զարգացած տնտեսություն ունեցող երկրների վարչության տնօրեն Հաբիբ Ասանի հետ: Կողմերը քննարկել են նախկինում ձեռք բերված պայմանավորվածությունների շրջանակներում Հանձնաժողովի և ՄՍՀԿ-ի փոխգործակցության արդյունքները: Այդ թվում՝ վերահաստատվել է 2025 թվականի հոկտեմբերին կայանալիք «Անտիկոնտրաֆակտ» միջազգային համաժողովին ՄՍՀԿ-ի ներկայացուցիչների և ՄՍՀԿ-ի մշտական հանձնաժողովների և աշխատանքային խմբի աշխատանքներին՝ Հանձնաժողովի ներկայացուցիչների մասնակցության հնարավորությունը: ԵԱՏՄ երկրներում մտավոր սեփականության արդյունավետ համակարգի ձևավորման աշխատանքներում Հանձնաժողովը հիմք է ընդունում ՄՍՀԿ-ի՝ որպես ամբողջ աշխարհում մտավոր սեփականության իրավունքների պահպանման գործում աջակցություն ցուցաբերող միջազգային կազմակերպության հսկայական փորձը», — նշել է Բախիթ Սուլթանովը: Բացի այդ, կայացել են ԵՏՀ նախարարի հանդիպումները Բելառուսի Հանրապետության մտավոր սեփականության ազգային կենտրոնի գլխավոր տնօրեն Ալեքսեյ Կուրմանի և Ղազախստանի Հանրապետության արդարադատության նախարարության մտավոր սեփականության իրավունքների կոմիտեի նախագահ Շոլպան Աբդրեեվը: Կողմերը քննարկել են մտավոր սեփականության ոլորտում համակարգային փոխգործակցության կառուցման, ինչպես նաև ԵԱՏՄ երկրների առջև դրված նպատակներին համապատասխան ինտեգրման ներուժի առաջմղման հարցեր, այդ թվում՝ «Եվրասիական տնտեսական ուղի» հռչակագրի իրականացման շրջանակներում: ՄՍՀԿ-ն ՄԱԿ համակարգի մասնագիտացված հաստատություն է, որին անդամակցում է 194 պետություն։ ՄՍՀԿ գործունեությունը նվիրված է մտավոր սեփականության հավասարակշռված և արդյունավետ միջազգային համակարգի զարգացմանը: Ասամբլեաների նիստերն անցկացվում են տարեկան կտրվածքով մտավոր սեփականության ոլորտում առկա ընթացիկ գլոբալ իրավիճակն ուսումնասիրելու նպատակով: 2019 թվականին ԵՏՀ-ի և ՄՍՀԿ-ի միջև կնքվել է Փոխըմբռնման հուշագիր:

10 հուլիսի 2025 ԵԱՏՄ-ն և Ինդոնեզիան ավարտել են ազատ առևտրի մասին բանակցությունները Եվրասիական տնտեսական հանձնաժողովի առևտրի նախարար Անդրեյ Սլեպնևը և Ինդոնեզիայի Հանրապետության տնտեսական հարցերով համակարգող նախարար Այիրլանգա Հարթարթոն հայտարարել են ազատ առևտրի մասին համաձայնագրի կնքման շուրջ բանակցությունների ավարտի մասին: Կողմերի երկխոսությունը կայացել է ՏԿԿ ռեժիմով: «Եվրասիական տնտեսական միությունը շարունակում է զարգացնել տնտեսական գործընկերությունների ցանցը առանցքային բարեկամական երկրների հետ: Իս Ինդոնեզիան, ինչպես հայտնի է, և՛ ԲՐԻԿՍ-ի անդամ է, և՛ Հարավարևելյան Ասիայի խոշորագույն տնտեսություններից մեկը՝ գրեթե 300 մլն մարդ բնակչությամբ», — նշել է Անդրեյ Սլեպնևը: ԵՏՀ նախարարը հիշեցրել է եվրասիական «հնգյակի» պետությունների հետ համագործակցության հարցում գործընկերով ավանդական հետաքրքրության մասին: Մասնավորապես, 2023 թվականին Մոսկվայում՝ 2-րդ Եվրասիական տնտեսական համաժողովի շրջանակներում կայացել է ԵԱՏՄ-Ինդոնեզիա» ծավալուն բիզնես երկխոսությունը: «Բացարձակ արտահայտմամբ տուրքերի նվազեցումը կանդրադառնա Ինդոնեզիայի հետ ԵԱՏՄ առևտրի շուրջ 3 մլն դոլարի վրա: Ակնկալում ենք, որ մեր երկրների միջև ապրանքաշրջանառությունը համաձայնագրի ուժի մեջ մտնելուց հետք առաջիկա 3-5 տարում կկրկնապատկվի: Ակնկալում ենք ինչպես գյուղատնտեսական, այնպես էլ արդյունաբերական խմբերի ապրանքների մասով Ինդոնեզիա մատակարարումների էական աճ», — ընդգծել է ԵՏՀ առևտրի նախարարը: Ըստ Անդրեյ Սլեպնեևի՝ ԵԱՏՄ-ն առանձնաշնորհային հասանելիություն կստանա, օրինակ, այնպիսի դիրքերի մասով, ինչպիսիք են պոլիմերները, պարարտանյութերը, էներգակիրները, քարհանքի ինքնափաթափերը, խողովակները, մետաղները և գունավոր մետաղներից պատրաստված արտադրանքը, էլեկտրական և մեխանիկական սարքավորումների լայն տեսականին: Խոսքը նաև ցորենի, ալյուրի, կաթի փոշու, հրուշակեղենի, ԽԵԱ-ի հալալ մսի, թռչնամսի մատակարարումների մասին: Համաձայնագիրը պետք է անցնի ստորագրմանը նախորդող ներպետական համաձայնեցման համապատասխան ընթացակարգեր:

09 հուլիսի 2025 Գոհար Բարսեղյան. «ԵՏՀ-ն հետևողականորեն հանդես է գալիս արդյունաբերական կոոպերացիայի խորացման օգտին» Եվրասիական տնտեսական հանձնաժողովի արդյունաբերության և ագրոարդյունաբերական համալիրի նախարար Գոհար Բարսեղյանը մասնակցել է Եկատերինբուրգում կայացած «Իննոպրոմ» միջազգային արդյունաբերական ցուցահանդեսի շրջայցին և աշխատանքներին, այդ թվում՝ «Տեխնոլոգիական առաջնություն. արդյունաբերական ճեղքում» գլխավոր ռազմավարական նստաշրջանին: Գործարար նախաճաշի ընթացքում, որին մասնակցել են Ռուսաստանի արդյունաբերության և առևտրի նախարար Անտոն Ալիխանովը և խոշոր արդյունաբերական ընկերությունների ղեկավարներ, Գոհար Բարսեղյանը նշել է.  «Եվրասիական տնտեսական միության երկրների բիզնեսի ներդաշնակ աշխատանքն առանցքային դերակատարում ունի: Դեպի սպառողն ուղղվածությունը և շուկայի փոփոխություններին օպերատիվ արձագանքման ունակությունը գործարար համայնքին օգնում են մասշտաբային խնդիրներ լուծել ԵԱՏՄ շրջանակներում: Հանձնաժողովը հետևողականորեն աշխատում է այնպիսի պայմաններ ստեղծելու համար, որոնց դեպքում ձեռնարկատերերը կարող են ավելի լավ բացահայտել իրենց ներուժը: Շանհայի համագործակցության կազմակերպության երկրների արդյունաբերության նախարարների խորհրդակցությանը քննարկվել են եվրասիական տարածքում հետագա համատեղ աշխատանքի հեռանկարները: «Հանձնաժողովը հետևողականորեն հանդես է գալիս արդյունաբերական կոոպերացիայի խորացման, տեխնոլոգիաների փոխանակման և արդյունավետ ինտեգրացիոն շփումների ձևավորման օգտին: Մենք հետաքրքրված ենք ոլորտային նախաձեռնությունների խթանմամբ, ՇՀԿ երկրների հետ համատեղ նախագծերի իրականացմամբ և տեխնոլոգիական փորձի փոխանակմամբ», — ընդգծել է Գոհար Բարսեղյանը: Նա նաև աշխատանքային հանդիպումներ է ունեցել Բելառուսի արդյունաբերության նախարար Անդրեյ Կուզնեցովի հետ, որի ընթացքում քննարկվել են ԵԱՏՄ-ում ֆինանսական աջակցության մեխանիզմի և համատեղ նախագծերի իրագործման հարցեր: «Իննոպրոմի» միջոցառումների շրջանակներում Գոհար Բարսեղյանը նաև այցելել է «Էներգո-Արսենալ» լուսավորության հենարաններ և լուսամփոփներ արտադրող գործարանը: Ձեռնարկությունը Միությունում կոոպերացիոն նախագծերին աջակցության ցուցաբերման 2024 թվականին գործողության մեջ դրված վերազգային ծրագրի հնարավոր մասնակիցներից է:  2025 թվականի սեպտեմբերի 29-ից հոկտեմբերի 1-ի «Իննոպրոմն» իր աշխատանքները կշարունակի Մինսկում: Նույն վայրում տեղի կունենա նաև ԵԱՏՄ արդյունաբերական քաղաքականության խորհրդի նիստը:

09 հուլիսի 2025 Ընդլայնվել են ԵԱՏՄ արտադրողների արդյունաբերական ապրանքների համար պետգնումների հասանելիության հնարավորություննրեը Եվրասիական տնտեսական հանձնաժողովի խորհուրդը փոփոխություններ է կատարել Պետական (համայնքային) գնումների նպատակների համար ապրանքների առանձին տեսակների ծագման երկրի որոշման կանոններում, որոնք հաստատվել են ԵՏՀ խորհրդի կողմից 2020 թվականին: Մասնավորապես, Կանոնները լրացվել են խողովակների, լազերների, միկրոդիսփլեյների արտադրության պայմաններով, բժշկական արտադրատեսակների, երկաթուղային շարժակազմի բաղադրիչների և ենթակառուցվածքի նոր ապրանքային անվանումներով, քիմիական արդյունաբերական ապրանքներով: Նշենք, որ սա 2025 թվականի ընթացքում փոփոխությունների 2-րդ փաթեթն է, որոնք ուղղված են ԵԱՏՄ երկրներում կիրառված առանձնաշնորհների, սահմանափակումների և արգելքների պայմաններում պետգնումներում ազգային ռեժիմի ընդլայնմանը (մայիսին Կանոնները լրացվել են 51 ապրանքային անվանմամբ պետգնումներին մասնակցության հնարավորությունն ապահովելու համար): Ընդունված ակտերը ԵԱՏՄ պետությունների արտադրողներին թույլ կտան ներառել իրենց և իրենց ապրանքների մասին տեղեկությունները Արդյունաբերական ապրանքների եվրասիական գրանցամատյանում և անարգել մասնակցել պետգնումներին: Կանոնները սահմանում են պետգնումների նպատակով ապրանքների ծագման երկրի որոշման և հաստատման միասնական մոտեցում: Դրանք թույլ կտան պետգնումներում ազգային ռեժիմ ապահովել այն դեպքերում, երբ պետության կողմից առանձնաշնորհներ են սահմանված հայրենական մատակարարների համար կամ սահմանափակումներ՝ օտարերկրյա ապրանքների համար: Փոփոխություններն ուժի մեջ կմտնեն ԵՏՀ Խորհրդի որոշման պաշտոնական հրապարակման օրվանից 30 օրացուցային օր հետո: Հանձնաժողովի պաշտոնական կայքում՝ «Մրցակցային քաղաքականության և պետական գնումների ոլորտի քաղաքականության վարչություն» բաժնի «Հաճախակի տրվող հարցերի պատասխաններ» ներդիրում հրապարակված է տեղեկատվություն ապրանքի և դրա արտադրողի մասին տեղեկությունները Պարենային ապրանքների եվրասիական գրանցամատյանում ներառելու կարգի, այդ տեղեկությունների ներառման հայտը Հանձնաժողովի կողմից քննարկելու ալգորիթմի մասին:

09 հուլիսի 2025 Մաքսիմ Երմոլովիչը ներկայացրել է ԵՏՀ գործունեությունը ՄԱԿ-ի մրցակցությանի նվիրված խորհրդաժողովում Եվրասիական հանձնաժողովի պատվիրակությունը Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Մաքսիմ Երմոլովիչի ղեկավարությամբ Ժնևում մասնակցել է ՄԱԿ-ի 9-րդ խորհրդաժողովին, որը նվիրված էր սահմանափակող գործարար պրակտիկայի նկատմամբ վերահսկողության բազմակողմ հիմունքներով համաձայնեցված արդար սկզբունքների և կանոնների համալիրի քննարկմանը: Մաքսիմ Երմոլովիչը «Մրցակցությունը և տարածաշրջանային տնտեսական կազմակերպությունները» խորագրով նստաշրջանում ներկայացրել է Հանձնաժողովի գործունեությունը և մրցակցության հարցերի շուրջ տարածաշրջանային ինտեգրացիոն միավորումների երկխոսության մասին նրա նախաձեռնությունը: «Տարածաշրջանային հանդիպումների շրջանակներում մենք քննարկում ենք տարածաշրջանային մակարդակով մրցակցության կարգավորման արդիական հարցեր: Ավելի վաղ անցկացված հինգ հանդիպման արդյունքները ցույց են տալիս նման երկխոսության պահանջվածությունը և ընդլայնման անհրաժեշտությունը, — նշել է Մաքսիմ Երմոլովիչը: — Արդյունքում մենք պայմանավորվել ենք ուսումնասիրել տարածաշրջանային մակարդակում մրցակցության կարգավորման հարցը»: ԵՏՀ նախարարը երկխոսության մասնակիցների անունից Խորհրդաժողովում հայտնել է այս ոլորտում փոխգործակցությունը շարունակելու կարևորության, Հանձնաժողովի կողմից տարածաշրջանային կազմակերպությունների հանդիպումների կանոնավոր անցկացման անհրաժեշտության մասին: Նա նաև ներկայացրել է տարածաշրջանային մակարդակում մրցակցության կարգավորման կատարվող ուսումնասիրության նախնական արդյունքները: Խորհրդաժողովի շրջանակներում Հանձնաժողովի պատվիրակությունը հանդիպում է ունեցել ՅՈՒՆԿՏԱԴ միջազգային առևտրի և հումքային ապրանքների ստորաբաժանման ղեկավար Լուս Մարիա դե լա Մորայի հետ, որի ընթացքում քննարկվել են հետագա համագործակցության հեռանկարներ: ՄԱԿ-ի Խորհրդաժողովն անցկացվում է հինգ տարին մեկ անգամ՝ լինելով մրցակցության հարցերով բարձր մակարդակի միջոցառում: ՄԱԿ-ի անդամ պետությունների պրոֆիլային մարմինների ղեկավարներ, բարձրաստիճան պաշտոնյաներ հանդիպման ընթացքում քննարկում են, ի թիվս այլնի, այս ոլորտում իրավակիրառության ուժեղացման հարցը:

Ցուցադրել ավելին